Títɩ̀ 3:9 - A SƐB-SÕW

⁹ Ɛcɛ a bɔ-zawlɛ nɩ a dɔw-tu-taa manʋ a, a zɛb-taa nɩ a taw-taa al za na càarɩ a Naaŋmɩn wulu a, dɛrɛ a: a bɛ tɛr yel-ɩra ɩ, ɛ́ mɩ̀ bɛ lɛb tɛr pɛr ɛ.

Títɩ̀ 3:9 ပူးပေါင်းရင်းမြစ်များ

A Zɔb sɛbɛ 15:3

Ƴɛ̀r-bi-fowle n'a ʋ mɩ́ manɛ nɩ a ʋ yel-mɩŋa bɩɩ? Ƴɛ̀rʋ na bɛ tɛr pɛr a n'a bɩɩ?

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 8:1

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a, «tɩ za tɛr'ɩ a yele bãwfʋ», mɛ̃ a lɛ nyɩ na mɩ́ yel a. Ɛcɛ a yele bãwfʋ mɩ́ ɩ n a nɩsaal zɛwr ʋ tʋɔra, ɛ́ nɔ̃wfʋ mɩ́ ɩ a Lãw-yir ʋ kɛrɛ dɔwlɛ.

1 Timote 4:7

A suolu al na bɛ tu a naaŋmɩn-sàw-deb ɛ́ ɩ dãbol-ƴɛ̀rʋ a, zawr'a bɛr. Nɩ̃ɛ ƴãw fãw ƴãwnɛ a Naaŋmɩn.

2 Timote 2:14

Lɛb sɩ̃w bɛ za tɩɛrʋ a yele á ŋá ƴãw, ɛ́ zɛlɩ bɛ yãayãa a Naaŋmɩn niŋé, kɛ́ bɛ ta zɛbr taa ƴɛ̀r-bie ƴãw ɛ, a zɛbr á ŋá taabɛ bɛ tɛr yel-ɩra za ƴãw pʋɔ a bɔrʋ ƴãw a ƴɛ̀r-bie á ŋá na mɩ́ bɔr'ɩ a nɩbɛ na bɛrɛ wone a a ɩ.

2 Timote 2:16

Ɛ́ a ƴɛ̀r-zawlɛ na bɛ tu naaŋmɩn-sàw-deb a, nɩɩrɛ a bɛrɛ. Bɛlɩ dem na ƴɛ̀rɛ a ƴɛ̀r-zawlɛ á ŋá a, naaŋmɩn-bɛ-ƴãwfʋ ɩb'a bɛ na ɩrɛ dɔwlɛ cere nɩ.

2 Timote 2:23

Ɛcɛ, bɛr a nɔkpɛn zawlɛ na bɛ tɛr pɛr a ŋmɛb. Fʋ bãwnɩ a na kɛ́ alɛ n'a waar'ɩ a zɛbr.

Títɩ̀ 1:14

ɛ́ ta tuur a Zifʋ mɩnɛ suolu pùor, nɩ nɩsaalbɛ na gùr pùor cɔw a yel-mɩŋa a nɛ-ƴãwnɩ ɛ.

Zakɩ 4:1

A taw-taa nɩ a zɛbr na mɩ́ be a nyɩ cara pʋɔ a, nyɩnɛ n'a a mɩ́ yi? A nʋ̃ɔ̀ faar vʋla na mɩ́ mʋɔr a nyɩ ƴã-gamɛ pʋɔ a, be bɛ n'a a mɩ́ yi ɛ?