A Yielu za pʋɔ yiel-vla vla 8:5 - A SƐB-SÕW

⁵ Ãa n'ɩ a pɔw ŋa na yi a wɛja-kpalɛ pʋɔ waar, ʋlɛ nɩ a ʋ nɩ-nɔna weri taa a? Ɩ̃ sɩ̃wnɛ fʋ nɩ a mãdɩragɔɔr tɩɛ pile, a be a fʋ mã na ŋmãa a fʋ sɩɛ a, a be ʋ na dɔw fʋ a.

A Yielu za pʋɔ yiel-vla vla 8:5 ပူးပေါင်းရင်းမြစ်များ

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Sɛb-sõw yielu 63:8

fʋ wa na wa sõw mɛ̃. Ɩ̃ ŋmɩɛr'ɩ nʋ̃ɔ̀ cɛlsɩ a fʋ pɩgɛ ɓaarʋ́.

Sɛb-sõw yielu 63:9

Ɩ̃ tu b'a nɩ ɩ̃ pʋɔ za, ɛ́ a fʋ dʋrʋ nũu tɩɛ mɛ̃ tɛr.

A Yielu za pʋɔ yiel-vla vla 2:3

Mɛ̃ tɩ-wɔna na be tuw pʋɔ a, lɛ n'a a ɩ̃ nɩ-nɔna ŋmɛ̃ a pɔ́lɛ́ sɔgɔ! Ɩ̃ nɔnɛ nɩ a ʋ ɓaarʋ́ zɩma, ɛ́ a ʋ wɔmɛ nʋmɛ a ɩ̃ nʋɔrɩ́.

A Yielu za pʋɔ yiel-vla vla 3:11

«Zerizalɛm pɔwsɩrali i, nyɩ wa nyɛ̃ a nãà Salomɔ̃ a! Ʋ vɔbl'ɩ a kul-taa dɛpaal-kpawʋɔ a ʋ mã na tɩ kʋ̀ ʋ a ʋlɩ bibir a ʋ socir za na tɩ paalɩ a nʋ̃ɔ̀ a.»

A Yielu za pʋɔ yiel-vla vla 3:4

Ɩ̃ tɩ zuo bɛ na bɛr wa baarɩ, ɛ́ nyɛ̃ a sob nɛ ɩ̃ na nɔnɛ a. Ɩ̃ nyɔw ʋ nɩ a nũu, ɛ́ kʋ̃ lɛb bɛr ʋ ɛ, ɛ́ gù ɩ̃ tɩ kpɛ n ʋ a yir, a di-gana ʋl pʋɔ a ɩ̃ mã na ŋmãa a ɩ̃ sɩɛ a.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

A Yielu za pʋɔ yiel-vla vla 4:8

Ɩ̃ ƴãw-nɩ-yúor i, yi n mɛ̃ a Libã tẽw wa, yi n mɛ̃ a Libã tẽw wa. Yi a Amana, a Seniir nɩ a Hɛrmɔ̃ tan zu siw. Zɔ zãá nɩ a gben gaa ziir á ŋá, a nyoru tan á ŋá.

A Yielu za pʋɔ yiel-vla vla 6:10

«Ãa n'ɩ a pɔw ŋa na sãá mɛ̃ zi-wɛl-paala a? Ʋ pɔ̀l'a mɛ̃ cuw a, ɛ́ nyɩwrɛ mɛ̃ mʋ̃tɔ̃w a, ɛ́ bɛ tɛr dɩ̃ɛnʋ mɛ̃ sojarɩ na be zɛbr zie a ɩ.»

A Yielu za pʋɔ yiel-vla vla 8:1

Bʋ̃ʋ pãa ɩ fʋ bɛ ɩ a ɩ̃ yɛ-dɛb, na ƴɛnɩ a ɩ̃ mã bɩr a! Ɩ̃ nãá mɩ́ tuori fʋ nɩ a yẽw nyɔw fʋ weri, ɛ́ a nɩbɛ k'ʋʋ mɩ́ yere mɛ̃ ɩ.

Ɩzayi 36:6

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za na mɩ́ yel k'ʋʋ nyɔw ʋ kɛ́ àr a nũu a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem na mɩ́ ƴãw a bɛ tɩɛrʋ a ʋ ƴãw a zie!

Ɩzayi 40:3

Kɔkɔr kãw cɩɩrɛ na yere: «Nyɩ puo sɔ́r a wɛja-kpalɛ pʋɔ a Sore ƴãw. Nyɩ maalɩ sɔ́r a zi-kõw ŋa pʋɔ ʋ vɩɛl a tɩ Naaŋmɩn ƴãw.

Ɩzayi 43:19

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

A naaŋmɩn-ƴèr-manɛ Oze sɛbɛ 12:4

Ʋ tɩ cãà nɩ a ʋ mã púorí, ɛ́ de a nɩ-kpɛ̃ɛnʋ a ʋ yɛb zie. Ɛ́ ʋ na wa ta nɩr a, ʋ tɩ mɔ̃ nɩ nɩ a Naaŋmɩn.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Zã 13:23

A po-tuure ƴen sob, a ʋl a Yeezu na tɩ nɔnɛ a, tɩ zɩ̃ na kɔw a Yeezu.

Ʋrɔm 7:4

Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a.

Galasi 4:19

Ɩ̃ bibiir i, ɩ̃ lɛb'a wone tuo a nyɩ ƴãw mɛ̃ pɔw na dɔwr a, ɛ́ gù k'aa wa ɩ cãà k'aa Kɩrɩta be n a nyɩ sɔgɔ.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

Yel-wula 12:6

A pɔw ʋl a, ʋ tɩ zɔ na kpɛ a wɛja-kpalɛ pʋɔ, a be Naaŋmɩn na tɩ cɔbrɩ zie bɛr ʋ, bɛ na tɩ guol'ʋ bibie túr'ɩ kɔbr ayi dɔwlɩ lɩz'a ata a (1 260).