Urutɩ 3:9 - A SƐB-SÕW

⁹ A Bowaazʋ tɩ sowr'a: «Ãa nɛ b?» A Urutɩ sɔw: «Mãa Urutɩ n'ʋ, a fʋ tõ-tõ-bi-pɔw. Kul a fʋ tõ-tõ-bi-pɔw, fʋ tɛr'ɩ sɔ́r na bɩɛrɩ mɛ̃.»

Urutɩ 3:9 ပူးပေါင်းရင်းမြစ်များ

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Luka 14:11

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Urutɩ 2:20

Lɛ n'a a Nowemi tɩ yel a ʋ bie-pɔw: «A Sore, ʋ maalɩ a sob ŋa na bɛ tawr yire pùor ɛ́ bɛrɛ a tɩɩm na cãà vʋʋrɛ a, nɩ a bɛlɩ dem na kpi a.» Al pùorí a Nowemi tɩ yel ʋ na: «A dɛb ŋa ɩ n a tɩ nɩr tɩ na pɩɛlɩ taa a. A bɛlɩ dem na na tʋ̃ɔ́ bɩɛrɩ tɩ a kãw n'ʋ.»

Urutɩ 3:10

Lɛ n'a a Bowaazʋ tɩ yel ʋ: «Ɩ̃ pɔwyaa a, a Sore ʋ maalɩ fʋ! A fʋ pùor-bɛ-lɛbrʋ tub ŋa vɩɛl'a zuo a dãw-niwn sob. Bʋ̃ʋ n'ʋ vɛ̃, fʋ bɛ zɔ tu pɔlbili na ɩ nan dem bɩɩ na-mɩnɛ a ɩ.

Urutɩ 3:12

Sɩza n'a, ɩ̃ tɛr'ɩ sɔ́r na tʋ̃ɔ́ bɩɛrɩ fʋ, ɛcɛ nɩr be n be pɩɛlɩ nyɩ zuo mɛ̃.

Urutɩ 3:8

A zie na wa bɩ põ-zɛ̃-taa a, a Bowaazʋ tɩ gbaal'a ìr, ʋ tɩ gũu na nyɛ̃ pɔw ʋ gã a ʋ gbɛ́ɛ ƴãw.

Urutɩ 4:4

Ɩ̃ yel k'ɩ̃ɩ por a yúor fʋ bãwnɩ a ɛ́ yel kʋ̀ b: “Da a púo a nɩbɛ na be ka a niŋé nɩ a ɩ̃ nɩ-bʋʋrɛ nɩ-kore niŋé.” Fʋ̃ʋ wa bɔbr kɛ́ fʋ lɛb de a, fʋ̃ʋ lɛb de, ɛcɛ fʋ̃ʋ bɛ wa bɔbr kɛ́ fʋ lɛb de a, fʋ̃ʋ yel kʋ̀ m ɩ̃ bãwnɩ a, bʋ̃ʋ n'ʋ vɛ̃, nɩr bɛ ka be na tʋ̃ɔ́ lɛb de ʋ, a bɛ ɩ a fʋ̃ʋ ɛ, mãa tu n a fʋ zu.» A sob nɛ yel: «Ɩ̃ bɔbr'a k'ɩ̃ɩ lɛb de a púo.»

Urutɩ 4:6

Lɛ n'a a sob nɛ na tɛr sɔ́r a bɩ́ɛrʋ ƴãw a, sɔw: «Alɛ wa ɩ à ŋá n'a a, ɩ̃ kʋ̃ tʋ̃ɔ́ ɩ, alɛ bɛ ɩ lɛ ɩ̃ na sãw nɩ a ɩ̃ yele bɛr. Fʋ̃ʋ a, lɛb de a ɩ̃ deb zie, ɩ̃ na kʋ̃ tʋ̃ɔ́ lɛb de a ƴãw.»

1 Samɩɛl 25:41

Ʋ tɩ ìr'a lo gbĩ dume, gũu tɩ tɔ tẽw, ɛ́ yel à ŋá: «Ɩ̃ ɩ n gbãgbaa na cɔbrɩ gù a ɩ̃ nɩ-kpɛ̃ɛ tõ-tõ-biir gbɛ́ɛ pɛwfʋ a.»