Urutɩ 1:6 - A SƐB-SÕW

⁶ A Mowab tẽw kura pʋɔ be a, a Nowemi tɩ wõ na bɛ yel k'aa Sore kaa nɩ a ʋ nɩ-bʋʋrɛ zie, ɩ a bɛ bʋ̃-kʋ́ɔrɩ maalɩ vla.

Urutɩ 1:6 ပူးပေါင်းရင်းမြစ်များ

Yele-za-pɛr-tib 21:1

A Sore tɩ maal'ɩ a Saara mɛ̃ a lɛ ʋ na yel a. Ʋ tɩ ɩ n a ʋlɩ bom nɛ ʋ na tɩ yel k'ʋʋ na ɩ na a, kʋ̀ ʋ.

Yele-za-pɛr-tib 28:20

Al pùorí a Zakɔb tɩ kõ n nʋɔr ŋa: «A Sore wa be a ɩ̃ zie, ɛ́ wa gù m a ɩ̃ sɔ́r zu a, ʋlɛ wa kʋ̀ m bʋ̃-dɩrɩ nɩ bʋ̃-suuri a,

Yele-za-pɛr-tib 48:15

Ʋ tɩ ƴɛ̀r'ɩ nɔ-vla ƴãw a Zuzɛb yel: «A Naaŋmɩn ʋl niŋé a ɩ̃ sãàkʋm Abraham nɩ a ɩ̃ sãà Ɩzaakɩ na vʋʋrɩ a, a Naaŋmɩn ʋl na ɩ a ɩ̃ cɩ̃ɩnɛ, ɩ̃ na cɔ̃ kɛ́ be wa tɩ tɔ a dɩ̃a a,

Yele-za-pɛr-tib 50:25

Nyɩ pɔ yel mɛ̃ kɛ́ nyɩ na tuo nɩ a ɩ̃ kũu cen nɩ a Naaŋmɩn wa tõ à à ŋá a nyɩ zie a.»

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Sɛb-sõw yielu 111:5

Ʋ guole nɩ a bɛlɩ dem na zɔrɛ ʋ a, ʋ bãwnɩ nɩ a ʋ wõ-taa kʋralɛ.

Sɛb-sõw yielu 132:15

Ɩ̃ na maal'ɩ a Sɩyɔ̃ tẽw, kʋ̀ ʋ bʋ̃-dɩrɩ, ɩ̃ na kʋ̀ n bʋ̃-dɩrɩ a ʋ nan dem bɛ dɩ tɩw.

Sɛb-sõw yielu 145:15

Bɛ za úore fʋ na ɛ́ tɩɛrɛ fʋ, fʋ mɩ́ kʋ̀ bɛ nɩ a bɛ bʋ̃-dɩrɩ a daar na mɩ́ wa ta a.

Sɛb-sõw yielu 146:7

Ʋ mɩ́ kpɛ n a bɛlɩ dem bɛ na dɔwrɛ a, ʋ mɩ́ kʋ̀ n bʋ̃-dɩrɩ a kɔ̃ dem. A Sore mɩ́ yuo nɩ a nɩ-pàwrɩ bɛr,

Sɛb-sõw yielu 147:14

Ʋ mɩ́ gù n a fʋ tẽw tʋr-bɔwrɩ, fʋ tɛr ƴã-ɓaarʋ, a ble na vɩɛl vɩɛl a n'a ʋ mɩ́ kʋ̀ b a man.

Eziptɩ tẽw yib 3:16

Pãa cen tɩ bʋɔlɩ a Ɩsɩrayɛl nɩ-kore ɓã taa, ɛ́ yel bɛ: “A Sore, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn, ɩ na k'ɩ̃ nyɛ̃ ʋ, ʋʋ yel mɛ̃: Ɩ̃ wa na wa nyɛ̃ nyɩ, ɛ́ nyɛ̃ a lɛ bɛ na ɩrɛ nyɩ a Eziptɩ a,

Eziptɩ tẽw yib 4:31

A nɩbɛ tɩ sàw na de. Bɛ na tɩ bãwnɩ a k'aa Sore nyɛ̃ nɩ a bɛ wʋ̀ʋr, ɛ́ wa a bɛ faafʋ a, bɛ tɩ gbĩ n dume gũu tɩ tɔ tẽw puor'ʋ.

Zʋkpaɩ 30:8

Ɩ a bom nɛ na bɛ tori a nɩ a ziri a zãá nɩ mɛ̃, ta bɛr mɛ̃ ɩ̃ be nã́w pʋɔ zuo bɩɩ ɩ̃ kpɛ naalʋ zuo ɩ. Kʋ̀ m a alɩ bome nɛ tɛwr ɩ̃ na sɛw k'ɩ̃ɩ tɛr tʋ̃ɔ́ vʋʋrɛ nɩ a.

Ɩzayi 55:10

A saa nɩ a sa-pupure mɩ́ yi n a salom zu lo. Ɛcɛ a bɛ mɩ́ lɛb cen a be ɛ́ bɛ bur a tẽw ɛ, ɛ́ bɛ ɩ k'ʋ wɔ̃ wɔmɛ ɩ, ɛ́ bɛ ɩ a bʋ̃-bie a bul ɛ. À ŋá n'a a bʋ̃-bʋʋrɛ mɩ́ be be a bʋrʋ ƴãw, ɛ́ bʋ̃-dɩrɩ be be a dɩb ƴãw.

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Zowɛl 2:19

ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Matie 6:11

Kʋ̀ tɩ a dɩ̃a dɩb tɩ na bɔbr a.

Luka 1:68

«A Sore, a Ɩsɩrayɛl Naaŋmɩn tɛr'ɩ puoru, ʋ jɩ́r'ɩ a ʋ nɩ-bʋʋrɛ kaa ɛ́ faa bɛ,

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

1 Timote 6:8

A na ɩ à ŋá a, tɩmɛ wa tɛr bʋ̃-dɩrɩ nɩ bʋ̃-suuri a, a na sɛw tɩ na.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

Urutɩ 1:5

al pùorí, a Maalon nɩ a Kiliyon mɩ̀ tɩ kpi n bɛ za ayi, ɛ́ a Nowemi cɛ ʋ yõ bɛ tɛr bibiir ɛ, bɛ tɛr sɩr ɛ.

Urutɩ 1:7

Lɛ n'a ʋ tɩ bɛr a zie ʋl ʋlɛ nɩ a ʋ biir-pɔwbɛ ayi na tɩ kpɩɛr a, ɛ́ yi lo a sɔ́r lɛb kule a Zuda tẽw.

1 Samɩɛl 2:21

A Sore tɩ maal'ɩ a Ana: ʋ tɩ tɛr'ɩ pʋɔ dɔw bidɛbr ata nɩ pɔwyaar ayi. A Samɩɛl ʋl na tɩ cãà ɩ pɔlbile a tɩ kɛrɛ nɩ a Sore niŋé.