Sofoni 2:10 - A SƐB-SÕW

¹⁰ A dɔwrʋ n'ɩ à ŋá bɛ na na páw, a bɛ pɔ̀l-ɩb zũú a: bʋ̃ʋ n'ʋ vɛ̃, bɛ tʋ tʋ n a tẽ-daa Sore nɩbɛ, ɛ́ kpow bɛ, ɩ a bɛl zie ʋ kpɛ kpɛ̃ɛ dɔwlɩ.

Sofoni 2:10 ပူးပေါင်းရင်းမြစ်များ

1 Bibie za yel-manɩ 16:21

Ɛcɛ a Naaŋmɩn bɛ tɩ sàw nɩr dɔwrɩ bɛ ɩ, ʋ tɩ kpãa nɩ na-mɩnɛ a bɛ ƴãw.

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

Ɩzayi 16:6

Tɩ wõ n a Mowab pɔ̀lʋ yele, a ʋ pɔ̀l-ɩb na bɛ dɩ vuo a, a ʋ nyɔka-ɩb, ʋ na manɛ kɛ́ ʋlɛ n'ʋ bɛ wõ a, a ʋ pɔ-zawlɛ.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 48:14

Mowab tẽw nɩbɛ ɛ, ŋmɩŋmɩn za n'a nyɩ sàw yel: “Soja-gãdaar'ɩ tɩ, zɛbr-nɩbɛ mɩŋa”?

Zeremi 48:29

Tɩ wõ n a Mowab pɔ̀lʋ yele. Nyɛ̃ pɔ̀l-ɩb na sɛw a! Nyɛ̃ nyɔka-ɩb a! Nyɛ̃ pɔ̀l-ɩb a! Nyɛ̃ ʋ na manɛ kɛ́ ʋlɛ n'ʋ bɛ wõ a! Nyɛ̃ ʋ na tɩɛrɛ k'ʋʋ zuo nɩ nɩr za a!

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»

Ezekɩɛl 25:6

À ŋá n'a a mãa Sore Naaŋmɩn yere: Nyɩ ŋmɛ n nuru ɛ́ ƴaw nʋ̃ɔ̀ ƴawfʋ nyɩ na wõ a Ɩsɩrayɛl kpɩɛrʋ a. À à ŋá a, nyɩ wul'ɩ jewru na ɩ jewru a, a ɩ̃ nɩ-bʋʋrɛ.

Abɩdɩasɩ 1:11

Nyɩ tɩ taw na yi pùor, a ʋlɩ bibir a dɔ̃ dem na tɩ zɛb tʋ̃ɔ́ a bɛ zɛbr-nɩbɛ, ɛ́ tɩ kpɩɛr a bɛ tẽ-kpɛ̃ɛ pʋɔ a. A lɛn daar a nɩ-bʋlmɛ bɛ ŋa na tɩ ŋmɩɛr gbãw pone a Zerizalɛm na-bome a, a nyɩɩm mɩ̀, nyɩ mɩ̀ tɩ ɩ na mɛ̃ a bɛl a.

Abɩdɩasɩ 1:3

A fʋ pɔ̀l-ɩb na bɛ dɩ vuo a, bɔrɛ nɩ fʋ na. Fʋ kpɩɛr'ɩ pìe pʋɔ nɩ ziir bɛ na kʋ̃ tʋ̃ɔ́ páw fʋ nyɔw a, ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”

Sofoni 2:8

«Ɩ̃ wõ n a Mowab nɩ a Amɔ̃ ten dem na ɩrɛ a ɩ̃ nɩ-bʋʋrɛ laar ɛ́ kpɔwrɛ bɛ a. Bɛ tʋ tʋ bɛ na, ɛ́ kpow a ɩ̃ nɩ-bʋʋrɛ, ŋmãa a bɛ tẽw cow nɩ a bɛl tẽw, ʋ yɛ̀lɩ.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»