Títɩ̀ 3:2 - A SƐB-SÕW

² Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Títɩ̀ 3:2 ပူးပေါင်းရင်းမြစ်များ

2 Samɩɛl 22:36

Sore e, fʋ mɩ́ piw mɛ̃ na tɛr, mɛ̃ zɛbr-kur-pãgala a, ɛ́ faa mɛ̃, fʋ mɩ́ sàw nɩ a ɩ̃ bʋɔlʋ, ɛ́ ɩ k'ɩ̃ kpɛmɛ.

Sɛb-sõw yielu 140:11

Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

Zʋkpaɩ 19:19

Nɩr na nyɛ̃ su-faa faa a sɛw na kɛ́ bɛ ŋmãa san kʋ̀ ʋ ʋ ya. Fʋ̃ʋ bɛ wa ŋmãa a san a, fʋ sõwne ʋ na ʋ na lɛb tĩ.

Zʋkpaɩ 25:24

A yẽw gaa sa fʋ na na lãw kpɩɛr'ɩ pɔw-nɔ-haarʋ sob a.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Nɩ-toni 23:5

A Pol tɩ sɔw na yel: «Yɛbr i, ɩ̃ bɛ bãw kɛ́ a bàwr-maal-kara n'ʋ ɛ. Alɛ bɛ ɩ lɛ a, a Sɛb-sõw yel'a: “Fʋ kʋ̃ tʋ a fʋ nɩ-bʋʋrɛ nɩ-kpɛ̃ɛ ɩ.”»

1 Korɛ̃tɩ 6:10

a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ.

1 Korɛ̃tɩ 9:19

Mãa na so ɩ̃ tʋɔra bɛ ɩ nɩr za gbãgbaa a, ɩ̃ sàw na lɩɛbɩ nɩbɛ za gbãgbaa, k'ɩ̃ɩ tʋ̃ɔ́ páw a bɛ bɛ́rʋ zie kʋ̀ a Kɩrɩta.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Galasi 6:10

A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Efɛɛzɩ 4:31

Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

Filib 4:5

Nyɩ ɩ a nyɩ nɔ̃wfʋ-ɩb sãá nɩbɛ za nyɛ̃. A Sore pɩɛl'a.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.

1 Pɩɛr 3:10

Bɛ sɛb'a kɛ́: «Nɩr wa bɔbr k'ʋʋ nɔnɛ a nyɔ-vʋʋrʋ a, nɩr wa bɔbr kɛ́ a ʋ nyɔ-vʋʋrʋ bibie nʋmɛ a, a fɛr'a k'ʋʋ maal tɛr a ʋ zɛl a ƴɛ̀r-faa ƴãw, ɛ́ gù a ʋ nʋɔr a ziri ƴãw,

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

1 Pɩɛr 4:4

Ƴɛrɛŋa nyɩ na bɛ cãà lãw nɩ bɛ dãwnɛ taa a pɩ̃ɔ ɩ-ɩrɩ maalʋ ƴãw a, a ùr bɛ na ɛ́ ƴãw bɛ tʋʋr nyɩ.

2 Pɩɛr 2:10

Ɛ́ baa zuo a za, ʋ na ƴãw nɩ dɔwrʋ a bɛlɩ dem na mɩ́ zɔrɛ tuur a ƴã-gan nʋ̃ɔ̀, a bɛ pɩ̃ɔ-yele tɩɛr-faa zũú, ɛ́ bɛ tobr bɛ ka be a Sore nɩ-kpɛ̃ɛnʋ ƴãw a. Bɛ kpɛ n pʋra ɛ́ ɩ pɔ̀lʋ dem, bɛ bɛ zɔrɛ dɛ̃bɩ̃ɛ a salom zu dem na tɛr yúor-vɩɛlʋ-danʋ a tʋb ƴãw ɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:10

Ɛcɛ a nɩbɛ bɛ ŋa bɛl tʋʋr'ɩ bom nɛ bɛ na bɛ bãw a, ɛ́ a al bɛ na mɩ́ bãw, a bãwfʋ ɩ mɛ̃ a wɛ-dʋn bãwfʋ a, a bɛ kũu ƴãw cãà n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:8

À ŋá tɔr za n'a a nɩbɛ bɛ ŋa mɩ̀ ɩrɛ: bɛ mɩ́ tuur'ɩ a lɛ a bɛ tɩɛrʋ na bɔbr a, dɛwr'ɩ a bɛ ƴã-gamɛ. Bɛ bɛ mɩ́ sàwr a Naaŋmɩn nɩ-kpɛ̃ɛnʋ a bɛ zu ɛ, ɛ́ tʋʋr a ʋ yúor-vɩɛlʋ-danʋ malkɩ mɩnɛ na be a salom zu a.