Sofoni 1:3 - A SƐB-SÕW

³ Ɩ̃ na kʋ n a nɩsaalbɛ nɩ a dʋn pàw pɛr, a saa-zu lili nɩ a zʋ́mɛ́, ɩ̃ na kʋ n a nɩ-faar nɩ a bɛ tõ-faar na ɩrɛ a nɩbɛ bɛ lore a. Ɩ̃ na kʋ n a nɩsaalbɛ za pàw pɛr a tẽw zu.»

Sofoni 1:3 ပူးပေါင်းရင်းမြစ်များ

Yele-za-pɛr-tib 6:7

Ʋ tɩ tɩɛr'ɩ ʋ pʋɔ: «A nɩsaalbɛ ɩ̃ na ír a, ɩ̃ na ɩ na bɛ ta cãà a tẽw zu ɛ, lãwnɩ a dʋn, a bɛrɛ nɩ a pʋrmɛ, tɩ lãwnɩ a lili za, bʋ̃ʋ n'ʋ vɛ̃, a kpɛ m'a ɩ̃ na maal'a a.»

Ɩzayi 27:9

Nyɛ̃ a lɛ a Zakɔb sãwna na na baarɩ a, nyɛ̃ a ʋlɩ bom nɛ a ʋ yel-bier suur páwfʋ na na wa n a: bɛ na ƴɛ́r'ɩ a bàwr-maal-kube kʋsɛbɛ za a ɩ mɛ̃ tã-zɔ̃ a. A dà-barɩ nɩ a parfɛ̃ bʋ̃-nyɩwrɩ kʋ̃ cãà bà àr ɛ.

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Ɩzayi 6:12

A Sore na ɩ na a tẽw dem cen zãá nɩ a bɛ tẽw. Tẽsɔwr bɛ na bɛr a na gã nɩ yaga.

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 50:3

Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Ezekɩɛl 44:12

A lɛn daar a Ɩsɩrayɛl nɩbɛ na tɩ tuur a ŋmɩn-bɛlɛbɛlɛ a, a levitɩ mɩnɛ tɩ sõw bɛ na ɛ́ tɩ ɩ a Ɩsɩrayɛl nɩbɛ lo yel-bier pʋɔ. Alɛ n'a so a mãa Sore Naaŋmɩn yere à ŋá: Ɩ̃ na ìr'ɩ a bɛ ƴãw, ɛ́ bɛlɛ na so a bɛ sãwna.

Ezekɩɛl 7:19

Bɛ na lɔb'ɩ a bɛ salm-pla bɛr a sɛ́ɛ pʋɔ, a bɛ salm-zɩɛ na ɩ n sagɛ a bɛ zie. A ʋlɩ bibir nɛ a Sore nãà wa nyɛ̃ a suur a, a bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ ɩ. Bɛ kʋ̃ cãà dɩrɛ ɩ, a bɛ pée na gã nɩ zawlɛ. Bʋ̃ʋ n'ʋ vɛ̃, a bɛ salm-pla nɩ a bɛ salm-zɩɛ tɩ ɩ n bɛrɩ a bɛ ƴãw.

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 14:8

A nɩbɛ na tɩ kpɩɛr a ʋ ɓaarʋ́ a na lɛb'a wa. Bɛ na lɛb'a kʋ́ɔr ble, bɛ na mɩ́ pu na mɛ̃ divɛ̃ tɩɩr púo a, bɛ na tɛr'ɩ yúor mɛ̃ Libã tẽw divɛ̃ a.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zakari 13:2

A Sore, a Kpɛnʋ-za-sob, yere na: «A lɛn daar a, ɩ̃ na ír'ɩ a tɩbɛ za bɛr ɛ́ nɩr kʋ̃ cãà pore a yúor ɛ. Ɩ̃ mɩ̀ na diw nɩ a naaŋmɩn-ƴɛ̀r-man-ziri dem bɛr a tẽw pʋɔ, ɛ́ ɩ nyɩ bɛ cãà nɔnɛ a tɩbɛ maalʋ ɛ.

Matie 13:41

a Nɩsaal Bie na tõ n a ʋ malkɩ mɩnɛ a ʋ Naalʋ tẽw pʋɔ, bɛ wa tuur'ɩ a bɛlɩ dem za na ɩrɛ a bɛ taabɛ bɛ farɛ lore a, nɩ a bɛlɩ dem za na ɩrɛ ɩ-faar a,

Matie 23:39

Mãa n'ʋ yere kʋ̀rɛ nyɩ, a na dɛ tɔ dɩ̃a a, nyɩ kʋ̃ lɛb nyɛ̃ m ɛ, ɛ́ gù a lɛn daar nyɩ nãà wa yere: “A Naaŋmɩn, ʋ maalɩ a sob nɛ na waar a Sore yúor ƴãw a!”»

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.