Yele-za-pɛr-tib 42:6 - A SƐB-SÕW

⁶ A Zuzɛb'ʋ tɩ kaarɛ a tẽw zie. Ʋlɛ n'ʋ tɩ kʋɔrɛ a ble kʋ̀rɛ a nɩbɛ za. A ʋ yɛbr tɩ wa na wa gbĩ dume gũu tɩ tɔ tẽw a ʋ niŋé.

Yele-za-pɛr-tib 42:6 ပူးပေါင်းရင်းမြစ်များ

Yele-za-pɛr-tib 18:2

Ʋ wa dʋɔ nɩ zu nyɛ̃ nɩbɛ ata bɛ àr a ʋ nidaa. Ʋ na wa nyɛrɛ bɛ wa báarɛ a, ʋ yi n a pɛn-sɛw dɩ̃dɔrɩ́ zɔ tuori bɛ, tɩ gũu tɩ tɔ tẽw,

Yele-za-pɛr-tib 19:1

A malkɩ mɩnɛ ayi tɩ ta n a Sodɔm, a zaanʋɔra. A Lɔtɩ tɩ zɩ̃ n a tẽw dɩ̃dɔr nʋɔr. Ʋ na wa nyɛrɛ bɛ wa báarɛ a, ʋ ìr'a tuori bɛ, tɩ lo gbĩ dume gũu tɩ tɔ tẽw a bɛ niŋé.

Yele-za-pɛr-tib 33:3

A ʋl mɩŋa tɩ de bɛ nɩ niwn. Ʋ tɩ gbĩ n dume gũu tɩ tɔ tẽw gb'a ayopõi, ɛ́ bãw ta a ʋ yɛb zie.

Yele-za-pɛr-tib 41:43

Al pùorí, ʋ ƴãw ʋ do kpɛ a ʋ zɛbr-torkori ayi sob pʋɔ, ɛ́ nɩbɛ de niwn zɔrɛ, ɛ́ yere: «Nyɩ bɛr sɔ́r!» À ŋá n'a a Faarawɔ̃ tɩ kʋ̀ a Zuzɛb a fãw a Eziptɩ tẽw za zu.

Yele-za-pɛr-tib 41:54

Lɛ n'a a yome ayopõi kɔ̃ tɩ tĩ, mɛ̃ a lɛ a Zuzɛb na tɩ yel a. A kɔ̃ tɩ lo n a ten za, ɛ́ bʋ̃-dɩrɩ tɩ cãà a Eziptɩ tẽw za pʋɔ.

Yele-za-pɛr-tib 41:57

A nɩbɛ tɩ yire nɩ a ten za waar wa daar a ble a Zuzɛb zie. Bʋ̃ʋ n'ʋ vɛ̃, a kɔ̃ tɩ kʋrɛ nɩ a nɩbɛ a ziir za.

Yele-za-pɛr-tib 44:14

A Zuda nɩ a ʋ yɛbr tɩ ta n a Zuzɛb yir. Ʋ tɩ cãà nɩ be. Bɛ tɩ gbĩ n dume gũu tɩ tɔ tẽw a ʋ niŋé.

Yele-za-pɛr-tib 45:26

Bɛ tɩ yel ʋ na: «A Zuzɛb cãà na, ɛ́ ʋlɛ n'ʋ kaarɛ a Eziptɩ tẽw za zie.» Ɛcɛ a bɛ tɩ ɩ a Zakɔb bom za ɩ, ʋ na bɛ tɩ sàw de a bɛ ƴɛ̀rʋ a ƴãw.

Yele-za-pɛr-tib 45:8

A na ɩ à ŋá a, nyɩmɛ bɛ nɛbɛ tõ m a ka ɩ, Naaŋmɩn n'ʋ. Ʋlɛ mɩ̀ cãà n'ʋ ɩ k'ɩ̃ ɩ a Faarawɔ̃ tõ-tõ-bi-kpɛ̃ɛ za, a nãà yir kaarɛ nɩ a Eziptɩ tẽw za kaarɛ.

Yele-za-pɛr-tib 48:12

A Zuzɛb tɩ ɓáw nɩ a ʋ bidɛbr a ʋ sãà gbɛ́ɛ zu, ɛ́ gbĩ dume gũu tɩ tɔ tẽw.

Zʋkpaɩ 11:26

Sob nɛ na mɩ́ sɩb a ʋ ble tɛr a, a nɩbɛ mɩ́ ŋmɩɛr'a ƴãwn ʋ. Ɛcɛ sob nɛ na mɩ́ kʋɔrɛ a ʋ ble a, a nɩbɛ mɩ́ ƴɛ̀rɛ nɩ nɔ-vla ƴãwn ʋ.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Nɩ-toni 7:10

Ʋ tɩ faa ʋ nɩ a ʋ kpɩɛrʋ za pʋɔ, ɛ́ kʋ̀ ʋ maalʋ nɩ yã-bãwfʋ a Eziptɩ nãà Faarawɔ̃ niŋé, ʋ de ʋ ʋ kaarɛ a Eziptɩ tẽw zie, lãwnɩ a nãà yir bome zie.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

1 Samɩɛl 20:41

Lɛ n'a a dɛble tɩ lɛb kul, ɛ́ a Daviir yi a ʋ sɔwlʋ zie, a saa-pɛrɩ́-dʋrʋ-lowr. Ʋ tɩ gũu na tɩ tɔ tẽw gb'aa ata a Zonatã niŋé. Bɛ tɩ nyɔw nɩ taa weri kone nɩ marmarmar.