A Yielu za pʋɔ yiel-vla vla 6:10 - A SƐB-SÕW

¹⁰ «Ãa n'ɩ a pɔw ŋa na sãá mɛ̃ zi-wɛl-paala a? Ʋ pɔ̀l'a mɛ̃ cuw a, ɛ́ nyɩwrɛ mɛ̃ mʋ̃tɔ̃w a, ɛ́ bɛ tɛr dɩ̃ɛnʋ mɛ̃ sojarɩ na be zɛbr zie a ɩ.»

A Yielu za pʋɔ yiel-vla vla 6:10 ပူးပေါင်းရင်းမြစ်များ

2 Samɩɛl 23:4

ŋmɛ̃ na mɛ̃ mʋ̃tɔ̃w na pur caalɩ biɓaara salom na bɛ tɛr zũzuge a. A saa wa wa yʋɔ a, a mʋ̃tɔ̃w tʋlʋ mɩ́ ɩ na a mɔ̃-ɓaar bul yi pàw a tẽw.»

A Zɔb sɛbɛ 11:17

A fʋ nyɔ-vʋʋrʋ na ɩ na mɛ̃ a mʋ̃tɔ̃-tuo cãà a, a ʋ lige na lɩɛb'ɩ zi-wɛl-paala.

A Zɔb sɛbɛ 31:26

Mãa wa nyɛ̃ a mʋ̃tɔ̃w na nyɩwrɛ ʋ za nɩ a cuw ʋ pure waar nɩ dɛpaalʋ,

Sɛb-sõw yielu 14:5

Bɛlɛ n'ɩ bɛ ŋan pʋl-vʋ̃ɔ nyɔw, bʋ̃ʋ n'ʋ vɛ̃, Naaŋmɩn be n a nɩ-mɩn lowr.

Zʋkpaɩ 4:18

A nɩ-mɩn nyɔ-vʋʋrʋ nɩ̃ɛ na ɩ mɛ̃ zi-wɛl-paala cãà na mɩ́ dɔwlɛ cere tɩ ta a mʋ̃tɔ̃-tuo a.

A Yielu za pʋɔ yiel-vla vla 1:15

Nyɛ̃ fʋ na pɔl a, ɩ̃ sɛn ɩ, nyɛ̃ fʋ na pɔl a! A fʋ mimie vɩɛl'a mɛ̃ naŋmamɛ a.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

A Yielu za pʋɔ yiel-vla vla 6:4

Ɩ̃ sɛn ɩ, fʋ pɔ̀l'a mɛ̃ Tɩrsa tẽ-kpɛ̃ɛ a, fʋ vɩɛl'a mɛ̃ a Zerizalɛm a, fʋ bɛ tɛr dɩ̃ɛnʋ mɛ̃ sojarɩ na be zɛbr zie a ɩ.

A Yielu za pʋɔ yiel-vla vla 8:5

Ãa n'ɩ a pɔw ŋa na yi a wɛja-kpalɛ pʋɔ waar, ʋlɛ nɩ a ʋ nɩ-nɔna weri taa a? Ɩ̃ sɩ̃wnɛ fʋ nɩ a mãdɩragɔɔr tɩɛ pile, a be a fʋ mã na ŋmãa a fʋ sɩɛ a, a be ʋ na dɔw fʋ a.

Ɩzayi 58:8

Lɛ n'a a fʋ cãà na pur caalɩ mɛ̃ a zi-wɛl-paala a, ɛ́ a fʋ natɩr ɓãa fɔ̃w. A fʋ mɩnʋ na de fʋ nɩ niwn, ɛ́ a Sore yúor-vɩɛlʋ-danʋ pàw a fʋ pùor.

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

A naaŋmɩn-ƴèr-manɛ Oze sɛbɛ 6:5

Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

Matie 13:43

Lɛ n'a a nɩ-mɩn na nyɩwrɛ mɛ̃ mʋ̃tɔ̃w a, a bɛ Sãà Naaŋmɩn Naalʋ pʋɔ. Sob nɛ na tɛr tobe a, ʋ bɛrɛ wone.»

Matie 17:2

Ʋ tɩ lɩɛb'ɩ nɩ-yũo a bɛ niŋé: a ʋ niwn tɩ nyɩwrɛ na mɛ̃ mʋ̃tɔ̃w a, ɛ́ a ʋ bʋ̃-suuri pɛlɩ mɛ̃ cãà a.

Ʋrɔm 8:37

Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

Efɛɛzɩ 5:27

Ʋ tɩ bɔbr'a kɛ́ a Lãw-yir àr a ʋ niŋé vɩɛl nyɩwrɛ, ɛ́ ta tɛr dɛwr ɛ, ta vár ƴã-gan ɛ, ta tɛr faalʋ za ɩ. Ʋ tɩ bɔbr'a k'aa Lãw-yir ɩ sõw ɛ́ ta tɛr sãwna nɩr yere ɩ.

Yel-wula 1:16

Ŋmar-bie ayopõi tɩ be n a ʋ dʋrʋ nũú, ɛ́ zɛbr-sɔ-kpɛ̃ɛ na dɩrɛ a loge a za ayi ɛ́ a nʋɔr ɩ ɓɩlɓɩl a yire a ʋ nʋɔrɩ́. A ʋ niwn tɩ nyɩwrɛ na mɛ̃ mʋ̃tɔ̃w na pur ʋ za a.

Yel-wula 10:1

Al pùorí, ɩ̃ tɩ nyɛ̃ nɩ malkɩ na kpɛmɛ a, ʋ yi a salom zu siwr. Zũzuwr tɩ pili na pàw ʋ, ɛ́ sa-gõguo be a ʋ zũú mɛ̃ nãà-kpawʋɔ a. A ʋ niwn tɩ ɩ na mɛ̃ mʋ̃tɔ̃w a, ɛ́ a gbɛ́ɛ ɩ mɛ̃ vũu kpule a.

Yel-wula 12:1

Bãwfʋ kpɛ̃ɛ kãw tɩ sãá nɩ a salom zu: pɔw na su a mʋ̃tɔ̃w mɛ̃ kparʋ a, a gbɛ́ɛ dɔwlɩ a cuw zu, ɛ́ ŋmar-bie pie nɩ ayi viiri koli a zu mɛ̃ nãà-kpawʋɔ a.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 22:16

«A mãa Yeezu, ɩ̃ tõ n a ɩ̃ malkɩ k'ʋʋ wa dɩ a yele á ŋá dãsɩɛ a nyɩ zie a Lãw-yie ƴãw. Mãa n'ɩ a Daviir bie nɩ a ʋ bʋʋrɛ, a zi-vɩɛ-ŋmara na nyɩwrɛ a.»

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.