Sofoni 1:7 - A SƐB-SÕW

⁷ Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Sofoni 1:7 ပူးပေါင်းရင်းမြစ်များ

A Zɔb sɛbɛ 24:1

Bʋ̃ʋ n'ʋ so a Kpɛnʋ-za-sob bɛ ƴãw bibie k'ʋʋ mɩ́ dɩ n a nɩbɛ a ƴɛ̀rʋ? A bɛl na tu ʋ a nãá mɩ́ nyɛ̃ ʋ na ʋ dɩrɛ a ƴɛ̀rʋ.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Ɩzayi 13:3

Mãa n'ʋ tɩr a ɩ̃ nʋɔr kʋ̀ a bɛlɩ dem ɩ̃ na so a. Ɩ̃ bʋɔl'ɩ a ɩ̃ soja-gãdaar, a bɛl a ɩ̃ zɛb-tʋ̃ɔ́fʋ na ɩrɛ nʋ̃ɔ̀ a, k'ɩ̃ɩ wa wul'ɩ a ɩ̃ suur.»

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 2:12

A Sore, a kpɛnʋ-za-sob, tɛr'ɩ bibir ʋ na na ìr bom za na ɩrɛ pɔ̀lʋ a ƴãw, bom za na zɛwr ʋ tʋɔra ɛ́ tɩɛrɛ k'ʋʋ zuo nɩ za a ƴãw k'ʋʋ siwri ʋ.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Ɩzayi 34:5

A Sore zɛbr-sɔ-kpɛ̃ɛ ɩ n zɩ̃ɩ a salom zu. Ʋlɛ n'ɩ ŋan siwr a Edɔm tẽw dem zu, nɩbɛ ʋ na yel kɛ́ bɛ kʋ pàw pɛr a.

Ɩzayi 34:6

A Sore zɛbr-sɔ-kpɛ̃ɛ ɩ n zɩ̃ɩ tɛwr, kãá n'a pàw ʋ: mɛ̃ pʋ́rɩ nɩ bʋrɩ zɩ̃ɩ a, mɛ̃ alãbie kãá a. A Bɔsɩra na ɩ a tẽ-kpɛ̃ɛ a pʋɔ a, a Sore maalɛ nɩ bàwr. Kʋb na ɩ kʋb a n'a gã a Edɔm tẽw pʋɔ.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Ezekɩɛl 7:10

A ƴɛ̀rʋ-dɩb bibir vɩɛ na, a nyɩ daar ta na. A gãda-faa-ɩb bʋʋl'a pàw a ziir za. A pɔ̀l-ɩb yɛ̀r'a.

Ezekɩɛl 7:7

Nyɩɩm na kpɩɛr a tẽw a, a nyɩ daar ta na. A bibir vɩɛ na, a ƴɛ̀rʋ-dɩb bibir pɩɛl'a. A dɛ̃bɩ̃ɛ na lɩɛr'ɩ a nʋ̃ɔ̀ cɛlsɩ a tan zu.

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Amɔsɩ 6:10

A yir nɩr ʋl na na wobr a kũuni yire nɩ k'ʋʋ tɩ nyɩw bɛr a, na sowri a sob nɛ nãà be a dĩó a: «Nɩr za bɛ cãà be ɩ?» Ʋ na sɔw na: «Nɩr bɛ cãà be ɩ!» Ɛ́ yel ƴãw pʋɔ: «Ɩ gbili! A Sore yúor bʋɔlʋ daar bɛ n'a ɩ.»

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Habakukɩ 2:20

Ɛcɛ a Sore ʋl be n a ʋ yir-sõw pʋɔ. A tẽ-daa za nɩbɛ, bɛ ŋmãa vʋʋrʋ a ʋ niŋé!»

Sofoni 1:14

A Sore bibi-kpɛ̃ɛ pɩɛl'a, ʋ pɩɛl'a, ʋ páwr'a tarɛ, a ʋ vɩɛfʋ na ɩ n cɛlsɩ lawlawlaw! A gãdaar tɛɛ za na bʋɔlɛ na kɛ́ bɛ wa faa bɛ.

Zakari 14:1

A Sore bibir pɩɛl'a, Zerizalɛm nɩbɛ ɛ, a nyɩ mimirí n'a bɛ na pṍ a nyɩ bome.

Zakari 2:13

Sɩza, ɩ̃ na wa n a nɩ-bʋʋr-yoru ƴãw: a bɛ gbãgbaar mɩ̀ na fá n a bɛ bome.» A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.

Matie 22:4

Ʋ tɩ lɛb'a tõ tõ-tõ-biir bɛ mɩnɛ kɛ́ bɛ tɩ yel a nɩbɛ ʋ na bʋɔlɩ a: “Nyɩ nyɛ̃, ɩ̃ cɔbr'ɩ a cuw dɩb baarɩ, ɩ̃ kʋ n a ɩ̃ nadɛɛ nɩ a ɩ̃ dʋ̃-'wɔɛ, bom za cɔbr'a baarɩ, nyɩ wa a kul-taa cuw dɩb zie.”

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ʋrɔm 9:20

Ɛcɛ ãa nɩ̃ɛ nɛ b, nɩsaal i, na ƴɛ̀rɛ lɩɛrɛ nɩ a Naaŋmɩn? Yawra bʋ̃-mɩɛra na tʋ̃ɔ́ na yel a ʋ mɩɛrɛ kɛ́ bʋnʋ ƴãw n'a ʋ mɛ ʋ à à ŋá bɩɩ?

Filib 4:5

Nyɩ ɩ a nyɩ nɔ̃wfʋ-ɩb sãá nɩbɛ za nyɛ̃. A Sore pɩɛl'a.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

1 Samɩɛl 16:5

Ʋ tɩ sɔw na: «Ʋ̃ʋ, ɓaarʋ n'a. Bàwr'a ɩ̃ wa k'ɩ̃ɩ wa maalɩ kʋ̀ a Sore. Nyɩ so a nyɩ dɛwr bɛr, ɛ́ wa lãwnɩ mɛ̃.» Ʋ mɩ̀ tɩ so n a Zese nɩ a ʋ bidɛbr dɛwr bɛr bɛ, ɛ́ bʋɔlɩ bɛ a bàwr ƴãw.

1 Samɩɛl 20:26

A ʋlɩ bibir a, a Sawul bɛ tɩ ƴɛ̀r ƴɛ̀rʋ ɛ, ʋ tɩ tɩɛrɛ nɩ ʋ pʋɔ: «Yel-ura páw ʋ na. Bʋnʋ bɛ ka be ɩ, ʋ tɛr'ɩ dɛwr.»