Sofoni 2:3 - A SƐB-SÕW

³ Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Sofoni 2:3 ပူးပေါင်းရင်းမြစ်များ

2 Samɩɛl 12:22

Ʋ tɩ sɔw bɛ na: «A bie na tɩ cãà vʋʋrɛ a, ɩ̃ tɩ tɛr'ɩ a mʋta-tuo, ɛ́ kone tɩɛrɛ nɩ ɩ̃ pʋɔ à ŋá: “Ãa bãw? Kapaw, a Sore na zɔ n a ɩ̃ nɩbaalʋ, ɛ́ bɛr a bie ʋ vʋʋrɛ.”

Sɛb-sõw yielu 105:4

Nyɩ bɔbr a Sore lãwnɩ a ʋ fãw, nyɩ bɔbr a ʋ niwn nyɛ́b kʋralɛ.

Sɛb-sõw yielu 149:4

Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw, ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

Sɛb-sõw yielu 31:20

Ɛcɛ Sore e, a maalʋ bɛ dɩ vuo ɩ, fʋ na bin gùre nɩ a bɛlɩ dem na zɔrɛ fʋ a! Nɩr za na tʋ̃ɔ́ na nyɛ̃ a maalʋ fʋ na kʋ̀rɛ a bɛlɩ dem za na zɔrɛ kpɩɛr a fʋ naayir a.

Sɛb-sõw yielu 45:4

Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́, a fʋ vɩɛlʋ nɩ a fʋ dɛpaalʋ bãwfʋ n'ʋ,

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Sɛb-sõw yielu 76:9

Fʋ mɩ́ be n a salom zu ɛ́ yel a lɛ fʋ na dɩ a ƴɛ̀rʋ bin a, a tẽ-daa zɔrɛ dɛ̃bɩ̃ɛ, ɛ́ ɩ gbili,

Sɛb-sõw yielu 91:1

Ʋlɩ sob na zɔrɛ kpɩɛr a Naaŋmɩn-na-do-saa-bɛ-pɩɛl-a naayir ɛ́ pɩ̃ɛnɛ a Kpɛnʋ-za-sob ɓaarʋ́ a,

Eziptɩ tẽw yib 12:27

Nyɩɩm sɔw: “A bàwr tɩ na mɩ́ maalɩ kʋ̀ a Sore a Tɔl-gãw cuw ƴãw a n'ʋ. A lɛn daar a Ɩsɩrayɛl nɩbɛ na tɩ be a Eziptɩ tẽw a, a Sore tɩ kʋ n a Eziptɩ nɩbɛ, ɛ́ tɔl gãw a Ɩsɩrayɛl nɩbɛ yie bɛr, bɛ tɔ a ɩ”.» Lɛ n'a a Ɩsɩrayɛl nɩbɛ tɩ gbĩ dume gũu tɩ tɔ tẽw puori a Sore.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Ɩzayi 1:17

Nyɩ zanɛ a vla maalʋ, nyɩ bɔbr a mɩnʋ. Nyɩ mɩ́ ɩ a sob nɛ na fɛrɛ dier a bome a, ʋ lɛb tuur a sɔr-vla. Nyɩ mɩ́ maalɩ a bi-kpieb a lɛ-na-tu-sɔr-a, nyɩ mɩ́ tu a pɔw-kʋɔr yel pùor.”

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zeremi 39:18

Ɩ̃ na faa fʋ na, bʋnʋ bɛ ka be ɩ, fʋ bɛ kpiir a zɛbr-sɔ-kpɛ̃ɛ kũu ɛ, fʋ na cãà na vʋʋrɛ. Fʋ na nyɛ̃ na fʋ na tɛr zu-nʋ̃ɔ̀, fʋ na ƴãw a fʋ tɩɛrʋ a ɩ̃ ƴãw a. À à ŋá n'a a Sore yel.”»

Zeremi 45:5

Ɛ́ fʋ̃ʋ bɔbr yel-bɛrɛ fʋ na tɩɛrɛ a maalʋ. Ta cãà tɩɛrɛ a ɩ. Bʋ̃ʋ n'ʋ vɛ̃, a mãa, a Sore, ɩ̃ yere na: Ɩ̃ na ɩ na a kpɩɛrʋ páw bʋ̃-vʋʋra za. Ɛcɛ, bom ŋa n'ʋ ɩ̃ na ɩ fʋ páw: Zie nɛ za fʋ na cere a, fʋ na mɩ́ tɛr'ɩ a nyɔ-vʋʋrʋ.”»

Ezekɩɛl 13:5

Bɛ bɛ cen tɩ fɔb a dacin vɛɛ ɩ. Bɛ bɛ ŋmãa dacin viiri koli piw nyɩ tɛr a zɛbr ƴãw a Sore bibir nãà wa vɩɛ a ɩ.

A naaŋmɩn-ƴèr-manɛ Oze sɛbɛ 10:12

Nyɩ bʋ̀rɛ a yel-mɩnʋ, ɛ́ nyɩ na cɛ̀ n a nɔ̃wfʋ. Nyɩ cɛ pire, ƴɛrɛŋa n'a a sɛw kɛ́ nyɩ bɔbr a Sore, ɛ́ gù ʋ wa tɩ ɩ a faafʋ ta nyɩ.

A naaŋmɩn-ƴèr-manɛ Oze sɛbɛ 7:10

A Ɩsɩrayɛl nyʋ̀ʋ́r, alɛ n'a yere a ʋ sãwna. Ɛcɛ bɛ bɛ lɛbr waar a Sore bɛ Naaŋmɩn zie ɩ. À á ŋá za na saa ta bɛ a, bɛ bɛ bɔbr a Sore ɩ.

Zonasɩ 3:9

Ãa bãw? A mɩnɛ kãw, a Naaŋmɩn na lɩɛb'ɩ a lɛ ʋ na tɩɛr k'ʋʋ ɩ a bɛr, ʋ na bɛr'ɩ a ʋ su-tʋlʋ-kpãkpã, ɛ́ ɩ tɩ ta kpi ɛ.»

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Matie 5:5

Zu-nʋ̃ɔ̀ dem'ɩ a soci-baalʋ dem, bɛ na páw nɩ a tẽw a Naaŋmɩn na yel k'ʋʋ na tɩr a a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

1 Tesalonikɩ 4:10

ɛ́ lɛ n'a nyɩ ɩrɛ a yɛbr za zie a Masedʋan tẽw za pʋɔ. Yɛbr i, tɩ kpaalɛ nyɩ na kɛ́ nyɩ cãà ɩrɛ a vɩɛl dɔwlɛ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 3:4

A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.