Sofoni 3:15 - A SƐB-SÕW

¹⁵ A Sore ír'ɩ a dɔwrʋ na tɩ lo a nyɩ zu a bɛr, ʋ ɩ n a nyɩ dɔ̃ dem bɛ zɔ. A Sore, a Ɩsɩrayɛl nãà, be n a nyɩ sɔgɔ, nyɩ kʋ̃ cãà zɔrɛ yel-faa dɛ̃bɩ̃ɛ ɩ.

Sofoni 3:15 ပူးပေါင်းရင်းမြစ်များ

Yele-za-pɛr-tib 30:23

Ʋ tɩ tɛr'ɩ pʋɔ dɔw bidɛb, ɛ́ yel: «A Naaŋmɩn pãa nanɩ na ír a ɩ̃ vĩ bɛr mɛ̃!»

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 19:9

A Sore nɛ́ɛ tori nɩ dẽdẽ, a mɩ́ ƴãw nɩ nʋ̃ɔ̀ a socir. A Sore nɔ-ƴãwnɩ vɩɛl'ɩ parpar, a mɩ́ ɩ na fʋ nyɛrɛ.

Sɛb-sõw yielu 85:3

Fʋ de nɩ a fʋ nɩbɛ sãwna bɛr a baarɩ, fʋ dɩ n a bɛ yel-bebe za suur kʋ̀ bɛ. Tɛw-àrʋ

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 51:22

À ŋá n'a a Sore, a fʋ Zu-sob, a fʋ Naaŋmɩn, yere, ʋl na ƴɛ̀rɛ kpɩɛr a fʋ nɩbɛ a: «Ɩ̃ na lɛb'a de a nĩw-viir koli-nyúura a fʋ nuru pʋɔ, a ɩ̃ suur koli-nyúura. Fʋ kʋ̃ lɛb nyũ ʋ towtow ɛ.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Ɩzayi 60:18

Nɩr kʋ̃ lɛb wõ bɛ ƴɛ̀r po-to-fãw-ɩb ƴɛ̀rʋ a fʋ tẽw pʋɔ ɛ, bɛ ƴɛ̀r zie na sãw a nɩ kpɩɛrʋ ƴɛ̀rʋ a zie a fʋ tʋr-bɔwrɩ na viiri koli a pʋɔ ɛ. Fʋ na bʋɔlɛ nɩ a fʋ dacĩ-bɛrɛ “Faafʋ”, ɛ́ bʋɔlɛ a fʋ dɩ̃dɛɛ “Danʋ”.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Ezekɩɛl 35:10

Fʋ yel'a: “A Ɩsɩrayɛl nɩ a Zuda naalʋ-ten ayi na ɩ n a ɩ̃ sób, ɩ̃ na de nɩ a ten á ŋá a Sore na kpɩɛr a.”

Ezekɩɛl 36:15

Ɩ̃ kʋ̃ ɩ fʋ lɛb wõ a nɩ-bʋʋr-yoru zʋmɛ nɩ a ɩ-lab ɛ. Bʋ̃ʋ n'ʋ vɛ̃, a nyɩ tẽw kʋ̃ lɛb ɩ a nyɩ bibiir kpiir ɛ. À ŋá n'a a Sore Naaŋmɩn yere.»

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

Ezekɩɛl 48:35

A dacine na na viiri koli a tẽ-kpɛ̃ɛ a wowr za na ɩ n mɛtɩr tùr-piwaɩ (9 000). A na dɛ tĩ a ʋlɩ bibir nɛ a, bɛ na bʋɔlɛ nɩ a tẽ-kpɛ̃ɛ kɛ́: “A-Sore-be-n-ka.”»

Amɔsɩ 9:15

Ɩ̃ na lɛb'a ƴãw a ɩ̃ nɩ-bʋʋrɛ a bɛ tẽw pʋɔ, ɛ́ nɩr kʋ̃ lɛb ír bɛ bɛr a bɛ tẽw zu ɛ, a tẽw ʋl ɩ̃ na na kʋ̀ bɛ a. A mãa Sore fʋ Naaŋmɩn n'ʋ yere.»

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Habakukɩ 2:17

A yele nyɩ na sãw a Libã tẽw a, na lɛb'a lo a nyɩ zu. Nyɩ sãw nɩ dʋn faa faa, dʋn mɩ̀ na ƴãw nyɩ nɩ pʋl-vʋ̃ɔ! À á ŋá za na ta na, a nɩsaalɛ zɩ̃ɩ nyɩ na cir a ƴãw, nɩ a po-to-fãw-ɩb nyɩ na ɩ a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Habakukɩ 2:8

Nyɩ fá n nɩ-bʋʋr-yaga, a nɩ-bʋʋrɛ bɛl na cɛ a mɩ̀ na fá nyɩ na. A nɩsaal zɩ̃ɩ nyɩ na ɩ a cir a ƴãw, a po-to-fãw-ɩb nyɩ na ɩ, a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Zakari 12:3

A lɛn daar, ɩ̃ na ɩ na a Zerizalɛm ɩ kʋsɛ-kpɛ̃ɛ a nɩ-bʋʋrɛ na na bɔbr kɛ́ bɛ zɛw ìr'ɩ a. A bɛlɩ dem nãà wa yel kɛ́ bɛ ɩ kaa a, na ƴãw nɩ natɩɛ bɛ tʋɔra. Lɛ n'a a tẽw zu nɩ-bʋʋrɛ za na lãw taa zɛbr'ɩ ʋ.

Zakari 14:11

A nɩbɛ na kpɩɛr'ɩ a tẽw, bɛ kʋ̃ lɛb ŋmɛr ʋ bɛr ɛ, ɛ́ a nɩbɛ na ɓãá nɩ ƴãw kpɩɛr a be.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Zã 1:49

A Natanayɛl tɩ lɛb'a yel: «Wul-wul-kara a, fʋ̃ʋ n'ɩ a Naaŋmɩn Bie, fʋ̃ʋ n'ɩ a Ɩsɩrayɛl Nãà!»

Zã 12:15

«Sɩyɔ̃ tẽw i, ta zɔrɛ dɛ̃bɩ̃ɛ ɩ. A fʋ nãà n'ɩ ŋan waar, zɔm bõw-nyãw bile!»

Zã 19:19

A Pɩlatɩ tɩ ƴãw na bɛ sɛb a sɛbrʋ ŋa mɛr a da-gara zu: «A Yeezu na yi Nazarɛtɩ a, Zifʋ mɩnɛ nãà.»

Zã 5:30

Mãa a, ɩ̃ kʋ̃ tʋ̃ɔ́ nyɛ̃ ɩ̃ tʋɔra ɩ bom kãw za ɩ. Ɩ̃ maalɛ nɩ a ƴɛ̀rʋ mɛ̃ a lɛ a Naaŋmɩn na yere kʋ̀rɛ mɛ̃ a, ɛ́ a ɩ̃ ƴɛ̀rʋ-maalʋ tu n yel-mɩnʋ, ɩ̃ na bɛ bɔbr mãa mɩŋa pʋ-tɩɛrʋ maalʋ, ɛ́ bɔbr a sob nɛ na tõ m a pʋ-tɩɛrʋ maalʋ a.»

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

Yel-wula 7:15

Alɛ so bɛ àr a Naaŋmɩn naalʋ-dà-kɔw niŋé, ɛ́ ƴãwnɛ a Naaŋmɩn mʋ̃tɔ̃w nɩ tɩ̃ɩsɔw, a ʋ yir pʋɔ. A sob nɛ na zɩ̃ a naalʋ-dà-kɔw zu a na piw bɛ na tɛr.