Sofoni 1:18 - A SƐB-SÕW

¹⁸ A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.

Sofoni 1:18 ပူးပေါင်းရင်းမြစ်များ

Yele-za-pɛr-tib 6:7

Ʋ tɩ tɩɛr'ɩ ʋ pʋɔ: «A nɩsaalbɛ ɩ̃ na ír a, ɩ̃ na ɩ na bɛ ta cãà a tẽw zu ɛ, lãwnɩ a dʋn, a bɛrɛ nɩ a pʋrmɛ, tɩ lãwnɩ a lili za, bʋ̃ʋ n'ʋ vɛ̃, a kpɛ m'a ɩ̃ na maal'a a.»

1 Na-mɩnɛ 14:22

A Zuda dɔwlʋ nɩbɛ tɩ ɩ n a lɛ na bɛ vɩɛl a, a Sore zie. Bɛ tɩ sãw nɩ a ʋ suur nɩ a bɛ yel-bebe, zuo a lɛ a bɛ sãàkʋm-kore na tɩ ɩ a.

A Zɔb sɛbɛ 21:30

A kpɩɛrʋ daar a, a ɩ-fa-maalɛ mɩ́ cɩ̃ɛ na, a Naaŋmɩn suur wa ìr a ʋlɩ bibir a, ʋ mɩ́ jɩɩr'ʋ na bɛr.

A Zɔb sɛbɛ 3:15

bɩɩ mãa nɩ a na-mɩnɛ bɛl na so a salm-zɩɩr a nãá tɩ n'a, a bɛl na tɛr salm-pɛlɛ paal'ɩ a bɛ yie a.

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

Sɛb-sõw yielu 79:5

Sore e, debor'a fʋ na nyɛ̃ a suur tɩ ta? Kʋralɛ n'a a fʋ suur na 'lere mɛ̃ vũu a bɩɩ?

Zʋkpaɩ 11:4

A ƴɛ̀rʋ-dɩb bibir a, a naalʋ kʋ̃ tɛr yel-ɩra ɩ, ɛcɛ a mɩnʋ tɛwr'a na faa a kũu pʋɔ.

Zʋkpaɩ 18:11

A tɛra sob naalʋ n'ɩ a ʋ tẽ-kpɛ̃ɛ na kpɛmɛ a. A ʋ tɩ́ɛrʋ pʋɔ a, a ɩ na mɛ̃ dacĩ-kpɛ̃ɛ na piw ʋ tɛr a.

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 10:17

A Sore, a Ɩsɩrayɛl cãà, na lɩɛb'ɩ vũu. A Naaŋmɩn na ɩ sõw a na lɩɛb'ɩ vũu-zɛl nyɔw a gɔ-tuwr, dɩ a bibi-been.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Ezekɩɛl 16:38

Zerizalɛm i, ɩ̃ na dɩ n fʋ nɩ ƴɛ̀rʋ ƴãw fʋ dɔwrʋ, mɛ̃ a lɛ bɛ na mɩ́ dɩ n ƴɛ̀rʋ ƴãw dɔwrʋ a pɔw-pɩ̃ɔ-yel-maalbɛ nɩ a bɛl na kʋrɛ a nɩbɛ a. A ɩ̃ suur nɩ a ɩ̃ nyuur zũú a, ɩ̃ na ɩ na fʋ ɩ zɩ̃ɩ tɛwr.

Ezekɩɛl 23:25

Oholiba a, ɩ̃ na nyɛ̃ nɩ fʋ nɩ suur, alɛ n'a so bɛ na ɩb nɩ po-to-fãw. Bɛ na ŋmãa nɩ a fʋ nyʋɔr nɩ a fʋ tobe. Bɛ na kʋ n a bɛlɩ dem na kpɩɛr a fʋ pʋɔ a nɩ zɛbr-sɔ-kpɛ̃ɛ. Bɛ na de nɩ a fʋ bidɛbr nɩ a fʋ pɔwyaar, ɛ́ a bɛl na na cãà vʋʋrɛ a, bɛ na nyɩw bɛ na.

Ezekɩɛl 7:11

A po-to-fãw-ɩb ɩ na mɛ̃ dabɔl na zɛw k'ʋʋ ŋmɛ a. Bom kʋ̃ cãà cɛ nyɩ ɛ, bom kʋ̃ cãà cɛ a nyɩ naalʋ pʋɔ ɩ, bom kʋ̃ cãà cɛ a nyɩ yãwmʋ pʋɔ ɩ, bom kʋ̃ cãà cɛ a nyɩ yúor na yi a pʋɔ ɩ.

Ezekɩɛl 7:19

Bɛ na lɔb'ɩ a bɛ salm-pla bɛr a sɛ́ɛ pʋɔ, a bɛ salm-zɩɛ na ɩ n sagɛ a bɛ zie. A ʋlɩ bibir nɛ a Sore nãà wa nyɛ̃ a suur a, a bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ ɩ. Bɛ kʋ̃ cãà dɩrɛ ɩ, a bɛ pée na gã nɩ zawlɛ. Bʋ̃ʋ n'ʋ vɛ̃, a bɛ salm-pla nɩ a bɛ salm-zɩɛ tɩ ɩ n bɛrɩ a bɛ ƴãw.

Ezekɩɛl 7:5

À ŋá n'a a Sore Naaŋmɩn yere: A kpɩɛrʋ waar'a, kpɩɛrʋ na bɛ tɛr tɔ a!

Sofoni 1:11

Nyɩ ùore, nyɩɩm Bɔw pʋɔ dem i, bʋ̃ʋ n'ʋ vɛ̃, a bʋ̃-kʋ̀ɔrbɛ za na kpi na, bɛ na kʋ n a yɛ-yɛrbɛ za pàw pɛr.

Sofoni 1:15

A bibir ŋa na ɩ n suur bibir, kpɩɛrʋ nɩ pʋl-vʋ̃ɔ bibir, da-lɔbrʋ nɩ sãw-bɛrʋ bibir. Ʋ na ɩ n lige, liw-varkpara bibir, zũzuwe nɩ ulu bibir.

Sofoni 2:2

ɛ́ wa bãw ɩ mɛ̃ a ùr na mɩ́ bɔr bibi-been a, ɛ́ a Sore su-tʋlʋ-kpãkpã wa bãw páw nyɩ, ɛ́ a bibir ʋl a suur ŋa na na ìr a, wa bãw vɩɛ.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Matie 16:26

Bʋnʋ tɔnɛ n'a a nɩsaal na nyɛ̃, ʋlɛ wa páw a tẽ-daa za ɛ́ a ʋ nyɔ-vʋʋrʋ bɔr a? Bɩɩ bʋ̃ʋ n'ʋ a nɩsaal na tʋ̃ɔ́ tɩr ya de nɩ a ʋ nyɔ-vʋʋrʋ?

1 Korɛ̃tɩ 10:22

Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”