Sofoni 3:1 - A SƐB-SÕW

¹ 'Woi! Tẽ-kpɛ̃ɛ-gaara a, tẽ-kpɛ̃ɛ-dɛwr na paalɩ po-to-fãw dem a!

Sofoni 3:1 ပူးပေါင်းရင်းမြစ်များ

Ɩzayi 30:12

Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Zeremi 5:23

Ɛcɛ a nyɩɩm a, nyɩ ɩ n nɩbɛ na bɛ wone wulu ɛ́ ɩ nɩ-gaarɩ a. Nyɩ mɩ́ lɩɛb'a tɔlɛ cere.

Zeremi 6:6

À ŋá n'a a Sore, a kpɛnʋ-za-sob, yere: «Nyɩ cɛ tɩɩr lɔb, nyɩ maalɩ gbĩgbin a Zerizalɛm zɛb-deb ƴãw.» Po-to-fãw-ɩb tɛwr'a be a ʋ pʋɔ, a sãá n'a.

Zeremi 6:7

Ʋ mɩ́ ɩ na a ʋ faalʋ tɛbr yire mɛ̃ bul-nʋɔr na mɩ́ ɩ a ʋ kʋ̃ɔ a tɛbr yire a. A ʋ zie a, po-to-fãw-ɩb nɩ sãw-bɛrʋ tɛwr ƴɛ̀rʋ n'a bɛ ƴɛ̀rɛ. Wʋ̀ʋr nɩ ɩ-k'a-kpɛ tɛwr'a ɩ̃ nyɛrɛ kʋralɛ.

Ezekɩɛl 22:29

A tẽw pʋɔ a ziir za a, fãw nɩ po-to-fãw-ɩb'a a nɩbɛ ɩrɛ. Bɛ zure na, bɛ nɛbr'ɩ a nan dem nɩ a bãbàalbɛ, bɛ dɔwrɛ nɩ a nʋʋrɩ ɛ́ bɛ tuur a mɩnʋ ɛ.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Levitɩ mɩnɛ 1:16

Ʋ na ír'ɩ a kpʋ̃lãyuor lãwnɩ a bome na be a ʋ pʋɔ a lɔb bɛr a bàwr-maal-kuur saa-pɛrɩ́, a be bɛ na mɩ́ wob a tãpɛl-kãánɩ bin a.

Amɔsɩ 3:9

Nyɩ do a Asɩdɔdɩ tẽw yir-vɩɛlɩ garɛ zu, nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel: «Nyɩ ɓã taa a Samaari tan zu, ɛ́ nyɛ̃ yel-fa-bʋʋrɛ nɛ na be a ʋ pʋɔ a, ɛ́ nyɛ̃ lɛ nɩbɛ na dɔwrɛ taa a be a!»

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

Zakari 7:10

Nyɩ ta dɔwrɛ a pɔw-kɔbɛ nɩ a bi-kpebe ɩ, a nʋʋrɩ nɩ a nan dem ɛ. Nyɩ ta mɩ́ tɩ́ɛrɛ kɛ́ nyɩ maalɩ taa faa ɩ.»

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»