Sofoni 1:13 - A SƐB-SÕW

¹³ A na ɩ à ŋá a, bɛ na za n a bɛ na-bome ɛ́ ŋmɛr a bɛ yie bɛr. Bɛ mɩɛr'ɩ yie ɛ́ kʋ̃ kpɛ a ɩ, bɛ kʋɔr'ɩ divɛ̃ tɩɩr póru ɛ́ kʋ̃ nyũ a divɛ̃ ɩ.»

Sofoni 1:13 ပူးပေါင်းရင်းမြစ်များ

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Zeremi 15:13

Zuda a, a fʋ tɛra, a fʋ na-bome, ɩ̃ na de a na tɩr bɛ zá. Alɛ n'ɩ a fʋ sãwna fʋ na maalɩ a fʋ tẽw za pʋɔ a sã-ya.

Zeremi 17:3

Zuda nɩbɛ ɛ, nyɩɩm na maalɛ a ŋmɩn-bɛlɛbɛlɛ a tan zu nɩ a wɩ̀ɛ pʋɔ a, ɩ̃ na de nɩ a nyɩ tɛra, a nyɩ na-bome nɩ a nyɩ maalʋ-ziir tɩr bɛ zá. Ɩ̃ na ɩ n à à ŋá za a sãwna nyɩ na sãw a nyɩ tẽw za pʋɔ a zũú.

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 5:17

Bɛ na baar'ɩ a nyɩ bom za: a nyɩ bʋ̃-dieri nɩ a nyɩ bʋ̃-dɩrɩ, a nyɩ bidɛbr nɩ a nyɩ pɔwyaar, a nyɩ píir nɩ a nyɩ nĩi, a nyɩ divɛ̃ tɩɩr nɩ a nyɩ kãkã-tɩɩr wɔmɛ. Zɛbr na sãw nɩ a tẽ-kpɛn bɛr, al pʋɔ nyɩ na tɩɛrɛ kɛ́ nyɩ kʋ̃ bãw damnʋ a.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Zeremi 9:19

Pɔwbɛ ɛ, nyɩ bɛr wõ a Sore ƴɛ̀rʋ! Nyɩ yuo a nyɩ tobe wõ a lɛ ʋ na yere a. Nyɩ zanɩ nɩ a nyɩ pɔwyaar a lãw-mʋɔlɛ ŋa, ŋa za mɩ́ zanɩ nɩ a ʋ tɔ a lãw-mʋɔlɛ ŋa kon:

A Lãw-mʋɔlɛ 5:2

A tẽw fʋ na kʋ̀ tɩ a lɩɛb'ɩ nɩ-yoru dem, a tɩ yie be n nɩbɛ tɩ na bɛ bãw a nuru pʋɔ.

Ezekɩɛl 22:31

Lɛ n'a ɩ̃ tɩ ɩ a ɩ̃ su-tʋlʋ kpãkpã ìr a bɛ ƴãw. Ɩ̃ ɩ na bɛ bɔr a suur ŋa vũu pʋɔ, ɩ̃ ɩ na bɛ ya a bɛ ɩ-faar san. A mãa Sore Naaŋmɩn n'ʋ yel.»

Ezekɩɛl 7:19

Bɛ na lɔb'ɩ a bɛ salm-pla bɛr a sɛ́ɛ pʋɔ, a bɛ salm-zɩɛ na ɩ n sagɛ a bɛ zie. A ʋlɩ bibir nɛ a Sore nãà wa nyɛ̃ a suur a, a bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ ɩ. Bɛ kʋ̃ cãà dɩrɛ ɩ, a bɛ pée na gã nɩ zawlɛ. Bʋ̃ʋ n'ʋ vɛ̃, a bɛ salm-pla nɩ a bɛ salm-zɩɛ tɩ ɩ n bɛrɩ a bɛ ƴãw.

Ezekɩɛl 7:21

Ɩ̃ na bɛr'ɩ sãanbɛ bɛ za a bɛ tɛra. Ɩ̃ na sàw na nɩbɛ na bɛ tɛr bir a de a cen nɩ mɛ̃ zɛbr bom a. Bɛ na dɛw a na bɛr.

Ezekɩɛl 7:24

Ɩ̃ na ƴãw nɩ nɩ-bʋʋr-po-to-faar na bɛ tɛr tɔ a wa, wa fa a bɛ yie. Ɩ̃ na sãw nɩ a kpɛnʋ dem bɛr, ɛ́ a bɛ maalʋ-ziir na tɛr'ɩ dɛwr.

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Mise 6:15

Nyɩ na mɩ́ bʋ̀r'a, ɛ́ kʋ̃ cɛ ɩ. Nyɩ na mɩ́ tɔ n a olivʋ tɩ-wɔmɛ kãá, ɛ́ kʋ̃ zɛ a kãá ɩ. Nyɩ na mɩ́ nɛb'ɩ a divɛ̃ tɩ-wɔmɛ, ɛ́ kʋ̃ nyũ a divɛ̃ ɩ.

Sofoni 1:9

A ʋlɩ bibir nɛ a, ɩ̃ na dɔwr'ɩ a bɛlɩ dem na mɩ́ vár gãw a Ŋmɩn-yir-kpɛ̃ɛ dɩ̃dɔr mɛ̃ a tɩbɛ dem a, a bɛlɩ dem za na mɩ́ paalɩ a bɛ nɩ-kpɛ̃ɛ yir nɩ na-bome bɛ na ɩ nyãnyu-ɩb nɩ po-to-fãw-ɩb páw a.

Wulu-ayi-sob 28:30

A nyɩ kãw wa ƴãw nɩ powle yúor a, nɩ-yũo n'ʋ na gã nɩ ʋ. A kãw wa ŋmãa yir a, ʋ kʋ̃ kpɛ ʋ ɛ. Kãw wa sɛl divɛ̃ tɩɩr púo a, ʋ kʋ̃ pɔr a divɛ̃ tɩɩr wɔ̃-dan ɛ.

Wulu-ayi-sob 28:39

Nyɩ na mɩ́ sɛl'ɩ divɛ̃ tɩɩr, kaa a vla, ɛ́ kʋ̃ nyũ divɛ̃ ɩ. Nyɩ kʋ̃ mɩ́ pɔr a wɔmɛ mɩ̀ ɛ, bʋ̃ʋ n'ʋ vɛ̃, a zãzule na mɩ́ dɩ n a za.

Wulu-ayi-sob 28:51

Bɛ na de nɩ a nyɩ dʋn nɩ a nyɩ bʋ̃-kʋ́ɔrɩ, ɛ́ a nyɩɩm kpi kɔ̃. Bɛ bɛ bɛrɛ ble, divɛ̃, kãá nɩ a nyɩ nĩi, píir nɩ bʋʋr bili kʋ̀rɛ nyɩ ɛ, ɛ́ nyɩ na tɛr'ɩ lɛɛɛ tɩ kpi baarɩ.