A Yielu za pʋɔ yiel-vla vla 4:14 - A SƐB-SÕW

¹⁴ a náàr nɩ a safʋrã, a loriye nɩ a kanɛl, a tɩ-suur-zɔ̃-na-nyùur-vla-vla-a tɩɩr za, a mɩ́ɩ̀r nɩ a alowɛsɩ, lãwnɩ a parfɛ̃ na nyùur vla zuo a za a.

A Yielu za pʋɔ yiel-vla vla 4:14 ပူးပေါင်းရင်းမြစ်များ

Yele-za-pɛr-tib 43:11

A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum, pɩsɩtasɩ nɩ amãdɩ.

1 Na-mɩnɛ 10:10

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, kãá-nyuure na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ kãá-nyuure a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

2 Bibie za yel-manɩ 9:9

Al pùorí, a Saba tẽw pɔw-nãà tɩ kʋ̀ n a nãà Salomɔ̃ salm-zɩɛ tɔn ata nɩ ŋmãa, parfɛ̃ na yãwmɛ yaga a, de nɩ kʋsɛ-bi-nyɩlɩ vɩɛlɩ vɩɛlɩ. Nɩr bɛ lɛb dãw nyɛ̃ parfɛ̃ a kpɛ a Ɩsɩrayɛl tẽw pʋɔ man a al a Saba tẽw pɔw-nãà na tɩ kʋ̀ a nãà Salomɔ̃ a ɩ.

Sɛb-sõw yielu 45:8

Fʋ nɔnɛ nɩ a yel-na-tu-sɔr-a, ɛ́ hɩ̃ɛn a faalʋ. Alɛ n'a so a Naaŋmɩn, a fʋ Naaŋmɩn, cir a pʋ-pɩɛlʋ kãá ƴãw fʋ a zũú, kaa ír fʋ ɛ́ bɛr a fʋ taabɛ.

Eziptɩ tẽw yib 30:23

«Bɔ parfɛ̃ na vɩɛl vɩɛl a: mɩ́ɩ̀r-kʋ̃ɔ kilo anũu, sɩnamɔm na nyùur vla a kilo ayi nɩ ŋmãa, kanɛl na nyùur vla a kilo ayi nɩ ŋmãa,

Zʋkpaɩ 7:17

Ɩ̃ ŋmɛ n mɩ́ɩ̀r parfɛ̃ na nyùur vla vla a ƴãw a ɩ̃ bʋ̃-gana zu.

A Yielu za pʋɔ yiel-vla vla 1:12

A ɩ̃ nãà na mɩ́ dɩrɛ a, a ɩ̃ náàr parfɛ̃ nyũu mɩ́ nyu na pàw a zie.

A Yielu za pʋɔ yiel-vla vla 3:6

Ãa n'ʋ yi a wɛja-kpalɛ pʋɔ dúor waar mɛ̃ zʋ̀ʋ́r na ŋmɛlɛ dúor, ɛ́ nyùur mɩ́ɩ̀r parfɛ̃ nɩ tɩ-suur-zɔ̃-na-nyùur-vla-vla-a, nɩ parfɛ̃ bʋʋrɛ za na yi tẽ-yoru wa a?

A Yielu za pʋɔ yiel-vla vla 4:6

A zaanɔ-ɓaar, a ɓaarʋ wa lɩɛbɩ a, ɩ̃ na cen nɩ a fʋ mɩ́ɩ̀r tã-kpɛ̃ɛ zu, nɩ a fʋ tɩ-suur-zɔ̃-na-nyùur-vla-vla-a tãle zu.

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

A Yielu za pʋɔ yiel-vla vla 6:2

A ɩ̃ nɩ-nɔna siw nɩ a ʋ zaadɛ̃ pʋɔ, a mɔ̃-puuru na nyùur vla a lowr. Be n'a ʋ páwr a ʋ dɩb ɛ́ ŋmarɛ lisɩ puuru.

Ezekɩɛl 27:19

A Dan nɩ Yavan dɔwlʋ nɩbɛ na tɩ be a Uzal tẽ-kpɛ̃ɛ pʋɔ a mɩ́ tɩ ya n a alɩ bome nɛ a na fɛr kɛ́ bɛ kʋ̀ b a nɩ kure bɛ na zuw ír a, kanɛl tɩ-pɛgɛ zɔ̃ nɩ bàa-kɛkɛɛ na nyùur vla vla a.

Sɔr-nɛ́ɛ 24:6

A wɩɛr'a tɩ cere mɛ̃ fʋɔlɩ kʋ̃ɔ na darɛ taa a, mɛ̃ zaadɛnɩ na be man nʋɔr a, mɛ̃ alowɛsɩ bɩɩ sɛɛdɩr tɩɩr a Sore na sɛl bàa nʋɔr a.

Markɩ 16:1

A pɩ̃ɛnʋ-bibir na wa tɔl a, a Madala tẽw Marya, nɩ a Zakɩ mã Marya, nɩ a Salume, tɩ da n kãa-nyuure cen nɩ kɛ́ bɛ tɩ zɛ a Yeezu ƴã-gan.

Zã 19:39

Nikodem mɩ̀ tɩ wa na, ʋlɛ nɩ a Yeezu na tɩ nyɛ̃ taa tɩ̃ɩsɔw kãw a. Ʋ tɩ tɛr'ɩ mɩ́ɩ̀r kãa-nyũu bɛ na dʋw nɩ alowɛsɩ váar a, ta mɛ̃ kilo lɩzɛr'ɩ pie a, wa n.

Yel-wula 18:13

tɩɛ kãw bɛ na bʋɔlɛ kɛ́ kanɛl a pɛgɛ nɩ a bʋ̃-dɩ-mɩɩla bʋʋrɛ a mɩnɛ, parfɛ̃, mɩ́ɩ̀r nɩ tɩ-suur-zɔ̃-na-nyùur-vla-vla-a, divɛ̃, kãá, zɔ̃ nɩ ble, nĩi nɩ píir, wie nɩ wie torkori, gbãgbaar nɩ nɩ-pàwrɩ.