Títɩ̀ 2:2 - A SƐB-SÕW

² Yel a dɛb-nyamɛ kɛ́ bɛ mɩ́ nyɔw bɛ tʋɔra a dɩb nɩ a nyub pʋɔ, kɛ́ bɛ ƴãwnɛ bɛ tʋɔra, kɛ́ bɛ bãw yã, ɛ́ tɛr naaŋmɩn-sàw-deb na vɩɛl a, nɩ nɔ̃wfʋ nɩ kanyir.

Títɩ̀ 2:2 ပူးပေါင်းရင်းမြစ်များ

A Zɔb sɛbɛ 12:12

Dɛnyamɛ so a yã-bãwfʋ ɛ́ nɩ-kore bãw lɛ a yele na ɩrɛ a.»

Sɛb-sõw yielu 92:14

Bɛ sɛl ʋ na mɛ̃ tɩɛ a, a Sore Ŋmɩn-yir-kpɛ̃ɛ pʋɔ, ʋ kɛrɛ nɩ a tɩ Naaŋmɩn davʋrɩ pʋɔ.

Zʋkpaɩ 16:31

A zukɔbr-pɛlɛ ɩ n dɛpaal-kpawʋɔ na vɩɛl a, a bɛlɩ dem na mɩ́ ɩrɛ vla a nɛbɛ mɩ́ páw ʋ.

Ɩzayi 65:20

Bibie à ŋá tɛwr bi-pɩɩla bɛ lɛb kpiir a be ɩ. Dɛnyãw na bɛ ta a ʋ daar a bɛ lɛb kpiir ɛ. Nɩr na tɛr yome kʋba (100) kpi n a, ʋ ɩ n pɔlbile ɛ́ kpi. Ɛ́ nɩr bɛ wa ta yome kʋba (100) a, bɛ na jɩ́rɛ ʋ na mɛ̃ nɩr bɛ na ŋmɛ ƴãw a.

Levitɩ mɩnɛ 19:32

«Nyɩ mɩ́ ìr àr a dɛb-nyãw na pɛlɩ zu a niŋé, nyɩ mɩ́ tɛr ƴãwfʋ yaga a dɛb-nyãw zie. À ŋá n'a nyɩ na ƴãwnɛ mɛ̃. Mãa n'ɩ a Sore nyɩ Naaŋmɩn.»

Markɩ 5:15

Bɛ tɩ wa n a Yeezu zie, wa nyɛ̃ a kɔ̃tɔ̃-ìre ʋl na tɩ dãw tɛr a kɔ̃tɔ̃-faar yaga bɛ tɛr nʋɔr a, ʋ zɩ̃ su bome ɛ́ lɛb bãw yã. Dɛ̃bɩ̃ɛ tɩ kpɛ bɛ na.

Luka 8:35

A nɩbɛ tɩ yi na kɛ́ bɛ wa nyɛ̃ a lɛ a yele na ɩ a. Bɛ tɩ ta n a Yeezu zie nyɛ̃ a dɛb ʋl pʋɔ a kɔ̃tɔmɛ na tɩ yi a, ʋ zɩ̃ a Yeezu gbɛ́ɛ pile, su bome ɛ́ lɛb bãw yã. Pʋ̀lá tɩ vʋ̃ɔ bɛ na.

Nɩ-toni 24:25

Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.»

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

1 Korɛ̃tɩ 9:25

A dɩ̃ɛ-dɩ̃ɛnbɛ za mɩ́ ƴãw nɩ a bɛ ƴã-gan dɔwrʋ yaga, dɛpaal-kpawʋɔ na mɩ́ wɛ a ƴãw n'a bɛ mɩ́ ɩrɛ a lɛ, ɛcɛ tɩɩm a, dɛpaal-kpawʋɔ na bɛ tɛr nãà wɛ a ƴãw n'a.

2 Korɛ̃tɩ 5:13

Tɩmɛ wa ɩ dãbol-ɩb a, Naaŋmɩn ƴãw n'a tɩ ɩ a dãbol-ɩb, ɛcɛ tɩmɛ wa ɩ yã-bãw-ɩb a, nyɩɩm ƴãw n'a.

Galasi 5:23

nɩsaal bàálʋ-ɩb, tʋɔra-nyɔwfʋ. A Moyiir wulu bɛ diwr a yele á ŋá taabɛ bɛrɛ ɩ.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

1 Tesalonikɩ 5:6

A na ɩ à ŋá a, tɩ ta gúre mɛ̃ a bɛl na cɛ a ɩ, tɩ bɛr gʋ̃ɔ ɛ́ tɛr maal-ɩrɛ a dɩb nɩ a nyub ƴãw.

