Sofoni 2:5 - A SƐB-SÕW

⁵ Baw-bio dem n'ɩ nyɩ, nyɩɩm na yi a Kafɩtɔɔr wa a, nyɩɩm na kpɩɛr a kʋ̃ɔ-kpɛ̃ɛ nʋɔr a! A Sore ƴɛ̀rɛ nɩ ƴɛ̀rʋ ŋa cáarɛ nɩ nyɩ: «Kanãa, Filisɩtɛ̃ mɩnɛ tẽw i, ɩ̃ na sãw fʋ na bɛr, fʋ kʋ̃ cãà tɛr nɩbɛ ɩ.

Sofoni 2:5 ပူးပေါင်းရင်းမြစ်များ

Ɩzayi 14:29

Nyɩɩm, Filisɩtɛ̃ mɩnɛ za a, nyɩ ta cɩlɛ a dabɔl na tɩ ŋmɩɛr nyɩ a na kar a ƴãw ɛ. Bʋ̃ʋ n'ʋ vɛ̃, dɔpan na yi n a wa-kũu pʋɔ, ɛ́ wa-bɩɛ, na mɩ́ ƴaw a, yi a dɔpan pʋɔ.

Ɩzayi 14:30

A nɩ-kɔmɛ za pʋɔ nɩ-kɔmɛ na tɛr'ɩ bʋ̃-dɩrɩ, a bãbàalbɛ na pɩ̃ɛnɛ na, ɛ́ bom bɛ damnɛ bɛ ɩ. Ɛcɛ a nyɩɩm, Filisɩtɛ̃ mɩnɛ a, a nyɩ dɔ̃ dem na ɩ na nyɩ kpi kɔ̃ pàw pɛr, ɛ́ bɛ na kʋ n a bɛlɩ dem nãà wa cãà vʋʋrɛ a.

Zeremi 47:7

Ɛcɛ, ŋmɩŋmɩn n'a ʋ na tʋ̃ɔ́ pɩ̃ɛnɩ, a Sore wa n'ʋ tone ʋ a Asɩkalon tẽw, nɩ a kʋ̃ɔ-kpɛ̃ɛ kõkowr ƴãw a? Be n'a a Sore yel k'ʋʋ tuore ʋ.»

Ezekɩɛl 25:16

À à ŋá ƴãw a, nyɛ̃ a lɛ a mãa Sore Naaŋmɩn na yere a: Ɩ̃ na zɛw nɩ nũu a bɛ ƴãw. Ɩ̃ na kʋ n a Filisɩtɛ̃ mɩnɛ, a Kafɩtɔɔr nɩbɛ bɛ ŋa na zɩ̃ a kʋ̃ɔ-kpɛ̃ɛ nʋɔr a.

Amɔsɩ 3:1

Ɩsɩrayɛl nɩbɛ ɛ, nyɩ bɛr wõ a ƴɛ̀rʋ ŋa a Sore na ƴɛ̀rɛ cáarɛ nɩ nyɩ a, nyɩɩm na ɩ a yir ʋl ʋ na tɛr yi n a Eziptɩ tẽw pʋɔ a:

Amɔsɩ 5:1

Ɩsɩrayɛl yir nɩbɛ ɛ, nyɩ bɛrɛ wone a ƴɛ̀r-bir ŋa, a lãw-mʋɔlɛ ŋa ɩ̃ na kone a nyɩ ƴãw a.

Sofoni 1:11

Nyɩ ùore, nyɩɩm Bɔw pʋɔ dem i, bʋ̃ʋ n'ʋ vɛ̃, a bʋ̃-kʋ̀ɔrbɛ za na kpi na, bɛ na kʋ n a yɛ-yɛrbɛ za pàw pɛr.

Sofoni 3:6

A Sore yere na: «Ɩ̃ ɩ na nɩ-bʋʋrɛ bɛ cãà be ɩ, a zɛbr-yir-kpɛn na piw bɛ tɛr a, ɩ̃ da a na lɔb, ɩ̃ ɩ na a bɛ sɛ́ɛ gã zawlɛ: nɩr za bɛ tuur tɔlɛ ɩ! A bɛ tẽ-bɛrɛ ŋmɛr ŋmɛr'a gã: nɩr za bɛ cãà kpɩɛr a ɩ.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Markɩ 12:12

A Zifʋ mɩnɛ Nɩ-kore tɩ bɔbr'ɩ a Yeezu nyɔwfʋ, ɛcɛ bɛ tɩ zɔrɛ nɩ a zu-sɛbla dɛ̃bɩ̃ɛ. Bɛ tɩ bãwnɩ a na kɛ́ bɛlɛ nɛbɛ ʋ lɔb a zʋkpar ŋa jɩɛr'ɩ. Bɛ tɩ bɛr ʋ na ɛ́ tɔlɛ cere.

Zozue 13:2

Ten á ŋá n'a cãà cɛ fʋ na zɛb de: a Filisɩtɛ̃ mɩnɛ ten nɩ a Gesuur tẽw,

Zozue 13:3

a pɛr lɛ k'aa zie ʋl bɛ na de ʋ ɩ a Kanãa tẽw dem zie a. Ʋ yi n a Sɩhoor fʋɔla, a Eziptɩ tẽw tʋr-bɔw ƴãw ɛ́ tɩ sãá a Ekiron vuo pʋɔ, a saa-pɛrɩ́-gʋba-lowr. Be n'a a Filisɩtɛ̃ mɩnɛ na-mɩnɛ anũu be, so a Gaza, a Asɩdɔdɩ, a Asɩkalon, a Gatɩ nɩ a Ekiron, de nɩ a Avitɩ mɩnɛ tẽw na be

Ƴɛ̀r-dɩrbɛ 3:3

A bɛl a Sore na tɩ bɛr a tẽw pʋɔ a n'ɩ bɛ ŋa: a na-mɩnɛ anũu bɛl na tɩ so a Filisɩtɛ̃ mɩnɛ a, a Kanãa tẽw dem za, a Sɩdɔ̃ tẽw dem, nɩ a Hivitɩ mɩnɛ na kpɩɛr a Libã tan pʋɔ a, a na tĩ a Báàl-Hɛrmɔ̃ tãw ɛ́ tɩ tɔ a Lebo-Hamatɩ a.

1 Samɩɛl 30:14

Tɩɩm n'a zɛb'ɩ a Keretɩ̃ɛ mɩnɛ tẽw saa-pɛrɩ́-dʋrʋ-lowr dem, nɩ a Zuda tẽw saa-pɛrɩ́-dʋrʋ-lowr dem nɩ a Kalɛb tẽw saa-pɛrɩ́-dʋrʋ-lowr dem, ɛ́ nyɩw a Sɩkɩlagɩ.»