Urutɩ 2:10 - A SƐB-SÕW

¹⁰ Lɛ n'a a Urutɩ tɩ lo gbĩ dume ɛ́ gũu tɩ tɔ a tẽw ɛ́ yel a Bowaazʋ à ŋá: «Bʋ̃ʋ ƴãw n'a fʋ maalɛ mɛ̃ sɛw à ŋá, ɛ́ nɔnɛ a ɩ̃ yele, mãa na ɩ nɩ-bʋʋr-yoru nɩr a?»

Urutɩ 2:10 ပူးပေါင်းရင်းမြစ်များ

Yele-za-pɛr-tib 18:2

Ʋ wa dʋɔ nɩ zu nyɛ̃ nɩbɛ ata bɛ àr a ʋ nidaa. Ʋ na wa nyɛrɛ bɛ wa báarɛ a, ʋ yi n a pɛn-sɛw dɩ̃dɔrɩ́ zɔ tuori bɛ, tɩ gũu tɩ tɔ tẽw,

2 Samɩɛl 19:28

Ɛ́ a ɩ̃ tõ-tõ-bie wa ŋma ziri kʋ̀ b a ɩ̃ ƴãw. Ɛcɛ fʋ̃ʋ a, fʋ ɩ na mɛ̃ Naaŋmɩn malkɩ a, ɩ lɛ za na pɛlɩ a fʋ pʋɔ a.

2 Samɩɛl 7:18

Lɛ n'a a nãà Daviir tɩ cen tɩ zɩ̃ a Sore niŋé, ɛ́ yel ʋ à ŋá: «Sore Naaŋmɩn i, mãa mɩ̀ n'ɩ anʋ, ɛ́ a ɩ̃ yir'ɩ buor ɛ̀ fʋ sàw maalɩ tɩ à à ŋá?

2 Samɩɛl 9:8

A Mefibosɛtɩ tɩ gũu na, ɛ́ yel: «Ãa nɛ m, fʋ sàw kaarɛ a ɩ̃ zie, mãa na ɩ bà-kũu a?»

Levitɩ mɩnɛ 19:34

Nyɩ nɩ̃ɛ ɩrɛ a ʋ zie mɛ̃ a nyɩ tẽ-bi-tɔ sob kãw a: a fɛr'a kɛ́ nyɩ nɔnɛ ʋ mɛ̃ a nyɩ mɩŋa a, bʋ̃ʋ n'ʋ vɛ̃, a nyɩɩm mɩ̀ a, nyɩ tɩ dãw na ɩ nʋʋrɩ a Eziptɩ tẽw. Mãa n'ɩ a Sore nyɩ Naaŋmɩn.»

Matie 25:35

Bʋ̃ʋ n'ʋ vɛ̃, kɔ̃ tɩ kpɛ m'a, nyɩ kʋ̀ m bʋ̃-dɩrɩ, kʋ̃ɔ-nyúur tɩ kpɛ m'a, nyɩ kʋ̀ m kʋ̃ɔ, ɩ̃ tɩ ɩ n sãan, nyɩ de m sãanʋ,

Luka 1:43

Mãa mɩ̀ n'ɩ anʋ, a ɩ̃ Sore mã tɔr za sʋ̃ɔmɩ ìr wa a ɩ̃ zie?

Luka 1:48

Ʋ sàw na jɩ́r a ʋ tõ-tõ-bi-pɔw bãbàalʋ kaa. Sɩza n'a, dɩ̃a na ta a, a nɩbɛ na dɔwr lɩɛrɛ taa a, na bʋɔlɛ mɛ̃ nɩ Zu-nʋ̃ɔ̀ sob,

Ʋrɔm 12:10

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Urutɩ 2:11

A Bowaazʋ sɔw yel: «Bɛ manɩ na kʋ̀ m a lɛ fʋ na ɩ a fʋ sɩr-mã zie a fʋ sɩr kũu pùorí a. A lɛ fʋ na bɛr a fʋ sãà nɩ a fʋ mã nɩ a fʋ tẽ-dɔwra, ɛ́ wa kpɩɛr nɩ-bʋʋr-yoru sɔgɔ fʋ na bɛ tɩ dãw bãw a.

Urutɩ 2:13

Lɛ n'a a Urutɩ tɩ yel: «Zu-sob i, fʋ sɩrɩ na ɩ nɩ-vla a ɩ̃ zie. Fʋ mɔwlɩ mɛ̃ na ɛ́ mɩ̀ ƴɛ̀r a ɩ̃ zie nɩ nɔ̃wfʋ, mãa na bɛ zɛ̃ taa nɩ a fʋ tõ-tõ-bi-pɔw kãw za a.»

Urutɩ 2:19

A Nowemi tɩ sowr'ʋ na: «Nyɩnɛ n'a fʋ yiiri a ɔɔzʋ á ŋá za a dɩ̃a? Po-buor pʋɔ n'a fʋ tõ? A Naaŋmɩn, ʋ maalɩ a sob nɛ zie fʋ na tõ a.» Ʋ tɩ yel'a: «A dɛb ʋl zie ɩ̃ na tõ a yúor dɩ na kɛ́ Bowaazʋ.»

Urutɩ 2:2

Bibir kãw, a Mowab tẽw Urutɩ tɩ yel'ɩ a Nowemi: «Ɩ̃ bɔbr'a k'ɩ̃ɩ nãá cen a póru pʋɔ tɩ yiire a ɔɔzʋ tuur'ɩ sob nɛ pʋɔ nãà pɛlɩ a ɩ̃ ƴãw a.» A Nowemi tɩ sɔw na: «Cen, ɩ̃ pɔwyaa!»

Urutɩ 2:9

Jɩ́rɛ a be bɛ na cɩɛr a, ɛ́ tuur bɛ. Ɩ̃ yel'ɩ a ɩ̃ tõ-tõ-biir kɛ́ bɛ taa tʋɔr fʋ ɛ. Kʋ̃ɔ-nyúur wa kpɩɛr fʋ a, fʋ̃ʋ cen tɩ nyũ a kʋ̃ɔ a tõ-tõ-biir na 'wɔ̃w paalɩ a yee a.»

1 Samɩɛl 25:23

A Avigayil na dɛ wa nyɛrɛ a Daviir a, ʋ siw nɩ fɔ̃w a ʋ bõw zu. Ʋ tɩ lo na gbĩ dume ɛ́ gũu tɩ tɔ tẽw a Daviir niŋé.