Yele-za-pɛr-tib 24:1 - A SƐB-SÕW

¹ A Abraham tɩ kor'a tɩ maal kor, ɛ́ a Sore maal'ʋ a yele za pʋɔ.

Yele-za-pɛr-tib 24:1 ပူးပေါင်းရင်းမြစ်များ

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

Yele-za-pɛr-tib 13:2

A Abram tɩ kpɛ n naalʋ yaga za. Zaw-bɛrɛ bɛrɛ sob tɩ n'ʋ, ɛ́ mɩ̀ tɩ tɛr salm-pla nɩ salm-zɩɛ yaga.

Yele-za-pɛr-tib 18:11

A Abraham nɩ a Saara tɩ kor'ɩ bɛ za, ɛ́ a Saara bɛ tɩ cãà lore sɩɛ ɩ.

Yele-za-pɛr-tib 21:5

A Abraham tɩ tɛr'ɩ yome kʋba (100) a lɛn daar a Ɩzaakɩ na dɔw a.

Yele-za-pɛr-tib 24:35

A Sore maal'ɩ a ɩ̃ nɩ-kpɛ̃ɛ yaga za, ʋ ɩ nɩr. Ʋ kʋ̀ ʋ nɩ píir nɩ bʋʋr nɩ nĩi, ɛ́ kʋ̀ ʋ salm-pla nɩ salm-zɩɛ, tõ-tõ-bi-dɛbr nɩ tõ-tõ-bi-pɔwbɛ, nyɔ̃wmɩ nɩ bòn.

Yele-za-pɛr-tib 25:20

A ʋ yome lɩz'a ayi daar'a ʋ tɩ kul Erebeka na ɩ Betuwɛl pɔwyaa nɩ Labã yeepuule a. Bɛ za ayi tɩ ɩ n Aram tẽw nɩbɛ na kpɩɛr Mezopotami tẽw Saa-zu a.

Yele-za-pɛr-tib 26:12

A Ɩzaakɩ tɩ kɔ na bʋ̀r a tẽw pʋɔ a ʋlɩ yũon nɛ, ɛ́ cɛ̀ gb'aa kʋba (100) dɔwlɩ. A Sore tɩ maal'ʋ na.

Yele-za-pɛr-tib 49:25

A fʋ sãà Naaŋmɩn na ɩ a fʋ sõwne a zũú, a Naaŋmɩn kpɛnʋ-za-sob na maalɛ fʋ a zũú, de a saa na mine a salom zu siwr a maalʋ, a kʋ̃ɔ na gã a tẽsɔw pʋ̃ɔmɩ za a maalʋ, a pɔwbɛ nɩ a dʋn na dɔwr a maalʋ.

1 Na-mɩnɛ 1:1

A nãà Daviir tɩ kor'a tɩ maal kor, bɛ mɩ́ su ʋ a kparɩ, ɛ́ a ƴãw cãà bɛ tʋlɛ ɩ.

Zʋkpaɩ 10:22

A Sore maalʋ yõ n'a tɩrɛ a naalʋ. A nɩsaal tɩ̀ɛrʋ ʋ na mɩ́ tɩ́ɛrɛ a bɛ dɔwlɛ bom kãw za ɩ.

Ɩzayi 51:2

Nyɩ bɛl nyɛ̃ a nyɩ sãà Abraham a, nɩ a Saara na dɔw nyɩ a. A Abraham bɛ tɩ tɛr bie a lɛn daar ɩ̃ na tɩ bʋɔl'ʋ a ɩ. Ɛcɛ ɩ̃ maal'ʋ na, ɛ́ ɩ k'ʋ ɩ nɩ-bʋʋr-yaga sãà.»

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Luka 1:7

Ɛcɛ bɛ bɛ tɩ tɛr bie ɛ, a Elizabɛr na tɩ ɩ pɔw-ãan a ƴãw, ɛ́ bɛ za ayi mɩ̀ lɛb tɩ kor baar'a.

Galasi 3:9

A Abraham tɩ sàw na de ɛ́ páw a maalʋ. Lɛ mɩ̀ n'a a bɛlɩ dem na sàw de a, mɩ́ páw a maalʋ mɛ̃ a Abraham.

Efɛɛzɩ 1:3

A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

1 Timote 4:8

A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.