Sofoni 1:5 - A SƐB-SÕW

⁵ Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Sofoni 1:5 ပူးပေါင်းရင်းမြစ်များ

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 11:5

Ʋ tɩ puor'ɩ a Sɩdɔ̃ tẽw dem ŋmɩn-pɔw Asɩtarte, nɩ a Mɩlkɔm, a Amɔ̃ tẽw dem ŋmɩn-faa na bɛ tɛr yúor póru a.

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

2 Na-mɩnɛ 17:32

A nɩbɛ bɛ ŋa tɩ puore nɩ a Sore, ɛ́ mɩ̀ mɩ́ tɩ cãà kaa ír bàwr-maalbɛ a bɛ pʋɔ, kɛ́ bɛ maalɛ a yele a bɛ yúor ƴãw, a maalʋ-ziir puoru yie pʋɔ.

2 Na-mɩnɛ 17:33

A na ɩ à ŋá a, bɛ tɩ puore nɩ a Sore, ɛ́ mɩ̀ cãà puore a bɛ ŋmɩmɛ, mɛ̃ a lɛ a na tuur a ten al pʋɔ bɛ na yi wa a.

2 Na-mɩnɛ 17:41

À ŋá n'a bɛ tɩ ƴãwnɛ a Sore, ɛ́ mɩ̀ cãà maalɛ a bɛ tɩbɛ. A bɛ bibiir nɩ a bɛ bʋʋrɛ a bɛ pùorí tɩ cãà na cow ɩrɛ à à ŋá, wa tɔ a dɩ̃a.

2 Na-mɩnɛ 23:12

Ʋ tɩ ƴãw na bɛ ŋmɛr a bàwr-maal-kube, a Zuda tẽw na-mɩnɛ na tɩ ƴãw bɛ mɛ a Akaazɩ diru garɛ zu a, bɛr, nɩ a al a Manase na tɩ mɛ a Ŋmɩn-yir-kpɛ̃ɛ davʋrɩ a za ayi pʋɔ a. Ʋ tɩ ƴãw na bɛ ŋmɛr a bɛr a be, ɛ́ wob a bʋ̃-ŋmaarɛ tɩ lɔb bɛr a Sedrɔ̃ bà-fʋɔla pʋɔ.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

Ɩzayi 45:23

Mãa mɩŋa n'ʋ ɩ̃ pɔrɛ nɩ, yel-mɩŋa n'a yire a ɩ̃ nʋɔrɩ́, ƴɛ̀rʋ na bɛ lɩɛbɛ bɛrɛ a: dun za na gbĩ n a ɩ̃ niŋé, nʋɔr za na pɔ n à ŋá:

Ɩzayi 48:1

Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.

Zeremi 12:16

Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Zeremi 49:1

Ƴɛ̀rʋ na càarɩ a Amɔ̃ tẽw dem a. À ŋá n'a a Sore yere: «A Ɩsɩrayɛl bɛ tɛr bidɛbr bɩɩ? Ʋ bɛ tɛr gbã-dɩrbɛ bɩɩ? Bʋ̃ʋ n'ʋ so a ŋmɩn Mɩlkɔm de a Gadɩ tẽw, ɛ́ a ʋ nɩbɛ kpɩɛr a tẽw tẽ-bɛrɛ?»

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Zeremi 5:7

A na ɩ à ŋá a, ŋmɩŋmɩn n'a ɩ̃ na dɩ suur kʋ̀ b? A fʋ bibiir zawrɛ mɛ̃ na bɛrɛ, bɛ mɩ́ pɔ n nɩ ŋmɩn-bɛlɛbɛlɛ yúor. Ɩ̃ tɩ kʋ̀ bɛ nɩ alɩ bome nɛ a na tɩ fɛr kɛ́ bɛ tɛr a, ɛcɛ bɛ cãà na maalɩ a pɩ̃ɔ-yele, bɛ darɛ nɩ taa a pɔw-yɛmɛ yir.

Zeremi 7:10

ɛ́ a pùorí nyɩ wa a ɩ̃ niŋé, a yir ŋa ɩ̃ na so a pʋɔ, wa yere: “Tɩ nyɛ̃ nɩ faafʋ!” Ɛ́ cãà cow ɩrɛ a ɩ-faar á ŋá za?

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

A naaŋmɩn-ƴèr-manɛ Oze sɛbɛ 10:2

Nɩsaal-libelibe nɛbɛ. Ƴɛrɛŋa a, bɛ na nyɛ̃ nɩ dɔwrʋ yáa a san. A Sore tɔr za n'ʋ na ŋmɛ a bɛ bàwr-maal-kube lɔb, ɛ́ ŋmɛr a kʋsɛbɛ bɛ na wob teli a bɛr.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

Amɔsɩ 5:26

Ɛcɛ nyɩ tɩ tuo nɩ a nyɩ nãà nɩ a nyɩ ŋmɩn Sikutɩ dasuli, nɩ a Kiyun na ɩ a nyɩ ŋmar-bir nɩ a nyɩ ŋmɩn a dasule mɩ̀.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Nɩ-toni 10:9

A bio daarɩ́, bɛ na tɩ lo a sɔ́r pɩɛlɛ a Zope a, a Pɩɛr ʋl tɩ do n a gàrʋ́ k'ʋʋ tɩ puori. A tɩ manɛ na mɛ̃ gbãgbãw daar a.

Ʋrɔm 14:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «A Sore yere na: Ɩ̃ taa bɛ wa be, a nɩsaalbɛ za na lo na gbĩ dume a ɩ̃ niŋé, bɛ za na háa nɩ nʋɔr danɛ nɩ a Naaŋmɩn.»

Wulu-ayi-sob 10:20

Nyɩ zɔrɛ a Sore nyɩ Naaŋmɩn, nyɩ tone ʋ, nyɩ tu a ʋl yõ pùor, ɛ́ mɩ́ pɔ n a ʋ yúor yõ.

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.

Zozue 23:7

Nyɩ taa kpɩɛr nyawr a nɩ-bʋʋrɛ bɛ ŋa na cãà kpɩɛr a nyɩ sɔgɔ a ɩ. Nyɩ taa puore a bɛ ŋmɩmɛ ɩ, nyɩ taa pore a bɛ ŋmɩmɛ yée a nyɩ pɔɛ pʋɔ ɩ, nyɩ taa gũune a niŋé kɛ́ nyɩ puori a ɩ.