Sofoni 3:6 - A SƐB-SÕW

⁶ A Sore yere na: «Ɩ̃ ɩ na nɩ-bʋʋrɛ bɛ cãà be ɩ, a zɛbr-yir-kpɛn na piw bɛ tɛr a, ɩ̃ da a na lɔb, ɩ̃ ɩ na a bɛ sɛ́ɛ gã zawlɛ: nɩr za bɛ tuur tɔlɛ ɩ! A bɛ tẽ-bɛrɛ ŋmɛr ŋmɛr'a gã: nɩr za bɛ cãà kpɩɛr a ɩ.

Sofoni 3:6 ပူးပေါင်းရင်းမြစ်များ

Ɩzayi 14:26

A lɛ a Sore na yel a tẽ-daa za ƴãw a n'ɩ à à ŋá, nɩ a nũu ʋ na zɛw a nɩ-bʋʋrɛ za ƴãw a.

Ɩzayi 37:36

A Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Sofoni 2:5

Baw-bio dem n'ɩ nyɩ, nyɩɩm na yi a Kafɩtɔɔr wa a, nyɩɩm na kpɩɛr a kʋ̃ɔ-kpɛ̃ɛ nʋɔr a! A Sore ƴɛ̀rɛ nɩ ƴɛ̀rʋ ŋa cáarɛ nɩ nyɩ: «Kanãa, Filisɩtɛ̃ mɩnɛ tẽw i, ɩ̃ na sãw fʋ na bɛr, fʋ kʋ̃ cãà tɛr nɩbɛ ɩ.

Zakari 7:14

Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»

Matie 23:38

A na ɩ à ŋá a, a nyɩ yir na gã nɩ zawla.

1 Korɛ̃tɩ 10:11

A yele á ŋá tɩ ta bɛ na k'aa ɩ wulu, ɛ́ bɛ sɛb'ɩ a yele á ŋá a tɩɩm wulu ƴãw, tɩɩm na be a yele baarʋ vuo pʋɔ a.

1 Korɛ̃tɩ 10:6

A yele á ŋá ɩ na, k'aa tʋ̃ɔ́ ɩ wulu a tɩ zie, kɛ́ tɩ taa bɔbr a yel-faa mɛ̃ a bɛl na tɩ dãw bɔ a a ɩ.

Zozue 23:4

Nyɩ nyɛ̃, ɩ̃ ŋmɛ n gbãw põ a nyɩ dɔwlʋ a nɩ-bʋʋr-yoru ten ɩ̃ na zɛb de a, nɩ a al na cãà cɛ a zɛb-deb a, a al na be a saa-pɛrɩ́ nɩ a mʋ̃tɔ̃w-kpɛb-lowr cara pʋɔ a, a pɛr lɛ k'aa Zurdɛ̃ nɩ a Mediterane kʋ̃ɔ-kpɛ̃ɛ cara pʋɔ a.