Títɩ̀ 3:8 - A SƐB-SÕW

⁸ A ƴɛ̀rʋ ŋa ɩ n sɩza. Ɩ̃ bɔbr'a kɛ́ fʋ ƴɛ̀r gb'a a yaga a yele á ŋá ƴãw, k'aa bɛlɩ dem za na sàw de a Naaŋmɩn a, bɛ ƴãw fãw ɩrɛ vla dɔwlɛ a bɛ ɩ-vɩɛlɩ pʋɔ. À ŋá n'a vɩɛl ɛ́ tɛr yel-ɩra a nɩsaalbɛ zie.

Títɩ̀ 3:8 ပူးပေါင်းရင်းမြစ်များ

A Zɔb sɛbɛ 22:2

Naaŋmɩn na tʋ̃ɔ́ na tɛr nɩsaal yel-ɩra bɩɩ? — Nɩsaal na ɩ yã-bãwnɛ a n'ʋ mɩ́ tɛr ʋ mɩŋa yel-ɩra.

Sɛb-sõw yielu 78:22

Bʋ̃ʋ n'ʋ vɛ̃, a ʋ nɩbɛ bɛ tɩ ƴãw a bɛ tɩɛrʋ a ʋ ƴãw ɛ, bɛ bɛ tɩ sàw k'ʋʋ na tʋ̃ɔ́ na faa bɛ ɩ.

Zʋkpaɩ 21:28

A dãsɩ-ziri sob na kpi na, ɛcɛ nɩr na bãw a bɛr-wob a na tɛr'ɩ sɔ́r mɩ́ ƴɛ̀r kʋralɛ.

Matie 20:4

Ʋ yel bɛ: “Nyɩ mɩ̀ cen a ɩ̃ divɛ̃ tɩɩr púo pʋɔ, ɩ̃ɩ na ya nyɩ nɩ a lɛ a na sɛw a.”

Zã 12:44

A Yeezu tɩ zɛw nɩ kɔkɔr yel: «Sob nɛ na sàw de m a, mãa bɛ n'ʋ ʋ sàw de ɩ, a sob nɛ na tõ m a n'ʋ ʋ sàw de.

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Nɩ-toni 12:15

A nɩbɛ tɩ sɔw ʋ na: «Fʋ yáar'a bɩɩ?» Ɛcɛ a tõ-tõ-bi-pɔwle tɩ cãà na yere kɛ́ sɩza n'a. A lɛ n'a bɛ tɩ lɛb yel ʋ: «Alɛ wa ɩ lɛ a, a ʋ malkɩ n'ʋ!»

Ʋrɔm 4:5

Ɛcɛ, nɩr na bɛ ɩrɛ ƴãwn a ʋ tome ƴãw a, ɛ́ sàw de a Naaŋmɩn na mɩ́ ɩ a nɩr na bɛ ƴãwnɛ ʋ, ʋ lɩɛbɩ nɩ-mɩŋa a, a Naaŋmɩn mɩ́ nyɛ̃ nɩ a ʋ sàw-deb, ɛ́ sàw kʋ̀ ʋ k'ʋʋ ɩ n nɩ-mɩŋa.

2 Korɛ̃tɩ 4:13

A Sɛb-sõw yel'a: «Ɩ̃ sàw na de, alɛ so ɩ̃ ƴɛ̀r.» A tɩɩm mɩ̀ a, a sàw-deb-been ŋa tɩɛrʋ tɩ na tɛr a n'a so tɩ mɩ̀ sàw de, ɛ́ alɛ n'a so tɩ ƴɛ̀rɛ.

Efɛɛzɩ 4:28

Sob nɛ na tɩ dãw zure a, ʋ bɛr a nyãnyuwlu ɛ́ nɩ̃ɛ ƴãw fãw tone nɩ a ʋ nuru, mɛ̃ a lɛ a na sɛw a, tʋ̃ɔ́ mɩ́ páw bom ɩ kʋ̀ sob nɛ na bɛ tɛr a.

1 Timote 1:15

A ƴɛ̀rʋ na bɛ tɛr bʋnʋ towtow, ɛ́ sɛw kɛ́ nɩbɛ za sàw de daadaa a n'ɩ ŋa: a Kɩrɩta Yeezu wa n a tẽ-daa zu k'ʋʋ wa faa a yel-bebe dem, ɛ́ mãa n'ʋ kpɛ faa zuo bɛ za.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

Títɩ̀ 1:9

A fɛr'a k'ʋʋ tu a ƴɛ̀rʋ na sɛwnɩ sàw deb a pùor sɩza, mɛ̃ a lɛ a wulu na bin a. À ŋá n'a ʋ na tʋ̃ɔ́ kpaalɛ a nɩbɛ a wul-vla pʋɔ, ɛ́ wule a bɛ tulu a bɛlɩ dem na ŋmɩɛr a ʋ ƴɛ̀rʋ lɔbr a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

Títɩ̀ 3:1

Lɛb yel kʋ̀ a kɩrɩta-nɩbɛ za, k'aa fɛr'a kɛ́ bɛ sàw a niw-dierbɛ nɩ a tẽw nɩ-bɛrɛ so bɛ. K'aa fɛr'a kɛ́ bɛ sàwr a bɛ nɛ́ɛ, ɛ́ cɔbrɩ bɛ tʋɔra gù yel-vla za maalʋ.

Títɩ̀ 3:14

A fɛr'a k'aa tɩ nɩbɛ mɩ̀ bãwnɩ a, k'aa fɛr'a bɛ ƴãw fãw mɩ́ de niwn a tõ-vɩɛlɩ tob ƴãw, tʋ̃ɔ́ mɩ́ tu a yel-fɛrɩ pùor, lɛ n'a a bɛ nyɔ-vʋʋrʋ na tɛr tɔnɛ.

Filemɔ̃ 1:11

Koro za a, ʋ bɛ tɩ tɛr yel-ɩra a fʋ zie ɩ, ɛcɛ ƴɛrɛŋa a, ʋ tɛr'ɩ yel-ɩra mãa nɩ a fʋ̃ʋ za zie.

Ebre 10:24

Nyɩ ɩ tɩ kaarɛ taa zie, tʋ̃ɔ́ sɩ̃wnɛ taa tɩɛrʋ a nɔ̃wfʋ ƴãw nɩ a ɩ-vɩɛlɩ maalʋ ƴãw.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.