Sofoni 2:7 - A SƐB-SÕW

⁷ A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Sofoni 2:7 ပူးပေါင်းရင်းမြစ်များ

Yele-za-pɛr-tib 50:24

A Zuzɛb tɩ yel'ɩ a ʋ yɛbr bibir kãw: «Ɩ̃ na kpi na, ɛcɛ Naaŋmɩn na sõw nyɩ na, a bɛ tɛr à ŋá ɩ. Ʋ na ɩ na nyɩ yi a Eziptɩ, ʋʋ tɛr nyɩ tɩ ta n a tẽw ʋl ʋ na ƴãw nʋɔr k'ʋʋ na kʋ̀ n a Abraham, a Ɩzaakɩ nɩ a Zakɔb a.

Sɛb-sõw yielu 80:14

A tuw pʋɔ duo sãwnɛ ʋ na bɛrɛ, ɛ́ a mʋ̃ɔ pʋɔ dʋn 'wɔbr ʋ báarɛ.

Sɛb-sõw yielu 85:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.

Eziptɩ tẽw yib 4:31

A nɩbɛ tɩ sàw na de. Bɛ na tɩ bãwnɩ a k'aa Sore nyɛ̃ nɩ a bɛ wʋ̀ʋr, ɛ́ wa a bɛ faafʋ a, bɛ tɩ gbĩ n dume gũu tɩ tɔ tẽw puor'ʋ.

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 11:14

Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

Ɩzayi 11:16

Sɔ́r na be n be a ʋ nɩbɛ ŋmãa na cɛ a ƴãw, a bɛl na na cãà vʋʋrɛ be a Asiiri tẽw a, mɛ̃ a lɛ ʋ na tɩ be be a koro a Ɩsɩrayɛl nɩbɛ ƴãw, a lɛn daar bɛ na tɩ yi a Eziptɩ tẽw a.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 31:7

À ŋá n'a a Sore yere: «Nyɩ lɔbr nʋ̃ɔ̀ cɛlsɩ a Ɩsɩrayɛl ƴãw, nyɩ cɩɩrɛ nɩ nyɩ pʋɔ za a nɩ-bʋʋr-yoru niw-diere ƴãw! Nyɩ ɩ bɛ wone a nyɩ danʋ, ɛ́ nyɩ yere: “Sore e, faa a fʋ nɩbɛ, a Ɩsɩrayɛl nɩbɛ bɛl na cɛ a!”

Zeremi 32:44

Yel-mɩŋa, a Bɛ̃zamɛ tẽw pʋɔ, a ziir za na viiri koli a Zerizalɛm a pʋɔ, a Zuda tẽ-bɛrɛ pʋɔ, a Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ a, bɛ na lɛb'a dàar póru. Lɛ n'a a nɩbɛ na mɩ́ maalɩ a bʋ̃-da-sɛbr, bɛ na mɩ́ ƴãw ŋmaarʋ-bʋ̃-ƴãwna bãwfʋ a sɛbr zu, bɛ na mɩ́ bʋɔlɩ dãsɩɛ dem. Bʋ̃ʋ n'ʋ vɛ̃, ɩ̃ na lɛb'a maalɩ a tẽw ŋa nɩbɛ yele ƴãw.» À à ŋá na a Sore yel.

Zeremi 33:12

À ŋá n'a a Sore, a kpɛnʋ-za-sob, cãà lɛb yere: «A tẽw ŋa na sãw ʋ za gã bɛ tɛr nɩbɛ nɩ dʋn a ʋ pʋɔ, nɩ a ʋ tẽ-bɛrɛ za pʋɔ a, ziir na lɛb'a be be a dʋ̃-cɩ̃ɩnbɛ na na mɩ́ ƴãw a bɛ píir nɩ a bɛ bʋʋr a gã pɩ̃ɛnɩ a.

Zeremi 33:7

Ɩ̃ na lɛb'a maalɩ a Zuda nɩ a Ɩsɩrayɛl nɩbɛ yele ƴãw, ɩ̃ɩ na lɛb'a ɩ bɛ ŋmɛ̃ a bɛ dãwdãw ŋmɛ̃a.

Zeremi 47:5

A Gaza a, a nɩbɛ za zuru fɔr'a. A Asɩkalon a, a nɩbɛ za ɩ n gbili. A nyɩɩm na ɩ a nɩ-kɛrɩ jarmam jarmam na cãà vʋʋrɛ a, debor'a nyɩ na wɛr wɛr a nyɩ ƴã-gamɛ tɩ ta n?

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

A naaŋmɩn-ƴèr-manɛ Oze sɛbɛ 6:11

«Zuda a, a fʋ̃ʋ ƴãw mɩ̀ a, ɩ̃ cɔbrɛ nɩ a ci-cɛb. A na ɩ n a lɛn daar ɩ̃ nãà wa lɛb maalɩ a ɩ̃ nɩ-bʋʋrɛ bɛ ŋmɛ̃ mɛ̃ a bɛ dãwdãw a.»

