Yele-za-pɛr-tib 2:8 - A SƐB-SÕW

⁸ Al pùorí, a Sore Naaŋmɩn tɩ ƴãw nɩ zaadɛ̃ a Edɛn tẽw, a saa-pɛrɩ́, ɛ́ de a nɩsaal ʋ na mɛ a ƴãw a be.

Yele-za-pɛr-tib 2:8 ပူးပေါင်းရင်းမြစ်များ

Yele-za-pɛr-tib 13:10

A Lɔtɩ tɩ jɩ́r'a nyɛ̃ a Zurdɛ̃ vuo za: kʋ̃ɔnɩ tɩ zɔ na pàw ʋ ʋ za. A Sore na bɛ tɩ sãw a Sodɔm nɩ a Gomɔɔr bɛr sɛr a, a Zurdɛ̃ vuo ʋl za tɩ tɔ a Sowaar tɩ ɩ na mɛ̃ a Sore zaadɛ̃ a. Ʋ tɩ ɩ na mɛ̃ a Nɩl man-gbɛ́r a Eziptɩ tẽw a.

Yele-za-pɛr-tib 3:23

Lɛ n'a a Sore Naaŋmɩn tɩ diw a nɩsaal bɛr a Edɛn zaadɛ̃ pʋɔ k'ʋʋ tɩ kʋɔr a tẽsɔw, a ʋl pʋɔ bɛ na ír ʋ a.

Yele-za-pɛr-tib 3:24

A Sore na wa diw a nɩsaal bɛr baar'a, ʋ ƴãw nɩ seribɛ̃ mɩnɛ a Edɛn zaadɛ̃ saa-pɛrɩ́. Bɛ tɩ tɛr'ɩ zɛbr-sɔ-kpɛ̃ɛ na ɩ vũu ɛ́ lɩɛbɛ a ziir za a gù n a nyɔ-vʋʋrʋ tɩɛ sɔ́r.

Yele-za-pɛr-tib 4:16

A Kayɛ̃ tɩ cen na zãá nɩ a Sore, tɩ kpɩɛr Nɔdɩ tẽw na be a Edɛn tẽw saa-pɛrɩ́ a.

2 Na-mɩnɛ 19:12

A lɛn daar a na-mɩnɛ na de m niwn a na tɩ sãw a tẽ-bɛrɛ Gozan, Haran, Eresɛfʋ nɩ a Edɛn tẽw dem tẽ-kpɛ̃ɛ, Telasaar, bɛr a, a nɩ-bʋʋrɛ bɛ ŋa ŋmɩmɛ bɛ tɩ tʋ̃ɔ́ gù a tẽ-bɛrɛ á ŋá ɩ.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ezekɩɛl 27:23

A Haran, a Kane nɩ a Edɛn tẽ-bɛrɛ, a Saba tẽw yɛ-yɛrbɛ, a Asuur nɩ a Kilimadɩ tẽ-bɛrɛ kʋɔrɛ nɩ fʋ nɩ bome.

Ezekɩɛl 28:13

Fʋ tɩ kpɩɛr'ɩ Edɛn, a Naaŋmɩn zaadɛ̃ pʋɔ, ɛ́ kʋsɛ-bi-nyɩlɩ pɛ-bʋʋrɛ za tɩ viir'a koli fʋ: iribi, topaazʋ nɩ dɩamã, kirizolitɩ, konalin nɩ zasɩpʋ, safɩɩr, girena nɩ emerodɩ. Fʋ mɩ́ tɩ ƴãw nɩ salm-zɩɛ pɩ̃ɛm-pɛ-bʋʋrɛ za bɛ na cɔbrɩ a fʋ íru bibir a.

Ezekɩɛl 31:16

A lɛn daar ɩ̃ na na ƴãw a tɩɛ ŋa ʋ siw a kpɩmɛ tẽw nɩ a bɛl na be a yaa-bɔw pʋɔ a, a nɩ-bʋʋrɛ na na wõ ʋ lo a na màwr'ɩ dɛ̃bɩ̃-mawfʋ. A tẽw pʋ̃ɔmɩ a, a Edɛn tɩɩr za, a Libã tẽw tɩ-vɩɛlɩ vɩɛlɩ nɩ a tɩɩr al bɛ na cɔ̀r vla zuo a za a na cɩlɛ na.

Ezekɩɛl 31:18

A Edɛn zaadɛ̃ pʋɔ a, tɩɛ kãw za bɛ tɩ vɩɛl ɛ́ kɛrɩ ta b ɛ. Ɛcɛ, ɩ̃ na ɩ na fʋ lãw siw nɩ a tɩɩr á ŋá a kpɩmɛ tẽw. A be a, fʋ na tɩ lãw na gã nɩ a yɔ-ɓile dem nɩ a zɛbr nɩ-kũuni. À à ŋá n'a a na ɩ a Eziptɩ tẽw nãà nɩ a ʋ nɩ-bʋʋrɛ za ƴãw. A mãa Sore Naaŋmɩn n'ʋ yel.»

Zowɛl 2:3

A sãsowe niŋé a, vũu nyɔw na dɩrɛ, ɛ́ a sãsowe pùorí a ɩ vũu-zɛlɛ na dɩrɛ pelempelem a. A na bɛ tɩ tɔl sɛr a, a tẽw tɩ ɩ na mɛ̃ Edɛn tẽw zaadɛ̃ a, ɛ́ a na wa tɔl baarɩ a, ʋ ɩ n wɛja-kpalɛ faa faa. A bɛ jɩɩrɩ bom za bɛr ɛ.