Sofoni 2:11 - A SƐB-SÕW

¹¹ A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Sofoni 2:11 ပူးပေါင်းရင်းမြစ်များ

Yele-za-pɛr-tib 10:5

Bɛl zie n'a a nɩbɛ tĩ bʋ́r yaarɩ kpɩɛr a kʋ̃ɔ-kpɛ̃ɛ-sɔgɔ-ten pʋɔ. Ŋa za tɩ kpɩɛr'ɩ a ʋ tẽw, tu n a ƴɛ̀r-pɛ-bʋʋrɛ ʋ na ƴɛ̀rɛ a, ɛ́ kpɩɛr nɩ-bʋʋrɛ kãw pʋɔ tu n a ʋ dɔwlʋ.

Sɛb-sõw yielu 138:4

Sore e, a tẽw zu na-mɩnɛ za na puore fʋ nɩ yãanɩ, bɛ na na wone a fʋ nʋɔr ƴɛ̀rʋ a ƴãw.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Ɩzayi 2:18

A tɩbɛ za na bɔr a.

Ɩzayi 2:20

A ʋlɩ bibir nɛ a, a nɩbɛ na lɔb'ɩ a bɛ salm-pla nɩ a bɛ salm-zɩɛ tɩbɛ ƴãw cʋcʋɛ nɩ zãzã-cili, a tɩbɛ bɛ na maalɩ kɛ́ bɛ puore a.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Zeremi 10:11

Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.

Zeremi 46:25

A Sore, a kpɛnʋ-za-sob, a Ɩsɩrayɛl Naaŋmɩn, yere na: «Ɩ̃ na wa n a Tɛb tẽ-kpɛ̃ɛ ŋmɩn Amɔ̃ ƴãw, a Eziptɩ tẽw, a ʋ ŋmɩmɛ nɩ a ʋ na-mɩnɛ ƴãw, a Faarawɔ̃ nɩ a bɛlɩ dem na ƴãw a bɛ tɩɛrʋ a ʋ ƴãw a, ƴãw.

A naaŋmɩn-ƴèr-manɛ Oze sɛbɛ 2:17

Be n'a ɩ̃ na tɩ lɛb kʋ̀ ʋ a ʋ divɛ̃ tɩɩr póru, ɛ́ ɩ a Akɔɔr bà-fʋɔla lɩɛbɩ faafʋ tɩɛrʋ dɩ̃dɔr. Ɛ́ a be a, ʋ na tu m'a, mɛ̃ a ʋ pɔ̀lʋ daar ʋ na mɩ́ tɩ tu m'a, a bibir ʋl ʋ na yi a Eziptɩ tẽw a.»

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Sofoni 1:4

«Ɩ̃ na ìr'ɩ a Zerizalɛm nɩbɛ ƴãw, nɩ a Zuda nɩbɛ za ƴãw. Ɩ̃ na ɩ na a Báàl puoru ɩ-ɩrɩ al na cãà be a, a bɔr a ka, tɩ lãw nɩ a ŋmɩn ŋa bàwr-maalbɛ yúor.

Sofoni 3:9

«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Zakari 8:20

À ŋá n'a a Sore, a Kpɛnʋ-za-sob, yere: «Nɩ-bʋʋr-yoru, tẽ-bɛrɛ yaga nɩbɛ na lɛb'a waar a Zerizalɛm.

Zakari 8:23

A lɛn daar a, mãa n'ʋ yere, nɩ-sãanbɛ pie a ƴɛ̀rʋ na ɩ tɛɛtɛɛ a na mɩ́ nyɔw nɩ Zifʋ been kparʋ ƴãw ɛ́ yel ʋ: “Tɩ bɔbr'a kɛ́ tɩ páw nyɩ cen, bʋ̃ʋ n'ʋ vɛ̃, tɩ wõ na kɛ́ a Naaŋmɩn be n a nyɩ zie.”»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Malasɩ 1:14

Baw-bio sob'ɩ a nyãnyu-yã-sob, na tɛr dʋ̃-kpɛn a ʋ dʋn pʋɔ, ɛ́ kõ nʋɔr nyɔw dʋ̃-bàal maal'ɩ bàwr kʋ̀ m a! Baw-bio sob'ʋ, bʋ̃ʋ n'ʋ vɛ̃, ɩ̃ ɩ n na-kpɛ̃ɛ a nɩ-bʋʋr-yoru na zɔrɛ a. A mãa, Sore Kpɛnʋ-za-sob, mãa n'ʋ yere.»

Wulu-ayi-sob 32:38

Nyɩ tɩ maalɛ nɩ bàwr, kʋrɛ dʋn ƴãwn a a 'wɔbr. A tɩ nyuur'ɩ a divɛ̃ nyɩ na mɩ́ lãw nɩ a nyɩ de-kʋ̀b bome a. Á pãa ìr sõw nyɩ! Á wa gù nyɩ!”

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»