Yele-za-pɛr-tib 26:3 - A SƐB-SÕW

³ Kpɩɛr a ʋlɩ tẽw nɛ, ɩ̃ na be n a fʋ zie, ɩ̃ɩ na maalɩ fʋ na. Bʋ̃ʋ n'ʋ vɛ̃, fʋ̃ʋ nɩ a fʋ bʋʋrɛ nɛbɛ ɩ̃ na kʋ̀ a ziir á ŋá. Ɛ́ à à ŋá n'a ɩ̃ na tu a nʋɔr ɩ̃ na ƴãw kʋ̀ a fʋ sãà Abraham a.

Yele-za-pɛr-tib 26:3 ပူးပေါင်းရင်းမြစ်များ

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 13:15

A tẽw ŋa za fʋ na nyɛ̃ a, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ kɛ́ nyɩ só ʋ kʋralɛ.

Yele-za-pɛr-tib 13:17

Ìr cɔlɩ a tẽw, a wogo nɩ a yɛ̀lʋ, bʋ̃ʋ n'ʋ vɛ̃, fʋ̃ʋ n'ʋ ɩ̃ kʋ̀rɛ a tẽw.»

Yele-za-pɛr-tib 15:18

A ʋlɩ bibir nɛ a, a Sore tɩ maal'ɩ nɩ a Abram wõ-taa. Ʋ tɩ yel ʋ nɩ à ŋá: «A fʋ bʋʋrɛ nɛbɛ ɩ̃ kʋ̀rɛ a tẽw ŋa na yi a Eziptɩ man ɛ́ tɩ tɔ a man-kpɛ̃ɛ a, a Efaratɩ man.

Yele-za-pɛr-tib 17:19

Ɛcɛ a Naaŋmɩn tɩ lɛb'a yel: «Lɛ bɛ n'a ɩ! A fʋ pɔw Saara na dɔw nɩ dɛble kʋ̀ b, fʋ por a yúor Ɩzaakɩ. Ɩ̃ na bin nɩ a ɩ̃ wõ-taa mãa nɩ a ʋl nɩ a ʋ bʋʋrɛ cara pʋɔ a ʋ pùorí. Ʋ na ɩ n wõ-taa na be kʋralɛ a.

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Yele-za-pɛr-tib 20:1

A Abraham tɩ yi n a be cen a Negɛɛvʋ vuo pʋɔ, tɩ kpɩɛr Kadɛsɩ nɩ Súùr cara pʋɔ, al pùorí ʋ cen tɩ zɩ̃ Geraar.

Yele-za-pɛr-tib 25:11

A Abraham kũu pùorí a, Naaŋmɩn tɩ maal'ɩ a ʋ bidɛb Ɩzaakɩ. A Ɩzaakɩ tɩ kpɩɛr'a pɩɛlɩ a Lahaɩ-Ʋrɔɩ bule.

Yele-za-pɛr-tib 26:12

A Ɩzaakɩ tɩ kɔ na bʋ̀r a tẽw pʋɔ a ʋlɩ yũon nɛ, ɛ́ cɛ̀ gb'aa kʋba (100) dɔwlɩ. A Sore tɩ maal'ʋ na.

Yele-za-pɛr-tib 26:14

Ʋ tɩ tɛr'ɩ píir nɩ bʋʋr nɩ nĩi nɩ tõ-tõ-biir yaga za. A Filisɩtɛ̃ mɩnɛ tɩ nyuur'ɩ nɩ a Ɩzaakɩ.

Yele-za-pɛr-tib 26:24

A Sore tɩ ɩ na ʋ nyɛ̃ ʋ a tɩ̃ɩsɔw, ʋʋ yel ʋ: «Mãa n'ɩ a fʋ sãà Abraham Naaŋmɩn. Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na maalɩ fʋ na, ɛ́ ɩ a fʋ bʋʋrɛ bɛ yɛ̀r yãwmɛ yaga, a ɩ̃ tõ-tõ-bie Abraham zũú.»

