Sofoni 1:10 - A SƐB-SÕW

¹⁰ A Sore yere na, a ʋlɩ bibir nɛ, a Zerizalɛm a, bɛ na wõ n cɛlsɩ a Zʋ́mɛ́ dɩ̃dɔrɩ́, ùoru na ùore nɩ a Tẽ-kpɛ̃ɛ-paala pʋɔ ɛ́ a tãli ɩ gɔmɛ tɛwr.

Sofoni 1:10 ပူးပေါင်းရင်းမြစ်များ

2 Samɩɛl 5:7

Ɛcɛ a Daviir tɩ zɛb'a de a Sɩyɔ̃ zɛbr-yir-kpɛ̃w bɛ na wa bʋɔlɛ a pùorí kɛ́ «Daviir Tẽ-kpɛ̃ɛ» a.

2 Samɩɛl 5:9

A Daviir tɩ zɩ̃ n a zɛbr-yir-kpɛ̃w pʋɔ, ɛ́ por ʋ kɛ́: “Daviir Tẽ-kpɛ̃ɛ”. Al pùorí, ʋ tɩ ƴãw na bɛ mɛ dacĩ-bɛrɛ a mɩnɛ, na mɩ́ piw a tẽw tɛr a, yi n a gar ʋl bɛ na bʋɔlɛ Milo a, tɩ sãá nɩ a ʋ kpɛb zie.

2 Na-mɩnɛ 22:14

A lɛ n'a a bàwr-maal-kara Hɩlkɩahu, a Ahikam, a Akɩbɔɔr, a Safan nɩ a Asaya tɩ cen a pɔw-naaŋmɩn-ƴɛ̀r-manɛ Hulida na tɩ kpɩɛr a Zerizalɛm Lowr-Paala pʋɔ a zie. A ʋ sɩr Salum, na ɩ Tikɩwa bidɛb, ɛ́ ɩ Harasɩ yãw a, tɩ n'ɩ a Ŋmɩn-yir-kpɛ̃ɛ kpar-son kaarɛ. A nɩbɛ bɛ ŋa tɩ manɩ nɩ a yel kʋ̀ a pɔw-naaŋmɩn-ƴɛ̀r-manɛ.

2 Bibie za yel-manɩ 3:1

A Salomɔ̃ tɩ tĩ nɩ a Sore Ŋmɩn-yir-kpɛ̃ɛ ŋmãafʋ a Zerizalɛm, a Moriya tãw zu, a be a Sore na tɩ ɩ a ʋ sãà Daviir nyɛ̃ ʋ a. A Daviir tɩ cɔbr'ɩ a zie a Ɔrnan na ɩ Zebi bʋʋrɛ a ble vab gbãgbalá.

2 Bibie za yel-manɩ 32:22

À ŋá n'a a Sore faa a Ezekɩasɩ nɩ a Zerizalɛm nɩbɛ a Asiiri tẽw nãà Senakerib nuru pʋɔ nɩ a bɛ dɔ̃ dem za nuru pʋɔ, ɛ́ kʋ̀ bɛ a ƴã-ɓaarʋ a ziir za.

2 Bibie za yel-manɩ 33:14

A yele á ŋá pùorí, a Manase tɩ yi na zaa a «Daviir Tẽ-kpɛ̃ɛ» pʋɔ tɩ mɛ dacin na kɛrɩ yaga yaga a. Ʋ tɩ tu na tɔl a Gihon bule mʋ̃tɔ̃w-kpɛb-lowr ɛ́ lanɩ a Sedrɔ̃ bà-fʋɔla tɩ ŋmãa jil a Ofɛl, ɛ́ ta a Zʋ́mɛ́ dɩ̃dɔrɩ́. Ʋ mɩ̀ tɩ ƴãw nɩ sojarɩ nɩ-bɛrɛ a Zuda tẽ-kpɛn kpɛn za pʋɔ.

2 Bibie za yel-manɩ 34:22

Lɛ n'a a Hɩlkɩahu nɩ a bɛl a nãà na tɩ kaa ír a tɩ cen a pɔw-naaŋmɩn-ƴɛ̀r-manɛ Hulida na tɩ kpɩɛr a Zerizalɛm tẽli-paala pʋɔ a zie. A ʋ sɩr Salum na ɩ Tokatɩ bidɛb, ɛ́ ɩ Hasira yãw a tɩ n'ɩ a Ŋmɩn-yir-kpɛ̃ɛ kpar-son kaarɛ. A nɩbɛ bɛ ŋa tɩ manɩ nɩ a yel kʋ̀ a pɔw-naaŋmɩn-ƴɛ̀r-manɛ.

Neemi 12:39

Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

Neemi 3:3

Ha-Senaa tẽw dem nɛbɛ tɩ lɛb mɛ a Zʋ́mɛ́ dɩ̃dɔr. Bɛ na tɩ bɛ a dɩ̃dɔr zawle baar'a, bɛ ƴãw nɩ a dɩ̃dɔr pamɛ, nɩ a ʋ dà-jɩ̀rɩ́ nɩ a ʋ bʋ̃-kparɩ.

Ɩzayi 59:11

Tɩ za, tɩ 'hʋ̃ʋnɛ na mɛ̃ wɛ-baar a, tɩ kone nɩ kʋralɛ mɛ̃ naŋmamɛ a. Tɩ tɩ tɩɛrɛ na k'aa Naaŋmɩn na ɩ n ɩb kãw, ɛcɛ zawla! Tɩ tɩ gùre nɩ a faafʋ, ɛcɛ ʋ zãá nɩ tɩ na!

Zeremi 39:2

A Sedesɩasɩ naalʋ-dɩb yome pie nɩ been sob, a cuwr piwaɩ sob daar a, a Babɩlɔn tẽw dem tɩ ŋmɛ n a tẽ-kpɛ̃ɛ dacin puo.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Sofoni 1:15

A bibir ŋa na ɩ n suur bibir, kpɩɛrʋ nɩ pʋl-vʋ̃ɔ bibir, da-lɔbrʋ nɩ sãw-bɛrʋ bibir. Ʋ na ɩ n lige, liw-varkpara bibir, zũzuwe nɩ ulu bibir.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.