Abɩdɩasɩ 1:19

A Negɛɛvʋ tẽw dem na so nɩ a Ezawu tãw, ɛ́ a Ba-Peyi tẽw dem so a Filisɩtɛ̃ mɩnɛ tẽw. Bɛ na so nɩ a Efarayim bʋʋrɛ tẽw nɩ a Samaari tẽw. Ɛ́ Bɛ̃zamɛ bʋʋrɛ na so nɩ a Galaadɩ tẽw.

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.

Mise 4:7

A bɛl na cɛwrɛ a, ɩ̃ na ɩ na bɛ ɩ nɩ-bʋʋrɛ na cɛ cãà vʋʋrɛ a, a bɛl bɛ na diw cen nɩ a gbãgbaalʋ pʋɔ a tẽ-yoru a, ɩ̃ na ɩ na bɛ ɩ nɩ-bʋʋrɛ na tɛr fãw a. A mãa Sore, ɩ̃ na dɩrɛ nɩ naalʋ a bɛ zu, a Sɩyɔ̃ tãw zu, a na tĩ a ʋlɩ daar nɛ a, nɩ kʋralɛ.

Sofoni 2:9

A na ɩ à ŋá a, mãa bɛ wa be a n'a, alɛ bɛ ɩ lɛ, ɩ̃ yere na, a mãa, a tẽ-daa za Sore, a Ɩsɩrayɛl Naaŋmɩn: a Mowab nɩ a Amɔ̃ ten na sãw nɩ a za, mɛ̃ a Sodɔm nɩ a Gomɔɔr ten a. A bɛ zie nɩr za na kʋ̃ cãà kpɩɛr a, na ɩ n gʋʋr nɩ nyaarʋ bɔwrɩ tɛwr. A ɩ̃ nɩbɛ na cɛ a na wa na wa fa bɛ, ɛ́ de a bɛ tẽw.»

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

Sofoni 3:20

A lɛn daar a, ɩ̃ na lɛb'a tɛr nyɩ wa n, a lɛn daar a, ɩ̃ na lɛb'a ɓã nyɩ taa. A nyɩ mimié n'a ɩ̃ na lɩɛbɩ a nyɩ yele. Lɛ n'a a nyɩ yúor na yi, ɩ̃ɩ ɩ nyɩ nyɛrɛ ƴãwfʋ a tẽw zu nɩ-bʋʋrɛ za pʋɔ.» A Sore n'ʋ yel.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 2:2

Ƴɛ̀r a Saltɩɛl bidɛb Zorobabɛl, na ɩ a na-kpɛ̃ɛ-lɩɛrɛ a Zuda tẽw a zie, nɩ a Yehosadakɩ bidɛb Zozue, na ɩ a bàwr-maal-kara a zie, nɩ a Naaŋmɩn nɩ-bʋʋrɛ bɛl za na tɩ cɛ lɛb wa a, ƴɛ̀r a bɛ zie yel bɛ:

Luka 1:68

«A Sore, a Ɩsɩrayɛl Naaŋmɩn tɛr'ɩ puoru, ʋ jɩ́r'ɩ a ʋ nɩ-bʋʋrɛ kaa ɛ́ faa bɛ,

Luka 7:16

Dɛ̃bɩ̃ɛ tɩ nyɔw nɩ a nɩbɛ za. Bɛ tɩ danɛ nɩ a Naaŋmɩn yere nɩ: «naaŋmɩn-ƴɛ̀r-manɛ kpɛ̃ɛ kpɛ̃ɛ be n a tɩ sɔgɔ, ɛ́ a Naaŋmɩn jɩ́r'ɩ a ʋ nɩ-bʋʋrɛ kaa.»

Nɩ-toni 8:26

A Sore malkɩ tɩ ƴɛ̀r'ɩ a Filib zie yel ʋ: «Ìr tu a saa-pɛrɩ́-dʋrʋ-lowr, de a sɔ́r ʋl na yi a Zerizalɛm ɛ́ siwr a Gaza a, nɩr bɛ be a ʋ zu ɛ.»

Nɩ-toni 8:40

A Filib ʋl wa tɩ nyɛ̃ na ʋ be Azɔtɩ. Al pùorí, ʋ tɩ hiere nɩ a Yel-nʋ̃ɔ̀ a ten al za pʋɔ ʋ na tɩ tuur tɔlɛ a, tɩ sãá nɩ Sezaare.

Ʋrɔm 11:5

Lɛ mɩ̀ n'a, a ƴɛrɛŋa, nɩbɛ ŋmãa blãlɛ, a Naaŋmɩn na kaa ír a ʋ maalʋ zũú a, mɩ̀ cãà be be.

Urutɩ 1:6

A Mowab tẽw kura pʋɔ be a, a Nowemi tɩ wõ na bɛ yel k'aa Sore kaa nɩ a ʋ nɩ-bʋʋrɛ zie, ɩ a bɛ bʋ̃-kʋ́ɔrɩ maalɩ vla.