Yele-za-pɛr-tib 4:7 - A SƐB-SÕW

⁷ A fʋ ɩb wa vɩɛl a, fʋ na dʋɔ nɩ zu. Ɛcɛ a fʋ ɩb bɛ wa vɩɛl a, a yel-bier ũú nɩ a fʋ dɩ̃dɔr ƴãw gù. Ʋ bɔbr'a k'ʋʋ so b, ɛcɛ fʋ̃ʋ n'ʋ na ƴãw fãw tʋ̃ɔ́ ʋ.»

Yele-za-pɛr-tib 4:7 ပူးပေါင်းရင်းမြစ်များ

Yele-za-pɛr-tib 19:21

A malkɩ tɩ yel ʋ na: «Nyɛ̃, ɩ̃ cãà na sàw lɛb maalɛ fʋ, ɩ̃ bɛ tʋ̀ɔr a tẽw ŋa fʋ na yere a ɩ.

Yele-za-pɛr-tib 3:16

Al pùorí a Sore yel a pɔw: «Ɩ̃ na ɩ na fʋ mɩ́ tɛr a pʋɔ nyɛ̃ nɩ wʋ̀ʋr yaga, ɛ́ dɔw bibiir wõ n tuo. A fʋ sɩr vʋla na mɩ́ tɛr fʋ na, ʋʋ na tʋ̃ɔ́ fʋ na.»

2 Samɩɛl 24:23

A Arona tɩ kʋ̀ n à á ŋá za a nãà, ɛ́ yel ʋ: «A Sore fʋ Naaŋmɩn, ʋ sàw de a fʋ de-kʋ̀b bom.»

2 Na-mɩnɛ 8:28

Ʋlɛ nɩ a Akab bidɛb, Yoram, tɩ cen na tɩ zɛb'ɩ a Siiri tẽw nãà Hazayɛl, Aramɔtɩ tẽw na be Galaadɩ a. A Siiri tẽw dem tɩ ƴãw nɩ a nãà Yoram bàalʋ, a zɛbr pʋɔ.

A Zɔb sɛbɛ 11:14

Ɩ-faa wa mar a fʋ nuru a, pɛ́w a bɛr, ɛ́ ta sàw yel-faa kpɛ a fʋ yir ɛ.

A Zɔb sɛbɛ 11:15

Lɛ n'a fʋ kʋ̃ tɛr sãwna ɩ, tʋ̃ɔ́ dʋɔ zu, fʋ kʋ̃ bãw damnʋ za ɩ, ɛ́ kʋ̃ zɔrɛ bom kãw za dɛ̃bɩ̃ɛ ɩ.

A Zɔb sɛbɛ 29:4

Ɩ̃ tɩ bɩ n nɩr baar a lɛn daar, ɛ́ a Naaŋmɩn tɩ kaarɛ a ɩ̃ yir zie mɛ̃ bá a!

A Zɔb sɛbɛ 42:8

Ƴɛrɛŋa a, nyɩ bɔ nadɛɛ ayopõi nɩ pʋ́rɩ ayopõi cen nɩ tɩ páw nɩ a ɩ̃ tõ-tõ-bie Zɔb. Nyɩ na tɩ de a na maal'ɩ nyɩw-a-za-bàwr a nyɩ ƴãw, ɛ́ a ɩ̃ tõ-tõ-bie Zɔb puori kʋ̀ nyɩ. A ʋl ƴãw n'a ɩ̃ kʋ̃ dɔwrɩ nyɩ a nyɩ gẽgẽ-ƴɛ̀rʋ ƴãw ɛ, nyɩɩm na bɛ yel a yel-mɩŋa a ɩ̃ ƴãw mɛ̃ a lɛ a ɩ̃ tõ-tõ-bie Zɔb na yel a.»

