Urutɩ 2:12 - A SƐB-SÕW

¹² A Sore, ʋ ya fʋ à á ŋá za fʋ na maalɩ a! A fʋ sã-ya, ʋ ɩ ɓil ʋ za a Sore Ɩsɩrayɛl Naaŋmɩn zie, ʋl naayir fʋ na zɔ wa kpɛ a.»

Urutɩ 2:12 ပူးပေါင်းရင်းမြစ်များ

Sɛb-sõw yielu 17:8

Gùre mɛ̃, mɛ̃ a fʋ mimi-gbil a, sɔwlɩ mɛ̃ a fʋ pɩgɛ ɓaarʋ́,

Sɛb-sõw yielu 19:11

Bʋ̃-bɔbra n'a sɩza zuo salm-zɩɛ, salm-zɩɛ na nyɩwrɛ bɛ tɛr ʋ tɔ a. A nʋmɛ na gãw sɩwr, sɩw-kãá na yule sɩw-gamɛ pʋɔ a.

Sɛb-sõw yielu 36:7

A fʋ mɩnʋ ɩ na mɛ̃ a tã-kɛrɩ a, ɛ́ a ƴɛ̀rʋ fʋ na dɩ a, ɩ mɛ̃ kʋ̃ɔ-kpɛ̃ɛ na zulme a. Sore e, fʋ mɩ́ faa nɩ a nɩbɛ nɩ a dʋn.

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Sɛb-sõw yielu 58:11

A nɩ-mɩŋa na nyɛ̃ nɩ a san a Naaŋmɩn na yáa a, ɛ́ cɩlɛ, ʋ na 'lɔr'ɩ a ʋ gbɛ́ɛ a nɩ-faa zɩ̃ɩ pʋɔ.

Sɛb-sõw yielu 61:4

fʋ ɩ n a ɩ̃ sɔwlʋ zie, zɛbr-yir-kpɛ̃w a dɔ̃ sob niŋé.

Sɛb-sõw yielu 63:7

Mãa wa gã a, ɩ̃ mɩ́ lɛb'a tɩɛrɛ a fʋ yele, ɩ̃ mɩ́ tɛr fʋ na tɩɛrɛ a tɩ̃ɩsɔw tɛm gbele pʋɔ:

Sɛb-sõw yielu 91:4

Ʋ mɩ́ yɛ́r'ɩ a ʋ pɩgɛ pàw fʋ, ɛ́ fʋ nyɛ̃ sɔwlʋ zie a ʋ zie. A ʋ yel-mɩŋa sɩrɩ na piw fʋ tɛr, mɛ̃ zɛbr-kur-pãgala a.

Zʋkpaɩ 11:18

A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.

Zʋkpaɩ 23:18

A lɛ pʋɔ a, fʋ na tɛr'ɩ nɩdaar, ɛ́ a fʋ tɩ́ɛrʋ kʋ̃ wɛ ɩ.

Zeremi 31:16

Ɛcɛ à ŋá n'a a Sore yere kʋ̀rɛ ʋ: «Ta cãà kone siwre nɩ ɛ, fɩɛlɩ a fʋ mʋta-kʋ̃ɔ bɛr! A mãa, a Sore, ɩ̃ yere nɩ à ŋá: Ɩ̃ na ya b'ɩ a hanʋ fʋ na hanɩ a. A fʋ bibiir na yi n a bɛ dɔ̃ dem tẽw lɛb wa.»

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Matie 6:1

«Nyɩ gùre nyɩ tʋɔra vla, taa wa tuur a nyɩ puoru yel-bɛrɛ kɛ́ a sãá a nɩbɛ nyɛ̃ nyɩ ɛ, alɛ bɛ ɩ lɛ, nyɩ kʋ̃ páw maalʋ a nyɩ Sãà na be a tẽ-vla pʋɔ a zie ɩ.

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

2 Timote 1:18

A Sore, ʋ ɩ ʋ páw su-ɓaarʋ a Naaŋmɩn zie a ƴɛ̀rʋ-maalʋ bibir. Ɛ́ a tome al za ʋ na tõ kʋ̀ m a Efɛɛzɩ tẽw a, fʋ bãw a nɩ vla zuo nɩr za.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Ebre 11:26

Ʋ mɩ̀ tɩ nyɛ̃ na bɛ na na ɩ ʋ la mɛ̃ a Kɩrɩta bɛ na ɩ la a, a vɩɛl zuo a Eziptɩ tẽw na-bome, bʋ̃ʋ n'ʋ vɛ̃, a maalʋ na waar a n'a ʋ tɩ tori niwn jɩ́rɛ.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Urutɩ 1:16

Ɛcɛ a Urutɩ tɩ sɔw na: «Ta fɛrɛ mɛ̃ k'ɩ̃ɩ zawrɩ fʋ bɛr ɛ́ lɛb kul a ɩ̃ yir zãá nɩ fʋ ɛ. A be fʋ na na cen a, bɛ n'a ɩ̃ na cen, a be fʋ na na kpɩɛr a, be n'a ɩ̃ na kpɩɛr. A fʋ nɩ-bʋʋrɛ na ɩ n a ɩ̃ nɩ-bʋʋrɛ, ɛ́ a fʋ Naaŋmɩn ɩ a ɩ̃ Naaŋmɩn.

Urutɩ 2:11

A Bowaazʋ sɔw yel: «Bɛ manɩ na kʋ̀ m a lɛ fʋ na ɩ a fʋ sɩr-mã zie a fʋ sɩr kũu pùorí a. A lɛ fʋ na bɛr a fʋ sãà nɩ a fʋ mã nɩ a fʋ tẽ-dɔwra, ɛ́ wa kpɩɛr nɩ-bʋʋr-yoru sɔgɔ fʋ na bɛ tɩ dãw bãw a.

Urutɩ 2:13

Lɛ n'a a Urutɩ tɩ yel: «Zu-sob i, fʋ sɩrɩ na ɩ nɩ-vla a ɩ̃ zie. Fʋ mɔwlɩ mɛ̃ na ɛ́ mɩ̀ ƴɛ̀r a ɩ̃ zie nɩ nɔ̃wfʋ, mãa na bɛ zɛ̃ taa nɩ a fʋ tõ-tõ-bi-pɔw kãw za a.»

Urutɩ 4:15

Ʋ na lɛb'a maalɩ a fʋ nyɔ-vʋʋrʋ ƴãw, ɛ́ tɩɛ fʋ a fʋ koru daar, bʋ̃ʋ n'ʋ vɛ̃, a fʋ bie-pɔw na nɔnɛ fʋ a, ʋlɛ n'ʋ dɔw ʋ kʋ̀ b, a fʋ bie-pɔw zuo nɩ bidɛbr ayopõi a fʋ zie.»

1 Samɩɛl 24:19

Fʋ wul mɛ̃ nɩ a fʋ nɔ̃wfʋ ɩb a dɩ̃a. Sɩza n'a, a Sore tɩ ƴãw mɛ̃ nɩ a fʋ nũú, ɛcɛ fʋ bɛ kʋ m ɛ.

1 Samɩɛl 24:20

Ãa dãw ùr a ʋ dɔ̃ sob, ɛ́ bɛr ʋ ʋ cere nɩ ƴã-ɓaarʋ? A Sore, ʋ kʋ̀ b bʋ̃-kãw a ɩ-vla ŋa fʋ na ɩ kʋ̀ m a dɩ̃a a ƴãw.