Urutɩ 4:10 - A SƐB-SÕW

¹⁰ Ɩ̃ mɩ̀ dier'ɩ a Mowab tẽw Urutɩ a Maalon pɔw-kʋɔr, k'ʋʋ ɩ a ɩ̃ pɔw, a kũu yúor cãà pore a ʋ bʋ̃-sori zu, a ʋ yúor taa kpiire a ʋ yɛbr sɔgɔ nɩ a ʋ tẽw yele maalʋ zie ɩ. Nyɩ ɩ n a yele á ŋá dãsɩɛ dem a dɩ̃a.»

Urutɩ 4:10 ပူးပေါင်းရင်းမြစ်များ

Yele-za-pɛr-tib 29:27

Dɩ a kpɛ̃ɛ da-ɓil kul-taa cuw baarɩ, ɛ́ tɩ mɩ̀ na kʋ̀ b'ɩ a bile, a ɩ̃ tome fʋ na na lɛb tõ yome ayopõi a ƴãw.»

Yele-za-pɛr-tib 38:9

Ɛcɛ a Onan tɩ bãwnɩ a na ʋ na kʋ̃ so a bibiir a. Lɛ so ʋlɛ mɩ́ wa gã nɩ a ʋ yɛb pɔw a, ʋ mɩ́ ɩ na a ʋ yɔ-kʋ̃ɔ cir tẽw, k'ʋʋ ta dɔw bie kʋ̀ a ʋ yɛb ɛ.

Sɛb-sõw yielu 109:15

A Sore, ʋ tɛr a bɛ sãwna tɩɛrʋ kʋralɛ, ɛ́ ɩ a bɛ yúor bɔr a tẽw zu!

Sɛb-sõw yielu 34:16

A Sore jɩ́rɛ nɩ a nɩ-mɩn, ʋ mɩ́ ƴãw nɩ tobr a bɛ cɛlsɩ ƴãw.

Zʋkpaɩ 18:22

Nɩr na nyɛ̃ pɔw a nyɛ̃ nɩ a nʋ̃ɔ̀. Maalʋ n'a a Sore maal'ʋ.

Zʋkpaɩ 19:14

Yir nɩ bʋ̃-tɛrɩ ɩ n gbã-dɩ-bom a fʋ sãà mɩnɛ na na tʋ̃ɔ́ lʋɔrɩ kʋ̀ b a, ɛcɛ pɔw na bãw yã a ɩ n a Sore bʋ̃-kʋ̀ra.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

A naaŋmɩn-ƴèr-manɛ Oze sɛbɛ 12:12

A Galaadɩ tẽw dem tɩ ɩ n ɩ-fa-maalbɛ tɛɛ za, bɛ baar'ɩ bɛ za. A Gilgal'a bɛ tɩ kʋrɛ a nadeli, maalɛ nɩ bàwr bɛ tɛr bɛ́rʋ daar ɛ. Ɛcɛ a bɛ bàwr-maal-kube lɩɛb'ɩ kʋsɛ-gbawlɛ na gbõ taa gã a póru pʋɔ a.

A naaŋmɩn-ƴèr-manɛ Oze sɛbɛ 3:2

Ɩ̃ tɩ lɛb'a de ʋ nɩ salm-pla libi-ɓɛlɛ pie nɩ anũu nɩ ɔɔzʋ litɩr kɔbr ayʋɔb (600).

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Malasɩ 2:14

Nyɩ mɩ́ sowre na kɛ́ bʋ̃ʋ n'ʋ so. Nyɩ tɩ ƴãw nɩ nʋɔr a Sore niŋé kɛ́ ŋa za na tɛr'ɩ a pɔw ʋ na kul a ʋ pɔ̀lʋ daarɩ́ a. A nyɩ taabɛ tɩ nɛbɛ, nyɩmɛ nɛbɛ tɩ kaa ír bɛ, ɛcɛ nyɩ zawrɩ bɛ na bɛr.

Efɛɛzɩ 5:25

Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a.

Wulu-ayi-sob 25:6

A bidɛb-dãw a pɔw na na dɔw a, na ɩ n a sob nɛ na kpi a bidɛb, a ʋ yúor tʋ̃ɔ́ cãà pore a Ɩsɩrayɛl nɩbɛ pʋɔ.

Ebre 13:4

A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

Zozue 7:9

A Kanãa tẽw dem nɩ a nɩbɛ za na kpɩɛr a tẽw a na wõ a na, bɛ na wõ n taa a tɩ ƴãw, ɛ́ kʋ tɩ pàw pɛr. A lɛ pʋɔ a, ŋmɩŋmɩn n'a fʋ na ɩ bɛ bãw kɛ́ fʋ ɩ n kpɛ̃ɛ?»

Urutɩ 4:9

Lɛ n'a a Bowaazʋ tɩ yel a nɩ-kore nɩ a nɩbɛ bɛl za na tɩ be a be a: «Nyɩ dɩrɛ nɩ a dãsɩɛ a dɩ̃a, ɩ̃ na daar a Elimelɛkɩ nɩ a ʋ bidɛbr Kiliyon nɩ Maalon bome za a Nowemi zie a.