Zʋkpaɩ 18:5

Yel-faa n'ɩ fʋ na ƴɛ̀r kpɛ a sãwna sob, ɛ́ bɛ wul a nɩ-mɩŋa yel-mɩnʋ a ƴɛ̀rʋ-dɩb pʋɔ a.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Malasɩ 1:10

Bʋ̃ʋ pãa ɩ, a nyɩ kãw kʋ̃ tʋ̃ɔ́ nyɔw a ɩ̃ yir-kpɛ̃ɛ pamɛ pàw, kɛ̀ nyɩ ta gbɔwr vũu a ɩ̃ bàwr-maal-kuur zu zawlalɛ a? Bʋ̃ʋ n'ʋ vɛ̃, a ɩ̃ pʋɔ bɛ pɛlɩ a nyɩ ƴãw ɛ, kʋraa! Ɛ́ a nyɩ de-kʋ̀b bome nyɩ na ture cɔwr mɛ̃ a, bɛ nʋmɛ a ɩ̃ zie ɩ, mãa n'ʋ yere kʋ̀rɛ nyɩ, mãa, a Sore Kpɛnʋ-za-sob.

Malasɩ 1:13

Nyɩ mɩ̀ mɩ́ yere na: “Nyɛ̃ niw-sʋba a!” Nyɩ bɛ bʋɔlɛ mɛ̃ nɩr ɛ, a mãa, a Sore Kpɛnʋ-za-sob! Nyɩ mɩ́ wa n nɩ dʋ̃-zuri, dʋn na cɛwrɛ a, bɩɩ dʋ̃-bàalbɛ kɛ́ nyɩ wa kʋ̀ m. Ŋmɩŋmɩn n'a ɩ̃ na tʋ̃ɔ́ sàw de a de-kʋ̀b bome á ŋá taabɛ a nyɩ nũú? Nyɩmɛ nɛbɛ ɩ̃ sowre.

Malasɩ 1:8

A dʋ̃-zɔ̃w nyɩ na mɩ́ nyɔw maal'ɩ a bàwr kʋ̀ m a, a vɩɛl'a a? Nyɩ na mɩ́ wa wa n a kãw ʋ cɛwrɛ bɩɩ ɩ bàal a, a mɩ́ vɩɛl'a a? Nyɩ cen nɩ a dʋ̃w ŋa tɔ tɩ kʋ̀ a nyɩ na-kpɛ̃ɛ-lɩɛrɛ kɛ́ nyɛ̃! Nʋ̃ɔ̀ na kpɩɛr ʋ na a? Ʋ na jɩ́r nyɩ na kaa a? Mãa n'ʋ sowre nyɩ, mãa, a Sore Kpɛnʋ-za-sob.

Sɔr-nɛ́ɛ 32:23

Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Nɩ-toni 10:35

bʋʋrɛ nɛ kãw za pʋɔ, nɩr na zɔrɛ ʋ ɛ́ tuur a yel-mɩnʋ a, a ʋ yele mɩ́ nʋmɛ nɩ a Naaŋmɩn zie.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 6:12

A na ɩ à ŋá a, a yel-bier bɛ tɛr sɔ́r k'ʋʋ cãà dɩrɛ naalʋ a nyɩ ƴã-gan na ɩ bʋ̃-kpiira a zu, ƴãw kɛ̀ nyɩ tuur a ƴã-gan ŋa yel-bɔbrɩ ɛ.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

1 Timote 5:4

Pɔw-kʋɔr wa tɛr bibiir bɩɩ yan a, bɛlɛ nɛbɛ a fɛrɛ kɛ́ bɛ de niwn tɛr a Naaŋmɩn bɛ na ƴãwnɛ a ɩ-ɩrɩ, a bɛ mɩŋa yir ƴãw, ɛ́ maalɩ a bɛ dɔwrbɛ yáa a san. À ŋá n'a sɩrɩ vɩɛl a Naaŋmɩn zie.

Ebre 11:4

A sàw-deb zũú n'a Abɛl tɩ maalɩ bàwr na vɩɛl zuo Kayɛ̃ dem a kʋ̀ a Naaŋmɩn. A sàw-deb ƴãw n'a a Naaŋmɩn tɩ yel k'ʋʋ ɩ n nɩ-mɩŋa, a Naaŋmɩn mɩŋa na tɩ sàw de a bome a Abɛl na kʋ̀ ʋ a ƴãw. A ʋ sàw-deb zũú, a Abɛl na saa kpi a cãà na ƴɛ̀rɛ.

Zakɩ 1:15

Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.