Yele-za-pɛr-tib 28:13

A Sore tɩ àr'a kɔw a Zakɔb ɛ́ yere kʋ̀rɛ ʋ: «Mãa n'ɩ a Sore, a fʋ sãàkʋm Abraham Naaŋmɩn, a Ɩzaakɩ Naaŋmɩn. A tẽsɔw ŋa zu fʋ na gã a, ɩ̃ na kʋ̀ ʋ nɩ fʋ̃ʋ nɩ a fʋ bʋʋrɛ.

Yele-za-pɛr-tib 28:15

Ɩ̃ be n a fʋ zie, ɩ̃ na gùre fʋ nɩ zie nɛ za fʋ na cere a, ɩ̃ɩ na lɛb'a tɛr fʋ wa n a tẽw ŋa pʋɔ. Ɩ̃ kʋ̃ zawrɩ fʋ bɛr ɛ, ɛ́ gù ɩ̃ tɩ maalɩ a lɛ za ɩ̃ na yel kʋ̀ b a.»

Yele-za-pɛr-tib 31:3

Lɛ n'a a Sore tɩ yel a Zakɔb: «Lɛb cen a fʋ sãà mɩnɛ tẽw, a fʋ yir dem zie: ɩ̃ na be n a fʋ zie.»

Yele-za-pɛr-tib 35:12

Ɩ̃ kʋ̀rɛ fʋ nɩ a tẽw ɩ̃ na kʋ̀ a Abraham nɩ a Ɩzaakɩ a, ɛ́ kʋ̀rɛ ʋ a fʋ bʋʋrɛ a fʋ pùorí.»

Yele-za-pɛr-tib 39:2

A Sore tɩ be n a Zuzɛb zie, bom za tuur ʋ. A Zuzɛb tɩ kpɩɛr'ɩ a ʋ nɩ-kpɛ̃ɛ na ɩ a Eziptɩ tẽw nɩr a yir.

Yele-za-pɛr-tib 39:21

Ɛcɛ a be mɩ̀ a, a Sore tɩ be n a ʋ zie, ɛ́ wul ʋ a ʋ nɔ̃wfʋ. Ʋ tɩ ɩ na a gaso-gùrbɛ nɩ-kpɛ̃ɛ nɔ̃w a ʋ yele.

Yele-za-pɛr-tib 48:21

Al pùorí ʋ yel a Zuzɛb: «Ɩ̃ kʋ̃ yaa kɛ́ kpi ɛ, ɛcɛ Naaŋmɩn na be n a nyɩ zie ɛ́ ɩ nyɩ lɛb wa a nyɩ sãàkʋm-kore tẽw.

Yele-za-pɛr-tib 50:24

A Zuzɛb tɩ yel'ɩ a ʋ yɛbr bibir kãw: «Ɩ̃ na kpi na, ɛcɛ Naaŋmɩn na sõw nyɩ na, a bɛ tɛr à ŋá ɩ. Ʋ na ɩ na nyɩ yi a Eziptɩ, ʋʋ tɛr nyɩ tɩ ta n a tẽw ʋl ʋ na ƴãw nʋɔr k'ʋʋ na kʋ̀ n a Abraham, a Ɩzaakɩ nɩ a Zakɔb a.

1 Bibie za yel-manɩ 16:16

A wõ-taa ʋ na maal'ɩ a Abraham a n'ʋ, a pɔb ʋ na pɔ a Ɩzaakɩ zie a n'ʋ.

Sɛb-sõw yielu 105:8

Ʋ cãà na bãwnɩ a ʋ wõ-taa, a ƴɛ̀rʋ ʋ na ƴɛ̀r nɩbɛ tu-tu-túr ƴãw a.

Sɛb-sõw yielu 105:9

A wõ-taa ʋ na maal'ɩ a Abraham a n'ʋ, a pɔb ʋ na pɔ a Ɩzaakɩ zie a n'ʋ.

