Títɩ̀ 3:5 - A SƐB-SÕW

⁵ ʋ faa tɩ na, ɛ́ a bɛ ɩ yel-mɩŋa tɩ na tɛr a tɩ ɩ-ɩrɩ pʋɔ a n'a so ɩ, a ʋ su-ɓaarʋ zũú n'a ʋ so tɩ a suob kʋ̃ɔ tɩ lɛb dɔw, ʋʋ kʋ̀ tɩ a Vʋʋrʋ Sõw tɩ lɩɛbɩ nɩ-paalɛ.

Títɩ̀ 3:5 ပူးပေါင်းရင်းမြစ်များ

A Zɔb sɛbɛ 15:14

Ãa n'ɩ a nɩsaal na tɩɛrɛ k'ʋʋ bɛ tɛr dɛwr? Ãa n'ɩ a pɔw bʋ̃-dɔwra na yel k'ʋʋ ɩ n nɩ-mɩŋa?

A Zɔb sɛbɛ 25:4

Ŋmɩŋmɩn n'a nɩsaal na ɩ mɩŋa sob Naaŋmɩn niŋé? Ŋmɩŋmɩn n'a a pɔw bʋ̃-dɔwra na yel k'ʋʋ vɩɛl'ɩ za?

A Zɔb sɛbɛ 9:20

Mãa saa tɛr yel-mɩŋa a, a ɩ̃ nʋɔr na yel'a k'ɩ̃ɩ sãw na, ɩ̃ za saa n'ɩ ŋa a, ʋ na wul'a k'ɩ̃ɩ ɩ n nɩ-faa.

Sɛb-sõw yielu 130:7

Ɩsɩrayɛl nɩbɛ ɛ, nyɩ ƴãw a nyɩ tɩɛrʋ a Sore ƴãw, bʋ̃ʋ n'ʋ vɛ̃, ʋ ɩ n nɩ-vla, ʋl zie n'a a faafʋ be yaga za.

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Sɛb-sõw yielu 62:12

Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Ɩzayi 57:12

Ɩ̃ na yel'ɩ cãamɩ́ lɛ a lɛ fʋ na ŋmɛ̃ a, nɩ a fʋ ɩ-ɩrɩ. Fʋ bɛ nyɛrɛ tɔnɛ kãw za a pʋɔ ɛ.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Matie 3:11

Kʋ̃ɔ n'a mãa kʋ̀rɛ nɩ nyɩ a suob, kɛ́ nyɩ tʋ̃ɔ́ lɩɛbɩ a nyɩ ɩb, ɛcɛ a sob nɛ na waar a ɩ̃ pùorí a, ʋ kpɛmɛ na zuo mɛ̃, ɩ̃ bɛ sɛwnɩ na yaa a ʋ nafawr bɛr ʋ ɛ. Ʋl a, Vʋʋrʋ Sõw nɩ vũu n'a ʋ na kʋ̀ n nyɩ a suob.

Luka 1:50

ʋ tɛr'ɩ a ʋ nɔ̃wfʋ kʋralɛ a bɛlɩ dem na zɔrɛ ʋ a zie.

Luka 1:54

Ʋ sõw nɩ a Ɩsɩrayɛl bʋʋrɛ, a ʋ tõ-tõ-biir: ʋ na lɛb bãwnɩ a ʋ nɔ̃wfʋ ɩb a,

Luka 1:72

Ʋ wul'ɩ a ʋ nɔ̃wfʋ a tɩ sãà mɩnɛ, ɛ́ cãà lɛb bãwnɩ a ʋ Wõ-ta-sõw,

Luka 1:78

a tɩ Naaŋmɩn nɔ̃wfʋ na bɛ tɛr baarʋ a bãwfʋ n'ɩ à ŋà. A nɔ̃wfʋ ŋa ƴãw n'a, a saa-zu mʋ̃tɔ̃w na pure a ta tɩ.

Ʋrɔm 11:14

tɩɛrɛ nɩ k'ɩ̃ɩ ɩ a ɩ̃ bʋʋrɛ nyuur ìr, ɩ̃ tʋ̃ɔ́ faa bɛ mɩnɛ.

