Sofoni 2:15 - A SƐB-SÕW

¹⁵ À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Sofoni 2:15 ပူးပေါင်းရင်းမြစ်များ

A Zɔb sɛbɛ 16:4

Nyɩmɛ tɩ n'ɩ a mãa a, ɩ̃ mɩ̀ nãá ƴɛ̀rɛ na mɛ̃ a nyɩɩm a, ɩ̃ mɩ̀ nãá bãw nɩ a ƴɛ̀rʋ ƴɛ̀r kʋ̀ nyɩ, ɛ́ viire nɩbaal zu a nyɩ ƴãw.

A Zɔb sɛbɛ 27:23

Bɛ ŋmɛ n kuryii ʋ na lo a ƴãw, a be ʋ na tɩ be a, bɛ 'húore ʋ na.

Ɩzayi 22:2

Bʋ̃ʋ n'ʋ so fʋ ɩ tẽ-kpɛ̃ɛ na ɩ gɔmɛ tɛwr a, tẽ-kpɛ̃ɛ na damnɛ a, tẽ-kpɛ̃ɛ na cɩlɛ ʋ za a? Zɛbr zie bɛ n'a a fʋ nɩbɛ kpi ɛ, zɛbr zie bɛ n'a bɛ kʋ bɛ ɩ.

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Ɩzayi 32:9

Pɔwbɛ bom na bɛ damnɛ a, nyɩ ìr, nyɩ bɛrɛ wone a ɩ̃ ƴɛ̀rʋ! Powli na ɓãa ƴãw bɛr tɩɛrʋ a, nyɩ cɛlɛ a lɛ ɩ̃ na yere a zie!

Ɩzayi 47:10

A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 19:8

Ɩ̃ na ɩ na a Zerizalɛm tẽ-kpɛ̃ɛ lɩɛbɩ zie bɛ nãà mɩ́ wa nyɛ̃ ŋmɩɛr pʋl-vʋ̃ɔ cɛlsɩ a. Nɔ-ɓãan na mɩ́ nyɔw nɩ a bɛlɩ dem za na tɔlɛ a be a, ɛ́ bɛ na mɩ́ ŋmɩɛr'ɩ pʋl-vʋ̃ɔ cɛlsɩ a yel-sãwnɩ á ŋá za bɛ na nyɛ̃ a zũú.

Zeremi 50:13

A Sore suur zũú a, nɩr bɛ cãà kpɩɛr ʋ ɛ, wɛja-kpalɛ na ɩrɛ nɩbaalʋ a n'ʋ. Nʋɔr mɩ́ ɓãa nɩ a bɛlɩ dem za na mɩ́ tɔlɛ pɩɛlɛ a Babɩlɔn a. Bɛ mɩ́ ŋmɛ n pʋl-vʋ̃ɔ cɛlsɩ bɛ na mɩ́ nyɛ̃ a ʋ sãwna sɛw à à ŋá a.

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

A Lãw-mʋɔlɛ 2:1

'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

A Lãw-mʋɔlɛ 2:15

Zerizalɛm i, a bɛlɩ dem za na tɔlɛ pɩɛlɛ fʋ a puore nɩ nuru a fʋ loba ƴãw. Bɛ fuole na gɔwrɛ nɩ zuru kɛ́ bɛ tʋ̃ɔ́ ɩ b la: «A tẽ-kpɛ̃ɛ ŋa n'ʋ bɛ tɩ bʋɔlɛ a vɩɛl-bɛ-cɛ nɩ a tẽ-daa za nʋ̃ɔ̀ ʋ?»

Ezekɩɛl 27:36

A nɩ-bʋʋr-sãanbɛ yɛ-yɛrbɛ nʋɔr ɓãa na, bɛ fuole ƴãwn fʋ. Fʋ lɩɛb'ɩ dɛ̃bɩ̃-bom, fʋ bɔr'a a nʋɔr kʋ!»

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Ezekɩɛl 28:9

A bɛlɩ dem na na kʋ b a niŋé a, fʋ na cãà na yere kɛ́ fʋ ɩ n naaŋmɩn ɩ? Fʋ na ɩ n nɩsaal tʋ̃tʋba, ɛ́ kʋ̃ ɩ naaŋmɩn a bɛlɩ dem na na kʋ b a niŋé ɩ.

Ezekɩɛl 29:3

Yel a ƴɛ̀rʋ á ŋá a mãa Sore Naaŋmɩn na yere a kʋ̀ ʋ: Ɩ̃ na ìr'ɩ a fʋ ƴãw, a fʋ̃ʋ Faarawɔ̃, a Eziptɩ tẽw nãà. Fʋ ɩ na mɛ̃ ɩb-kpɛ̃ɛ na gã a Nɩl kʋ̃ɔ pʋɔ a. Fʋ yel'a: “Mãa so a man, mãa n'ʋ maalɩ ʋ.”

Nahum 3:19

A fʋ yele sãw na bɛ lɛb tɛr maalʋ ɛ, a fʋ natɩɛ bɛ tɛr tɩ̃ɩ ɛ, bɛlɩ dem za na mɩ́ wone a fʋ yele a, bɛ mɩ́ ŋmɩɛr'ɩ kuryii a faa na ta b a ƴãw, bʋ̃ʋ n'ʋ vɛ̃, ãa zie n'a fʋ bɛ ɩ a fʋ po-to-ɩb kʋralɛ?

Habakukɩ 1:7

Bɛ ɩrɛ nɩ dɛ̃bɩ̃ɛ, ɛ́ bɛ tɛr dɩ̃ɛnʋ ɛ, bɛlɛ nɛbɛ mɩ́ ŋmɛ nyãa yel a lɛ-na-tu-sɔr-a, nɩ a bɛ na tɛr fãw zuo nɩbɛ za a.

Matie 27:39

A sɔr-tɔlbɛ tɩ tʋʋr ʋ na gɔwrɛ nɩ zu,