Sɛb-sõw yielu 32:8

A Sore yere na, ɩ̃ na wule fʋ na, ɛ́ wule fʋ a sɔ́r fʋ na na tuur a. Ɩ̃ na wule fʋ nɩ yã ɛ́ jɩ́rɛ fʋ.

Sɛb-sõw yielu 39:12

A nɩsaal na mɩ́ sãw, fʋ dɔwr'ʋ a, fʋ mɩ́ kpãa ʋ na. Fʋ mɩ́ sãw nɩ a bom ʋ na nɔnɛ a bɛr, mɛ̃ zãzul na mɩ́ kpɛ sãw tɩ-wɔm a. Nɩsaal za ɩ n pɩɛlʋ tɛwr! Tɛw-àrʋ

Eziptɩ tẽw yib 2:24

A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Eziptɩ tẽw yib 6:4

Ɩ̃ maal'ɩ bɛ nɩ wõ-taa yel k'ɩ̃ɩ na kʋ̀ bɛ nɩ a Kanãa tẽw bɛ na ɩ nʋʋrɩ kpɩɛr a.

Eziptɩ tẽw yib 6:7

Ɩ̃ na de nyɩ na, nyɩ ɩ a ɩ̃ nɩbɛ, ɩ̃ɩ ɩ a nyɩ Naaŋmɩn. Nyɩ na bãw na k'aa mãa, a Sore, mãa n'ɩ a nyɩ Naaŋmɩn na íre nyɩ bɛrɛ a Eziptɩ tẽw pɔ̃tɔrɩ tome pʋɔ a.

Eziptɩ tẽw yib 6:8

Ɩ̃ na tɛr nyɩ na ta n a tẽw ʋl ɩ̃ na pɔ yel k'ɩ̃ɩ na kʋ̀ n a Abraham, a Ɩzaakɩ nɩ a Zakɔb a. Ɩ̃ na kʋ̀ nyɩ na nyɩ só ʋ. Mãa n'ɩ a Sore”.»

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Wulu-ayi-sob 1:8

Nyɩ nyɛ̃, ɩ̃ kʋ̀rɛ nyɩ nɩ a tẽw ŋa. Nyɩ cen tɩ de ʋ, só ʋ. Bʋ̃ʋ n'ʋ vɛ̃, a tẽw ŋa n'ʋ a mãa, a Sore, yel k'ɩ̃ɩ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb nɩ a bɛ bʋʋrɛ a pùorí.»

Wulu-ayi-sob 34:4

A Sore tɩ yel ʋ na: «Nyɛ̃ a tẽw ɩ̃ na pɔ à ŋá yel a Abraham, a Ɩzaakɩ nɩ a Zakɔb k'ɩ̃ɩ na kʋ̀ bɛ na a: “Ɩ̃ na kʋ̀ n a nyɩ bʋʋrɛ a tẽw ŋa.” Ɩ̃ wul fʋ na fʋ nyɛ̃ ʋ, ɛcɛ fʋ bɛ kpɩɛr a ʋ pʋɔ ɩ.»

Filib 4:9

Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

Ebre 11:9

A sàw-deb zũú n'a ʋ tɩ kpɛ a tẽw ʋl mɛ̃ nʋʋra a, a tẽw ʋl a Naaŋmɩn na yel k'ʋʋ na kʋ̀ ʋ na a. Pɛn-sɛw pʋɔ n'a ʋ tɩ kpɩɛr, ʋlɛ nɩ a Ɩzaakɩ nɩ a Zakɔb, a bɛl a Naaŋmɩn mɩ̀ na tɩ ƴãw a ʋlɩ nɔ-been nɛ kʋ̀ a.

Ebre 6:17

Ɛcɛ a Naaŋmɩn tɩ bɔbr'a k'ʋʋ wul cãàmɩlɛ a bɛlɩ dem na na páw a nʋɔr ʋ na ƴãw a maalʋ a, k'aa lɛ ʋ na yel a bɛ tɛr lɩɛbʋ ɛ. A lɛ n'a so ʋ tɩ ƴãw a nʋɔr pɔ n.