A Yielu za pʋɔ yiel-vla vla 3:3 - A SƐB-SÕW

³ Ɩ̃ tuor'ɩ a zi-gùrbɛ na cɔlɛ a tẽ-kpɛ̃ɛ a. Ɩ̃ sowri bɛ na: «Nyɩ nyɛ̃ nɩ a sob nɛ ɩ̃ na nɔnɛ a?»

A Yielu za pʋɔ yiel-vla vla 3:3 ပူးပေါင်းရင်းမြစ်များ

A Yielu za pʋɔ yiel-vla vla 1:7

Fʋ̃ʋ ɩ̃ na nɔnɛ a, yel kʋ̀ m, nyɩnɛ n'a fʋ mɩ́ àr'ɩ a fʋ dʋn? Nyɩnɛ n'a fʋ mɩ́ dùo a a mʋ̃tɔ̃-tuo? A lɛ pʋɔ a, ɩ̃ kʋ̃ ɩ mɛ̃ ɩ̃ zɔrɛ na cɔlɛ a ziir za, a fʋ taabɛ dʋn zie ɩ.

A Yielu za pʋɔ yiel-vla vla 5:7

Ɩ̃ tuor'ɩ a tẽ-kpɛ̃ɛ gùrbɛ. Bɛ cɔlɛ na piwre a dacĩ-bɛrɛ na piw a tẽw a. Bɛ pɔb mɛ̃ na ƴãw mɛ̃ bàalʋ, bɛ faa nɩ a gãw ɩ̃ na páw a bawŋmamɛ a.

Ɩzayi 56:10

A Ɩsɩrayɛl gùrbɛ ɩ n zɔn bɛ za, bɛ bɛ mɩ́ bãwnɩ bom za ɩ. Bà-gbili nɛbɛ, na kʋ̃ tʋ̃ɔ́ wowri a. Bɛ mɩ́ gã gã na ɛ́ a bɛ tɩɛrʋ yaarɛ, bɛ nɔnɛ nɩ gʋ̃ɔ.

Ɩzayi 62:6

Zerizalɛm i, a fʋ dacĩ-bɛrɛ zu a, ɩ̃ ƴãw nɩ zi-gùrbɛ. Bɛ bɛ be za na ɩ gbili a mʋ̃tɔ̃w nɩ a tɩ̃ɩsɔw ɛ. «Nyɩɩm na lɛb sɩ̃wnɛ a Sore tɩɛrʋ a Zerizalɛm ƴãw a, pɩ̃ɛnʋ bɛ ka a nyɩ zie ɩ!

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Zã 20:15

A Yeezu tɩ sowr'ʋ na: «Pɔw i, bʋ̃ʋ n'ʋ tɛr fʋ fʋ kone? Ãa n'ʋ fʋ bɔbr?» Ɛcɛ a Marya ʋl tɩ manɛ kɛ́ a zaadɛ̃-gùre n'ʋ ɛ́ yel ʋ: «Sore e, fʋ̃ʋ wa n'ʋ de ʋ a, fʋ̃ʋ wul mɛ̃ a be fʋ na ƴãw ʋ a, ɩ̃ɩ na cen na tɩ ɓáw ʋ!»

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.