Ʋrɔm 11:6

Ʋlɛ wa kaa ír bɛ a ʋ maalʋ zũú a, a bɛ ɩ-ɩrɩ zũú bɛ n'a ɩ, alɛ bɛ ɩ lɛ a, a maalʋ bɛ cãà ɩ maalʋ ɛ.

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 3:28

Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ.

Ʋrɔm 4:5

Ɛcɛ, nɩr na bɛ ɩrɛ ƴãwn a ʋ tome ƴãw a, ɛ́ sàw de a Naaŋmɩn na mɩ́ ɩ a nɩr na bɛ ƴãwnɛ ʋ, ʋ lɩɛbɩ nɩ-mɩŋa a, a Naaŋmɩn mɩ́ nyɛ̃ nɩ a ʋ sàw-deb, ɛ́ sàw kʋ̀ ʋ k'ʋʋ ɩ n nɩ-mɩŋa.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

Ʋrɔm 9:16

A na ɩ à ŋá a, a bɛ yi nɩsaal na bɔbr a zie, nɩ fãw ʋ na ƴãw a zie ɩ, Naaŋmɩn na zɔrɛ nɩbaalʋ a zie n'a a yi.

Ʋrɔm 9:30

Tɩ na yel'a kɛ́ bo? À ŋá n'a tɩ na yel: nɩ-bʋʋr-yoru nɩbɛ na bɛ tɩ bɔbr a mɩnʋ a páw nɩ a mɩnʋ a Naaŋmɩn zie, a mɩnʋ ʋl na yi a sàw-deb zie a n'ʋ ɩ̃ yere.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

Efɛɛzɩ 4:23

Nyɩ sàw bɛ ɩ nyɩ lɩɛbɩ nɩ-paalɛ a nyɩ yã pʋɔ nɩ a nyɩ tɩɛrʋ pʋɔ.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Wulu-ayi-sob 9:5

ɛ́ nyɩ tʋ̃ɔ́ de a bɛ tẽw. Nyɩ na ɩ nɩ-mɩn a bɛ n'a ɩ, bɩɩ a nyɩ tɩɛrʋ na vɩɛl a ƴãw bɛ n'a ɩ. A Sore na diw nɩ a nɩ-bʋʋrɛ bɛ ŋa, a bɛ ɩb na bɛ vɩɛl a ƴãw, nɩ a lɛ ʋ na pɔ yel kʋ̀ a nyɩ sãàkʋm-kore Abraham, Ɩzaakɩ nɩ Zakɔb a, tub ƴãw.

Kɔlɔsɩ 3:10

ɛ́ su a nɩ-paala ʋl a ʋ Íre na maalɛ kʋralɛ ʋ ɩrɛ paala, ɛ́ ŋmɛ̃ taa nɩ ʋ k'ʋʋ tʋ̃ɔ́ bãw ʋ vla za a.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Títɩ̀ 3:4

Ɛcɛ a lɛn daar a Naaŋmɩn tɩ Faarɛ na wa wul a ʋ socir vɩɛlʋ nɩ a ʋ nɔ̃wfʋ a sãá a nɩsaalbɛ za ƴãw a,

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Ebre 6:6

ɛ́ lɛb de a bɛ nyɔ-vʋʋr-kʋra a, a bɛ tɛr bɛ na lɛb lɩɛbɩ a bɛ ɩb a gb'a ayi sob ƴãw ɛ, bɛl tɛɛ za n'a mɩ́ lɛb kparɛ a Naaŋmɩn Bie a da-gara zu, ɛ́ yi n ʋ yẽw ƴãw bɛ tʋʋr.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

1 Pɩɛr 2:10

Nyɩɩm na bɛ tɩ ɩ a ʋ nɩ-bʋʋrɛ a, ƴɛrɛŋa a, nyɩ ɩ n a Naaŋmɩn nɩ-bʋʋrɛ. Nyɩɩm na bɛ tɩ páw a ʋ su-ɓaarʋ a, ƴɛrɛŋa a, nyɩ páw ʋ na.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,