Sofoni 3:14 - A SƐB-SÕW

¹⁴ Sɩyɔ̃ tẽw i, lɔbr nʋ̃ɔ̀ cɛlsɩ! Ɩsɩrayɛl nɩbɛ ɛ, nyɩ cáarɛ! Zerizalɛm i, cɩlɛ nɩ fʋ pʋɔ za!

Sofoni 3:14 ပူးပေါင်းရင်းမြစ်များ

Neemi 12:43

A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.

Sɛb-sõw yielu 14:7

Ãa n'ʋ na be a Sɩyɔ̃ ɛ́ kʋ̀ a Ɩsɩrayɛl a faafʋ? A Sore wa lɛb maalɩ a ʋ nɩbɛ yele ƴãw a, a Zakɔb bʋʋrɛ na cɩlɛ na, nʋ̃ɔ̀ na ɩrɛ nɩ a Ɩsɩrayɛl.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 97:8

Sɩyɔ̃ tẽw wõ a na, nʋ̃ɔ̀ ɩrɛ ʋ, a Zuda tẽw tẽ-bɛrɛ cɩlɛ na, a ƴɛ̀rʋ fʋ na dɩ a ƴãw, Sore e.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 37:22

Wone a ƴɛ̀rʋ a Sore na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl a kpɔwrɛ fʋ na, ŋmɩwrɛ nɩ ƴãwn.

Ɩzayi 40:1

Nyɩ mɔwlɩ, nyɩ mɔwlɩ a ɩ̃ nɩ-bʋʋrɛ, a nyɩ Naaŋmɩn n'ʋ yere.

Ɩzayi 40:9

Zerizalɛm i, do tãw na kɛrɩ a zu, Sɩyɔ̃ i, cɩɩrɛ nɩ a fʋ fãw za. Fʋ̃ʋ na waar'ɩ yel-nʋ̃ɔ̀ a, zɛw a kɔkɔr, ta zɔrɛ dɛ̃bɩ̃ɛ ɩ. Yel a Zuda tẽw tẽ-bɛrɛ: «Nyɩ nyɛ̃ a nyɩ Naaŋmɩn!

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 54:1

Zerizalɛm i, lɔbr nʋ̃ɔ̀ cɛlsɩ, fʋ̃ʋ na bɛ tɩ cãà tɛr bibiir a. Lɔbr nʋ̃ɔ̀ cɛlsɩ cɩlɛ nɩ, fʋ̃ʋ na bɛ tɩ cãà dɔwr a. Bʋ̃ʋ n'ʋ vɛ̃, a Sore yere nɩ à ŋá a fʋ zie: «Fʋ̃ʋ, pɔw-zawr-bɛra a, fʋ tɛr'ɩ bibiir ƴɛrɛŋa zuo a pɔw na tɛr sɩr a.»

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Mise 4:8

Ɛ́ fʋ̃ʋ Zerizalɛm tãle na piwre a Naaŋmɩn nɩ-bʋʋrɛ, mɛ̃ dʋ̃-cɩ̃ɩnɛ na be zie na kɛrɩ a zu a, fʋ kʋ̃ yaa kɛ́ lɛb nyɛ̃ a fʋ koro za fãw ɛ. A Zerizalɛm na lɛb'a ɩ a naalʋ-tẽw tẽ-kpɛ̃ɛ za.»

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»