1 Tesalonikɩ 5:8

Ɛcɛ tɩɩm na ɩ mʋ̃tɔ̃w daarɩ́ nɩbɛ a, nyɩ ɩ tɩ mɩ́ nyɔw tɩ tʋɔra a dɩb nɩ a nyub ƴãw. Tɩ de a naaŋmɩn-sàw-deb nɩ a nɔ̃wfʋ a ɩ mɛ̃ a zɛbr kparʋ na mɩ́ pàw a nyãa tɩ tɔ a sɩɛ a, ɛ́ de a faafʋ tɩɛrʋ mɛ̃ zɛbr-kpawɔ-kpow a.

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

1 Timote 1:2

mãa n'ʋ sɛbr a fʋ̃ʋ Timote, na sɩrɩ ɩ a ɩ̃ bie a naaŋmɩn-sàw-deb pʋɔ a. A Naaŋmɩn tɩ Sãà nɩ a Kɩrɩta Yeezu tɩ Sore, bɛ kʋ̀ b maalʋ nɩ su-ɓaarʋ nɩ ƴã-ɓaarʋ.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

1 Timote 3:2

A lɛ ƴãw a, a fɛr'a kɛ́ a Lãw-yir-kaarɛ ta tɛr sãwna bɛ yere ɩ, ʋ kul pɔw been yõ, ɛ́ mɩ́ nyɔw ʋ tʋɔra a dɩb nɩ a nyub ƴãw, ʋ bãw yã, ɛ́ bãw ʋ tʋɔra maal-tɛrʋ, ʋ nɔnɛ a sãanbɛ tɛrʋ, ɛ́ ɩ nɩr na na tʋ̃ɔ́ wule a nɩbɛ a,

1 Timote 3:4

Ʋ bãw a ʋ mɩŋa yir kaafʋ, ɛ́ ɩ a ʋ bibiir bɛ ɩ nɔ-sàwrbɛ na ƴãwnɛ ʋ yaga za a.

1 Timote 3:8

A dɩakɩr mɩnɛ mɩ̀ a, a sɛw na kɛ́ bɛ ɩ nɩbɛ na ƴãwnɛ bɛ tʋɔra a, bɛ ta tɛr ƴɛ̀r-nɛ́ɛ ayi ɛ, ta nɔnɛ dãa ɩ, ɛ́ ta tu tɛra na waar'ɩ vĩ a pùor ɛ.

1 Timote 5:1

Dɛb-nyãw wa sãw a, ta yere ʋ tanɛ nɩ ʋ ɛ, ɛcɛ kpaalɛ ʋ mɛ̃ fʋ sãà n'ʋ a. Ɩrɛ a pɔlbili zie mɛ̃ yɛbr nɛbɛ a,

Títɩ̀ 1:13

Ɛ́ yel-mɩŋa n'ɩ à à ŋá ʋ na yel a. Alɛ so, kpãa bɛ sɩza bɛ tʋ̃ɔ́ tɛr naaŋmɩn-sàw-deb na tori a,

Títɩ̀ 1:8

A fɛr'a k'ʋʋ nɔnɛ a sãanbɛ nyɔwfʋ, ʋ nɔnɛ a vla, ʋ bãw yã, ɛ́ ɩ nɩ-mɩŋa nɩ nɩ-sõw, bãw ʋ tʋɔra tɛrʋ.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

Filemɔ̃ 1:9

ɩ̃ nyɛ̃ na a sa, k'ɩ̃ɩ zɛlɩ fʋ bʋ̃-kãw a nɔ̃wfʋ zũú. À à ŋá ɩ̃ na ŋmɛ̃ a, a mãa Pol na ɩ dɛb-nyãw, ɛ́ be a gaso pʋɔ ƴɛrɛŋa a Yeezu Kɩrɩta ƴãw a,

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 5:8

Nyɩ mɩ́ nyɔw nyɩ tʋɔra a dɩb nɩ a nyub ƴãw, nyɩ bɛr gʋ̃ɔ! A nyɩ dɔ̃ sob, a Gɛgɛra, lanɛ na viire mɛ̃ gbẽw na ùore bɔbr'ɩ nɩr k'ʋʋ vɔl a.

2 Pɩɛr 1:6

Nyɩ tɛr tʋɔra-nyɔwfʋ ƴãw pʋɔ a Naaŋmɩn bãwfʋ ƴãw. Nyɩ tɛr a kanyir ƴãw pʋɔ a tʋɔra-nyɔwfʋ ƴãw, ɛ́ ƴãwnɛ a Naaŋmɩn ƴãw pʋɔ a kanyir ƴãw.