Títɩ̀ 2:14 - A SƐB-SÕW

¹⁴ Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Títɩ̀ 2:14 ပူးပေါင်းရင်းမြစ်များ

Yele-za-pɛr-tib 48:16

a malkɩ ʋl na faa mɛ̃ yel-faa za pʋɔ a, ʋ maalɩ a dɛbli bɛ ŋa, k'aa bɛl zũú a, a ɩ̃ yúor tʋ̃ɔ́ pore, mɛ̃ a ɩ̃ sãàkʋm Abraham nɩ a ɩ̃ sãà Ɩzaakɩ dem a! Bɛ yɛ̀r yaga za a tẽw za pʋɔ!»

Sɛb-sõw yielu 130:8

Ʋlɛ n'ʋ na ya ír nyɩ bɛr a nyɩ sãwna za pʋɔ.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Eziptɩ tẽw yib 15:16

Dɛ̃bɩ̃ɛ sɩrɩ na tɛr bɛ, bɛ dɩ vuo ɩ. A fʋ kpãkpãw-kpɛ̃w ton ɩ na bɛ gbini àr gbili, ɛ́ gù a fʋ nɩ-bʋʋrɛ tɩ tɔl baarɩ, Sore e, a fʋ nɩ-bʋʋrɛ fʋ na páw a.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Ezekɩɛl 37:23

Nyɩ kʋ̃ lɛb dɛw nyɩ tʋɔra bɛr a ŋmɩn-bɛlɛbɛlɛ puoru zũú, a ɩb na bɛ maal'ɩ wob a, nɩ a sãwna bʋʋrɛ bʋʋrɛ za zũú ɛ. Ɩ̃ na faa nyɩ nɩ a yel-bebe al za nyɩ na maalɩ a ɩ̃ zie a pʋɔ. Ɩ̃ na ɩ na nyɩ lɛb vɩɛl. Nyɩ na ɩ n a ɩ̃ nɩ-bʋʋrɛ ɩ̃ɩ ɩ a nyɩ Naaŋmɩn.

Levitɩ mɩnɛ 25:41

A lɛn daar a, ʋ na lɛb'a so ʋ tʋɔra, ʋlɛ nɩ a ʋ bibiir. Ʋ na lɛb'a ta a ʋ nɩbɛ pʋɔ, ɛ́ lɛb de a ʋ sãà mɩnɛ tẽsɔw.

Malasɩ 3:3

Ʋ na zɩ̃ na nyɩl a salm-pla ír a dɛwr bɛr ʋ vɩɛl. A bàwr-maalbɛ na ɩ a Levi bʋʋrɛ a, ʋ na cɔbrɩ bɛ na bɛ vɩɛl, ʋ na ɩ na bɛ vɩɛl, mɛ̃ a lɛ bɛ na mɩ́ ɩ salm-zɩɛ nɩ salm-pla a vɩɛl a. Lɛ n'a bɛ na tʋ̃ɔ́ mɩ́ kʋ̀ de-kʋ̀b bome a Sore, mɛ̃ a lɛ a na tu sɔ́r a.

Sɔr-nɛ́ɛ 25:13

A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»

Matie 1:21

Ʋ na dɔw nɩ dɛble fʋ por a yúor kɛ́ Yeezu, ʋlɛ n'ʋ na faa a ʋ nɩ-bʋʋrɛ a bɛ yel-bebe pʋɔ.»

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Matie 3:12

Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

Zã 10:15

mɛ̃ a lɛ a ɩ̃ Sãà na bãw mɛ̃ ɩ̃ɩ bãw a ɩ̃ Sãà a. Ɩ̃ɩ dier'ɩ a ɩ̃ nyɔ-vʋʋrʋ tɩrɛ a ɩ̃ píir ƴãw.

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 9:36

Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

Wulu-ayi-sob 26:18

A Sore mɩ̀ ƴãw na nyɩ yel kɛ́ nyɩ na ɩ n a ʋ nɩ-bʋʋrɛ, nɩbɛ ʋ na sʋ̃ɔmɩ bul so a, kɛ́ nyɩ na sàwr'ɩ a ʋ nɛ-ƴãwnɩ za.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Wulu-ayi-sob 7:6

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore nyɩ Naaŋmɩn na so a. Nyɩmɛ nɛbɛ a Sore kaa ír, a tẽw zu nɩ-bʋʋrɛ za pʋɔ, kɛ́ nyɩ ɩ nɩ-bʋʋrɛ ʋ na sʋ̃ɔmɩ bul so a.

1 Timote 1:15

A ƴɛ̀rʋ na bɛ tɛr bʋnʋ towtow, ɛ́ sɛw kɛ́ nɩbɛ za sàw de daadaa a n'ɩ ŋa: a Kɩrɩta Yeezu wa n a tẽ-daa zu k'ʋʋ wa faa a yel-bebe dem, ɛ́ mãa n'ʋ kpɛ faa zuo bɛ za.

1 Timote 2:10

Ɛcɛ a bɛ ɩ-vɩɛlɩ, a nɩ̃ɛ mɩ́ ɩ a bɛ pɩ̃ɛmɛ, mɛ̃ a lɛ a na sɛw taa nɩ pɔwbɛ na yel kɛ́ bɛ ƴãwnɛ nɩ a Naaŋmɩn a.

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

Títɩ̀ 3:8

A ƴɛ̀rʋ ŋa ɩ n sɩza. Ɩ̃ bɔbr'a kɛ́ fʋ ƴɛ̀r gb'a a yaga a yele á ŋá ƴãw, k'aa bɛlɩ dem za na sàw de a Naaŋmɩn a, bɛ ƴãw fãw ɩrɛ vla dɔwlɛ a bɛ ɩ-vɩɛlɩ pʋɔ. À ŋá n'a vɩɛl ɛ́ tɛr yel-ɩra a nɩsaalbɛ zie.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 10:24

Nyɩ ɩ tɩ kaarɛ taa zie, tʋ̃ɔ́ sɩ̃wnɛ taa tɩɛrʋ a nɔ̃wfʋ ƴãw nɩ a ɩ-vɩɛlɩ maalʋ ƴãw.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.