Sofoni 3:4 - A SƐB-SÕW

⁴ A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Sofoni 3:4 ပူးပေါင်းရင်းမြစ်များ

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 8:10

A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Ezekɩɛl 22:6

A fʋ pʋɔ a, Zerizalɛm i, a Ɩsɩrayɛl nɩ-bɛrɛ pʋɔ a, ŋa za mɩ́ de nɩ a ʋ fãw kʋrɛ nɩ a ʋ taabɛ.

Ezekɩɛl 44:23

A bàwr-maalbɛ na zanɩ nɩ nɩ a ɩ̃ nɩ-bʋʋrɛ bɛ bãw a bom na ɩ sõw nɩ a bom na bɛ ɩ sõw a, a bom na vɩɛl nɩ a bom na tɛr dɛwr a.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

2 Korɛ̃tɩ 11:13

A nɩbɛ bɛ ŋa a, nɩ-ton-bɛlɛbɛlɛ mɩnɛ nɛbɛ, tõ-tõ-biir na bɛ tɛr yel-mɩŋa, ɛ́ bɛ̀lɩ ɩ Kɩrɩta nɩ-toni a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Ƴɛ̀r-dɩrbɛ 9:4

Bɛ tɩ ír'ɩ a Báàl-Beritɩ yir pʋɔ salm-pla libie lɩz'a ata nɩ pie kʋ̀ a Abimelɛkɩ. Ʋ tɩ de nɩ a libie á ŋá da n nɩ-bɛ-tɛr-bir mɩnɛ nɩ nyãnyu-nɩ-farbɛ bɛ tu ʋ.

1 Samɩɛl 2:22

A Eli tɩ kor'a tɩ kor. Ʋ tɩ wone na bɛ manɛ a lɛ a ʋ bidɛbr na tɩ ɩrɛ a Ɩsɩrayɛl nɩbɛ za zie a, ɛ́ mɩ̀ tɩ wõ kɛ́ bɛ ganɛ nɩ nɩ a pɔwbɛ na mɩ́ ɓã taa a tuor-taa pɛn-sɛw dɩ̃dɔrɩ́ a.