Sofoni 1:14 - A SƐB-SÕW

¹⁴ A Sore bibi-kpɛ̃ɛ pɩɛl'a, ʋ pɩɛl'a, ʋ páwr'a tarɛ, a ʋ vɩɛfʋ na ɩ n cɛlsɩ lawlawlaw! A gãdaar tɛɛ za na bʋɔlɛ na kɛ́ bɛ wa faa bɛ.

Sofoni 1:14 ပူးပေါင်းရင်းမြစ်များ

Ɩzayi 15:4

A nɩbɛ kone na bɔbr'ɩ faafʋ Hɛsɩbon nɩ Eleale, a bɛ cɛlsɩ yire na tɩ tarɛ Yahasɩ. Alɛ n'a so a Mowab sojarɩ lɔbr cɛlsɩ, ɛ́ a bɛ kanyir baarɩ.

Ɩzayi 33:7

A Arɩɛl nɩbɛ n'ɩ bɛ ŋan kone a sɛ́ɛ pʋʋr. A nɩbɛ bɛ na tõ a ƴã-ɓaarʋ ƴãw a kone nɩ mʋta-zɩ̃ɩ.

Ɩzayi 66:6

Nyɩ wone a gɔmɛ na yire a tẽ-kpɛ̃ɛ pʋɔ a, a gɔmɛ na yire a Ŋmɩn-yir-kpɛ̃ɛ pʋɔ a. A Sore n'ʋ yarɛ a dɔ̃ dem a lɛ a na sɛwnɩ bɛ a.

Ɩzayi 8:22

al pùorí bɛ jɩ́r a tẽw nyɛ̃ a ɩ kpɩɛrʋ tɛwr, lige, lige na vʋ̃ɔnɛ pʋ̀lá a, tɩ̃ɩsɔw-varkpara.

Zeremi 25:36

Ɩ̃ wone nɩ a bɛ cɛlsɩ, ɩ̃ wone nɩ a bɛ kpɩɛrʋ kon. Bʋ̃ʋ n'ʋ vɛ̃, a Sore sãwnɛ nɩ a dʋn mʋ̃ɔ 'wɔbrʋ zie bɛrɛ.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 48:41

Bɛ zɛb'a de a tẽ-bɛrɛ, bɛ zɛb'a de a zɛbr-yir-kpɛn. Lɛ n'a pʋl-vʋ̃ɔ tɛr a Mowab zɛbr-nɩbɛ bɛl na kpɛ socir a, mɛ̃ pɔw na dɔwr a.

Ezekɩɛl 12:23

A na ɩ à ŋá a, yel kʋ̀ a Ɩsɩrayɛl nɩbɛ k'aa mãa Sore Naaŋmɩn yere na k'ɩ̃ɩ kʋ̃ lɛb bɛr bɛ lɔb a zʋkpar ŋa ɩ, bɛ kʋ̃ lɛb lɔb ʋ a Ɩsɩrayɛl tẽw pʋɔ ɩ. Ɛcɛ yel kʋ̀ bɛ: “A daar ta na a yel-nyɛrɩ za na na tu a.”

Ezekɩɛl 30:3

Sɩza, ʋ waar'a, ʋ pɩɛl'a, a Sore bibir. Ʋ na ɩ n zũzuwr bibir. Ʋ na ɩ n a daar ʋl bɛ na na dɩ n a nɩ-bʋʋr-yoru a ƴɛ̀rʋ a.

Ezekɩɛl 7:12

A daar ta na, a ƴɛ̀rʋ-dɩb pɩɛl'a. Sob nɛ na dàar a, ʋ ta cɩlɛ ɩ, sob nɛ na kʋɔrɛ a, ʋ ta tɛr pʋ-sãwna ɩ. Bʋ̃ʋ n'ʋ vɛ̃, ɩ̃ nyɛ̃ nɩ suur nɩ a nɩ-bʋʋrɛ za kpɛ̃lɛ̃kpɛ̃lɛ̃.

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zowɛl 2:1

Nyɩ pɛblɩ wɩ́ɛ a Sɩyɔ̃ tẽw, nyɩ lɔb cɛl a Naaŋmɩn tã-sõw zu. A tẽw dem za, bɛ màwr, a Sore bibir tarɛ na, ʋ pɩɛl'a.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Amɔsɩ 8:2

Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

Sofoni 1:10

A Sore yere na, a ʋlɩ bibir nɛ, a Zerizalɛm a, bɛ na wõ n cɛlsɩ a Zʋ́mɛ́ dɩ̃dɔrɩ́, ùoru na ùore nɩ a Tẽ-kpɛ̃ɛ-paala pʋɔ ɛ́ a tãli ɩ gɔmɛ tɛwr.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Nɩ-toni 2:20

A mʋ̃tɔ̃w na lɩɛb'ɩ lige ɛ́ a cuw mʋ̃ɔ mɛ̃ zɩ̃ɩ a, ɛ́ a Sore bibir wa bãw vɩɛ, bibi-kpɛ̃ɛ, yúor-vɩɛlʋ-danʋ bibir.

Filib 4:5

Nyɩ ɩ a nyɩ nɔ̃wfʋ-ɩb sãá nɩbɛ za nyɛ̃. A Sore pɩɛl'a.

1 Tesalonikɩ 4:16

Bʋ̃ʋ n'ʋ vɛ̃, a cɛl wa ŋmɛ a, a malkɩ-kpɛ̃ɛ kɔkɔr wa yi a, a Naaŋmɩn wɩ́ɛ wa pɛblɩ a, a Sore mɩŋa na yi n a salom zu siw. Lɛ n'a a kũuni bɛl na lãw nɩ a Kɩrɩta a na de niwn lɛb yi a kũu pʋɔ.

Ebre 12:26

A koro za a, a Naaŋmɩn kɔkɔr tɩ dam'ɩ a tẽw, ɛcɛ ƴɛrɛŋa a, ʋ yel'ɩ à ŋá: «Ɩ̃ na lɛb'a baa dam a tẽw lãwnɩ a salom.»

Zakɩ 5:9

Yɛbr i, ŋa ta mɩ́ kone a ʋ tɔ na sãw ʋ a ɩ, k'aa Naaŋmɩn taa wa maalɛ nɩ nyɩ ƴɛ̀rʋ ɛ. Nyɩ nyɛ̃, a ƴɛ̀r-maalɛ n'ɩ ŋan àr a dɩ̃dɛɛ ƴãw.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.