Títɩ̀ 1:16 - A SƐB-SÕW

¹⁶ Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Títɩ̀ 1:16 ပူးပေါင်းရင်းမြစ်များ

A Zɔb sɛbɛ 15:16

ŋmɩŋmɩn n'a a na ŋmɛ̃ a nɩsaal na ɩ bʋ̃-jewra a ƴãw, a nɩ-faa ŋa na mɩ́ maalɩ a yel-faa mɔlɛ lɛ mɛ̃ ŋmale nʋɔr kʋ̃ɔ ʋ na nyũ a?

Zʋkpaɩ 30:12

Nɩbɛ be n be tɩɛr kɛ́ bɛ vɩɛl a, ɛ́ bɛ so a bɛ dɛwr bɛr ɛ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 48:1

Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Zeremi 12:2

Fʋ sɛl bɛ na, bɛ tɛ n nyɩgɛ, bɛ kɛrɛ na, bɛ wɔnɛ nɩ wɔmɛ. A fʋ yúor be n a bɛ nʋɔrɩ́ kʋralɛ, ɛ́ a bɛ socir zãá nɩ fʋ.

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Zeremi 6:30

Bɛ bʋɔlɛ nɩ a nɩbɛ bɛ ŋa kɛ́: “Salm-pla bɛ na na lɔb bɛr a”, bʋ̃ʋ n'ʋ vɛ̃, a Sore lɔb bɛ na bɛr.

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Sɔr-nɛ́ɛ 24:16

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ a, mãa na bãw a Naaŋmɩn-na-do-saa-bɛ-pɩɛl-a yel-sɔwlɩ, ɛ́ nyɛrɛ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ, a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Efɛɛzɩ 5:6

Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

1 Timote 1:9

Tɩ bãw a yel ŋa pɛr vla: nɩ-mɩŋa ƴãw bɛ n'a a Naaŋmɩn wulu be ɩ, bɛ-wonbɛ nɩ nɩ-gaarɩ ƴãw n'a, nɩbɛ na bɛ zɔrɛ Naaŋmɩn a, nɩ yel-bier-maalbɛ, bɛlɩ dem na bɛ ƴãwnɛ Naaŋmɩn nɩ a bʋ̃-son a ƴãw n'a, sãà-kʋrbɛ nɩ mã-kʋrbɛ, nɩ-kʋrbɛ,

1 Timote 5:8

Nɩr bɛ wa kaarɛ a ʋ nɩbɛ zie a, baa zuo a za a bɛl na kpɩɛr a ʋ yir pʋɔ a, ʋ zawr'ɩ a naaŋmɩn-sàw-deb bɛr, ʋ kpɛ n faa zuo sob nɛ na bɛ tɛr a naaŋmɩn-sàw-deb a.

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Títɩ̀ 3:1

Lɛb yel kʋ̀ a kɩrɩta-nɩbɛ za, k'aa fɛr'a kɛ́ bɛ sàw a niw-dierbɛ nɩ a tẽw nɩ-bɛrɛ so bɛ. K'aa fɛr'a kɛ́ bɛ sàwr a bɛ nɛ́ɛ, ɛ́ cɔbrɩ bɛ tʋɔra gù yel-vla za maalʋ.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

1 Zã 2:4

Sob nɛ na yere: «Ɩ̃ bãw ʋ na», ɛ́ bɛ sàwr a ʋ nɛ-ƴãwnɩ a, ʋ ɩ n zir-ŋmarɛ, ɛ́ a yel-mɩŋa bɛ be a ʋ zie ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.

1 Samɩɛl 15:24

A Sawul tɩ yel'ɩ a Samɩɛl: «Ɩ̃ maal'ɩ yel-bier, ɩ̃ bɛ tu a lɛ a Sore na yel a ɩ, mɩ̀ bɛ lɛb tu a fʋ ƴɛ̀rʋ ɛ. A sojarɩ dɛ̃bɩ̃ɛ n'a ɩ̃ tɩ zɔrɛ, alɛ so ɩ̃ sàw a bɛ zɛlʋ.