Sofoni 3:17 - A SƐB-SÕW

¹⁷ A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Sofoni 3:17 ပူးပေါင်းရင်းမြစ်များ

Yele-za-pɛr-tib 1:31

A Naaŋmɩn nyɛ̃ nɩ a bome za ʋ na tɩ maalɩ a: ʋ tɩ nyɛ̃ a na a vɩɛl yaga za. Zaanʋɔra tɩ ta na, ɛ̀ zie sɔb vɩɛ: a bibie ayʋɔb sob tɩ n'ʋ.

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 18:14

Bom be n be a Sore kʋ̃ tʋ̃ɔ́ ɩ ɛ? Mãa wa lɛb wa a fʋ zie a vɩɛr à à ŋá tɔ-won a, a Saara na tɛr'ɩ dɛble.»

Yele-za-pɛr-tib 2:2

A Naaŋmɩn na tɩ tõ a ʋ tome za baar'a, ʋ pɩ̃ɛnɩ nɩ a bibie ayopõi sob, a ʋ tome za ʋ na tɩ tõ a ƴãw.

Sɛb-sõw yielu 147:11

a Sore pʋɔ mɩ́ pɛlɩ nɩ a bɛlɩ dem na zɔrɛ ʋ a ƴãw, a bɛlɩ dem na mɩ́ tɩɛrɛ a ʋ nɔ̃wfʋ a.

Sɛb-sõw yielu 149:4

Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw, ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.

Sɛb-sõw yielu 78:65

Lɛ n'a a Sore tɩ zaw ìr mɛ̃ gʋ̃ɔ-gúre a, mɛ̃ gãdaa dãa na ɩrɛ a.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 18:4

Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Ɩzayi 63:12

A cenu daar a, ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w. Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé, k'ʋʋ tʋ̃ɔ́ páw yúor na be kʋralɛ a.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

A naaŋmɩn-ƴèr-manɛ Oze sɛbɛ 14:4

A Asiiri kʋ̃ tʋ̃ɔ́ faa tɩ ɛ, tɩ kʋ̃ do zɔm wur zɛbr ƴãw ɛ, ɛ́ tɩ kʋ̃ lɛb yel a tɩ nuru bʋ̃-maala, k'ʋʋ ɩ n tɩ Naaŋmɩn ɛ. Bʋ̃ʋ n'ʋ vɛ̃, fʋ̃ʋ yõ n'ʋ mɩ́ zɔ a bi-kpieb nɩbaalʋ.»

Zowɛl 2:21

Fʋ̃ʋ tẽw i, ta zɔrɛ dɛ̃bɩ̃ɛ ɩ! A fʋ nʋ̃ɔ̀, ʋ pur yaarɩ, a Sore na maalɛ yel-bɛrɛ a ƴãw.

Sofoni 3:15

A Sore ír'ɩ a dɔwrʋ na tɩ lo a nyɩ zu a bɛr, ʋ ɩ n a nyɩ dɔ̃ dem bɛ zɔ. A Sore, a Ɩsɩrayɛl nãà, be n a nyɩ sɔgɔ, nyɩ kʋ̃ cãà zɔrɛ yel-faa dɛ̃bɩ̃ɛ ɩ.

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Sɔr-nɛ́ɛ 14:8

Tẽw bʋ̀rʋ nɩ sɩwr na gbɔlɛ a n'ʋ. A Sore wa tu tɩ a, ʋ na tɛr tɩ na cen nɩ a tẽw ŋa pʋɔ, tɩ de ʋ kʋ̀ tɩ.

Luka 15:32

Ɛcɛ a tɩ fɛr'a kɛ́ tɩ maalɩ cuw wõ n nʋ̃ɔ̀, a fʋ yɛb ŋa na tɩ kpi ɛ́ lɛb wa vʋʋrɛ a ƴãw, ʋ na tɩ bɔr ɩ̃ɩ lɛb wa nyɛ̃ ʋ a ƴãw.”»

Zã 13:1

A Tɔl-gãw cuw zãa daarɩ́ tɩ n'a. A Yeezu na tɩ bãw kɛ́ a daar ʋl, ʋ na na yi a tẽ-daa ŋa zu lɛb cen a ʋ Sãà zie a, ta na a, ʋ na tɩ nɔ̃w a ʋ nɩbɛ na be a tẽ-daa zu a, ʋ nɔ̃w bɛ na tɩ ɓɩɩlɩ.

Zã 15:11

«Ɩ̃ yel'ɩ à à ŋá kʋ̀ nyɩ kɛ́ a nʋ̃ɔ̀ na kpɩɛr mɛ̃ a, ʋ mɩ́ kpɩɛr nyɩ, ɛ́ a nyɩ nʋ̃ɔ̀ tʋ̃ɔ́ vɩɛl ʋ za.

Wulu-ayi-sob 23:15

A Sore nyɩ Naaŋmɩn mɩ́ cɔlɛ nɩ a nyɩ laɩ pʋɔ, k'ʋʋ gù nyɩ, ɛ́ ɩ nyɩ zɛb tʋ̃ɔ́ a nyɩ dɔ̃ dem. Alɛ so a nyɩ laɩ ɩ zie na ɩ sõw a. A Sore wa ɩ mɛ̃ ʋ nyɛ̃ nɩ bom na ɩrɛ ʋ vĩ a, ʋ kʋ̃ cãà be a nyɩ zie ɩ.

Wulu-ayi-sob 30:9

A Sore nyɩ Naaŋmɩn na ɩ na a nyɩ yele za maalɛ vla cere. Nyɩ na tɛr'ɩ bibiir yaga, a nyɩ dʋn bili na yãwmɛ na, ɛ́ a nyɩ bʋ̃-dieri ʋr. Bʋ̃ʋ n'ʋ vɛ̃, a Sore na lɛb'a nɔnɛ a nyɩ maalʋ, mɛ̃ a lɛ ʋ na tɩ maalɩ a nyɩ sãàkʋm-kore a,

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.