A Yielu za pʋɔ yiel-vla vla 4:12 - A SƐB-SÕW

¹² Fʋ ɩ n a ɩ̃ yõ zaadɛ̃, ɩ̃ yeepuule e, ɩ̃ ƴãw-nɩ-yúor i, a bul-nʋɔr ɩ̃ na so a, a mãa yõ bule.

A Yielu za pʋɔ yiel-vla vla 4:12 ပူးပေါင်းရင်းမြစ်များ

Yele-za-pɛr-tib 29:3

A dʋn za na mɩ́ wa ɓã taa baar'a, bɛ mɩ́ bili nɩ a kʋsɩɛr bɛr, ɛ́ ƴãw a dʋn a nyũ, ɛ́ bɛ lɛb bili a kʋsɩɛr pàw a bule nʋɔr.

A Yielu za pʋɔ yiel-vla vla 4:9

Fʋ mɩ́ ɩ na ɩ̃ bol, ɩ̃ yeepuule e, ɩ̃ ƴãw-nɩ-yúor i, fʋ mɩ́ ɩ na ɩ̃ bol nɩ a jɩ́rʋ fʋ na jɩ́r mɛ̃ gb'a been a, nɩ a fʋ kɔkɔrɩ́ lɛw-bir-been.

A Yielu za pʋɔ yiel-vla vla 6:11

Ɩ̃ siwr'ɩ a tɩ-wɔnɩ zaadɛ̃ pʋɔ k'ɩ̃ɩ tɩ jɩ́r a fʋɔla pʋɔ tɩ-pɔlɛ kaa, k'ɩ̃ɩ tɩ nyɛ̃, a divɛ̃ tɩɩr pùre na bɩɩ? A girenadɩ tɩɩr pu na bɩɩ?

A Yielu za pʋɔ yiel-vla vla 6:2

A ɩ̃ nɩ-nɔna siw nɩ a ʋ zaadɛ̃ pʋɔ, a mɔ̃-puuru na nyùur vla a lowr. Be n'a ʋ páwr a ʋ dɩb ɛ́ ŋmarɛ lisɩ puuru.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

1 Korɛ̃tɩ 7:34

lɛ n'a a ʋ tɩɛrʋ dɛ mɩ́ põ. Lɛ mɩ̀ n'a, pɔw na bɛ kul sɩr a, bɩɩ a pɔwsɩrale a, a Sore yele tɩɛrʋ n'a ʋ mɩ́ tɛr. Ʋ mɩ́ bɔbr'a k'aa Sore so ʋ, a ʋ ƴã-gan pʋɔ nɩ a ʋ tɩɛrʋ pʋɔ. Ɛcɛ a pɔw na kul sɩr a, a tẽ-daa zu yele tɩɛrʋ n'a mɩ́ be a ʋ zie: ʋ mɩ́ bɔbr'a k'ʋʋ ɩrɛ a nʋmɛ a ʋ sɩr zie.

2 Korɛ̃tɩ 1:22

ʋl na ŋmãa a ʋ bãwfʋ ƴãw tɩ, ɛ́ ƴãw a Vʋʋrʋ Sõw a tɩ socie pʋɔ, ʋ ɩ a maalʋ tɩ nãà páw a bãwfʋ a.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.

Yel-wula 7:3

«Nyɩ taa sãwnɛ a tẽw, a kʋ̃ɔ-kpɛ̃ɛ nɩ a tɩɩr ɛ, ɛ́ gù tɩ wa tɩ ƴãw a bãwfʋ a tɩ Naaŋmɩn tõ-tõ-biir gbẽé baarɩ.»