Yele-za-pɛr-tib 2:2 - A SƐB-SÕW

² A Naaŋmɩn na tɩ tõ a ʋ tome za baar'a, ʋ pɩ̃ɛnɩ nɩ a bibie ayopõi sob, a ʋ tome za ʋ na tɩ tõ a ƴãw.

Yele-za-pɛr-tib 2:2 ပူးပေါင်းရင်းမြစ်များ

Yele-za-pɛr-tib 1:31

A Naaŋmɩn nyɛ̃ nɩ a bome za ʋ na tɩ maalɩ a: ʋ tɩ nyɛ̃ a na a vɩɛl yaga za. Zaanʋɔra tɩ ta na, ɛ̀ zie sɔb vɩɛ: a bibie ayʋɔb sob tɩ n'ʋ.

Yele-za-pɛr-tib 2:3

A Naaŋmɩn tɩ maal'ɩ a bibie ayopõi sob, ɛ́ ɩ k'ʋ ɩ a ʋ bibi-sora. Bʋ̃ʋ n'ʋ vɛ̃, ʋ tɩ pɩ̃ɛnɩ nɩ a ʋlɩ bibir nɛ a ʋ bome íru tome za ƴãw.

Eziptɩ tẽw yib 23:12

«Nyɩ mɩ́ tõ a nyɩ tome bibie ayʋɔb, ɛcɛ a bibie ayopõi sob a, nyɩ ta mɩ́ tõ ton za ɩ, a nyɩ nĩi nɩ a nyɩ bòn pɩ̃ɛnɩ, ɛ́ a tõ-tõ-biir nɩ a nʋʋrɩ mɩ̀ tʋ̃ɔ́ mɩ́ vʋʋrɩ.»

Eziptɩ tẽw yib 31:15

Bibie ayʋɔb'a nyɩ na mɩ́ tõ a nyɩ tome. Ɛcɛ a bibie ayopõi sob ɩ n a pɩ̃ɛnʋ-bibir ɩ̃ na so a. Nɩr wa tõ ton pɩ̃ɛnʋ-bibir a, bɛ na kʋ ʋ na.

Eziptɩ tẽw yib 31:17

A pɩ̃ɛnʋ-bibir na ɩ n bãwfʋ kʋralɛ mãa nɩ a Ɩsɩrayɛl nɩbɛ cara pʋɔ, bʋ̃ʋ n'ʋ vɛ̃, bibie ayʋɔb'a ɩ̃ ír a salom nɩ a tẽw, ɛ́ a bibie ayopõi sob ɩ̃ zɩ̃ vʋʋrɩ.»

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

Zã 5:17

Ɛcɛ a Yeezu tɩ sɔw bɛ na: «Wa tɩ tɔ à ŋá a, a ɩ̃ Sãà be n a tome zu, ɩ̃ɩ mɩ̀ be a tome zu.»

Wulu-ayi-sob 5:14

Ɛcɛ a bibie ayopõi sob a, a pɩ̃ɛnʋ-bibir ɩ̃ na so a n'ʋ, a mãa Sore fʋ Naaŋmɩn. Fʋ kʋ̃ tõ ton za a ʋlɩ bibir ɛ, a fʋ̃ʋ, a fʋ bidɛb, a fʋ pɔwyaa, a fʋ tõ-tõ-bi-dɛb, a fʋ tõ-tõ-bi-pɔw, a fʋ náab, a fʋ bõw, nɩ a fʋ dʋ̃w kãw za ɩ, nɩ a nʋʋra na kpɩɛr a fʋ tẽw pʋɔ a ɩ. À ŋá n'a a fʋ tõ-tõ-bi-dɛb nɩ a fʋ tõ-tõ-bi-pɔw na tʋ̃ɔ́ mɩ́ pɩ̃ɛnɩ mɛ̃ a fʋ̃ʋ a.

Ebre 4:10

Bʋ̃ʋ n'ʋ vɛ̃, sob nɛ na ta a Naaŋmɩn pɩ̃ɛnʋ zie a mɩ́ baar'ɩ a ʋ tome ɛ́ pɩ̃ɛnɩ, mɛ̃ a lɛ a Naaŋmɩn na baarɩ a ʋ dem ɛ́ pɩ̃ɛnɩ a.

Ebre 4:4

A Sɛb-sõw pʋɔ zie kãw a, bɛ sɩrɩ na yel à ŋá a bibie ayopõi sob ƴãw: «Naaŋmɩn zɩ̃ na pɩ̃ɛnɩ a bibie ayopõi sob, a ʋ tome za na tɩ tõ baarɩ a ƴãw.»