A Yielu za pʋɔ yiel-vla vla 1:4 - A SƐB-SÕW

⁴ Nyɔw mɛ̃ nũú, vɩrɛ mɛ̃ tɩ lãw zɔrɛ. Ɩ̃ nãà a, tɛr mɛ̃ kpɛ n a fʋ di-gana pʋɔ. Ɩ kɛ̀ nʋ̃ɔ̀ nɩ cɩlʋ tɛr tɩ za ayi yaga za. Tɩ yiele a fʋ gbaalʋ na nʋmɛ zuo divɛ̃ a. A pɔwsɩrali tɛr'ɩ yel-mɩŋa bɛ na kpiir lore a fʋ ƴãw a.

A Yielu za pʋɔ yiel-vla vla 1:4 ပူးပေါင်းရင်းမြစ်များ

Sɛb-sõw yielu 111:4

Ʋ bɔbr'a kɛ́ bɛ mɩ́ tɛr a ʋ nɔ-ɓãa-yele tɩɛrʋ. A Sore ɩ n su-ɓaarʋ sob nɩ nɩbaal-zɔrɛ.

Sɛb-sõw yielu 119:32

A fʋ nɛ-ƴãwnɩ sɔ́r zu n'a ɩ̃ zɔrɛ, fʋ na ɩ a ɩ̃ yã ʋ yuo a ƴãw.

Sɛb-sõw yielu 119:60

Ɩ̃ bɛ lɛb gùre bom ɛ, ɛ́ páwr a fʋ nɛ-ƴãwnɩ sàwfʋ ƴãw.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 48:9

A lɛ tɩ na tɩ wõ bɛ yel a, tɩ nyɛ̃ ʋ nɩ a Sore Kpɛnʋ-za-sob tẽw pʋɔ, a tɩ Naaŋmɩn tẽ-kpɛ̃ɛ pʋɔ. Naaŋmɩn na ɩ na k'ʋ kpɛmɛ àr kʋralɛ. Tɛw-àrʋ

Sɛb-sõw yielu 63:5

Ɩ̃ na puore fʋ nɩ yãanɩ a ɩ̃ cãafʋ daar za, ɛ́ bɛlɛ wa por a fʋ yúor a, ɩ̃ na mɩ́ zɛw nɩ a nuru.

A Yielu za pʋɔ yiel-vla vla 3:4

Ɩ̃ tɩ zuo bɛ na bɛr wa baarɩ, ɛ́ nyɛ̃ a sob nɛ ɩ̃ na nɔnɛ a. Ɩ̃ nyɔw ʋ nɩ a nũu, ɛ́ kʋ̃ lɛb bɛr ʋ ɛ, ɛ́ gù ɩ̃ tɩ kpɛ n ʋ a yir, a di-gana ʋl pʋɔ a ɩ̃ mã na ŋmãa a ɩ̃ sɩɛ a.

A Yielu za pʋɔ yiel-vla vla 4:10

Ɩ̃ yeepuule e, ɩ̃ ƴãw-nɩ-yúor i, nyɛ̃ a fʋ nɔ̃wfʋ na vɩɛl a! A fʋ nɔ̃wfʋ nʋmɛ na zuo divɛ̃! A fʋ parfɛ̃ nyũu ɩrɛ nɩ nʋ̃ɔ̀ zuo a parfɛ̃-vɩɛlɩ vɩɛlɩ za.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 45:25

Ɛcɛ a mãa zũú a, a Ɩsɩrayɛl bʋʋrɛ za na páw nɩ a mɩnʋ danɛ nɩ bɛ tʋɔra.

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Ɩzayi 63:7

Ɩ̃ na lɛb'a sɩ̃w a Sore ɩ-vɩɛlɩ tɩɛrʋ, a alɩ bome nɛ na n'a so tɩ danɛ ʋ a: a alɩ bome nɛ za a Sore na ɩ a tɩ ƴãw a, a ʋ nɔ̃wfʋ na ɩ kpɛ̃ɛ a Ɩsɩrayɛl nɩbɛ ƴãw a, a alɩ bome nɛ za ʋ na ɩ a ʋ nɔ̃wfʋ zũú a, nɩ a ʋ ɩ-vɩɛlɩ na bɛ tɛr vuo a.

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

A naaŋmɩn-ƴèr-manɛ Oze sɛbɛ 11:4

Ɩ̃ tɩ kaarɛ nɩ ʋ zie nɩ nɩsaalʋ, ɩ̃ na tɩ nɔnɛ ʋ a ƴãw. A ʋ zie a, ɩ̃ tɩ ɩ na mɛ̃ mã na ɓáw bi-pɩɩla dɔwlɩ nyãa zu mɔwrɛ a ʋ kɔ́r a. Ɩ̃ mɩ́ tɩ gũu na cɔw ʋ ɛ́ kʋ̀rɛ ʋ a bʋ̃-dɩrɩ.

Sofoni 3:14

Sɩyɔ̃ tẽw i, lɔbr nʋ̃ɔ̀ cɛlsɩ! Ɩsɩrayɛl nɩbɛ ɛ, nyɩ cáarɛ! Zerizalɛm i, cɩlɛ nɩ fʋ pʋɔ za!

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Matie 25:10

Bɛ na tɩ cere a kãá dab a, a dɛb-sãan tɩ ta na. A bɛl na tɩ cɔbrɩ baarɩ a, páw ʋ na kpɛ a kul-taa cuw dɩb dĩó, ɛ́ bɛ kpa a pan.

Luka 2:10

A malkɩ tɩ yel bɛ na: «Nyɩ ta zɔrɛ dɛ̃bɩ̃ɛ ɩ, yel-vla na na ɩrɛ nʋ̃ɔ̀ a Ɩsɩrayɛl bʋʋrɛ za a n'ʋ ɩ̃ waar k'ɩ̃ɩ wa yel kʋ̀ nyɩ.

Luka 22:19

Al pùorí, ʋ tɩ de nɩ dipɛ̃, puori a Naaŋmɩn yãanɩ, nyɔw ŋma, ɛ́ kʋ̀ bɛ ɛ́ yel: «À ŋà ɩ n a ɩ̃ ƴã-gan ɩ̃ na tɩr a nyɩ ƴãw a. Nyɩ maalɛ à á ŋá lɛb tɩɛrɛ nɩ a ɩ̃ yele.»

Zã 12:32

Ɛ́ a mãa a, bɛlɛ wa bà m a tẽsɔw k'ɩ̃ zɛw do a, ɩ̃ na taw nɩ a nɩsaalbɛ za wa n a ɩ̃ zie.»

Zã 6:44

Nɩr za kʋ̃ tʋ̃ɔ́ wa a ɩ̃ zie, ɛ́ a bɛ ɩ a ɩ̃ Sãà na tõ m a n'ʋ taw ʋ wa n ɛ, ɛ́ a mãa a, ɩ̃ na ɩ na ʋ lɛb yi a kũu pʋɔ a bibi-pɛ-baara wa vɩɛ a.

Efɛɛzɩ 2:6

A Yeezu Kɩrɩta tɩ na lãw nɩ a, ʋl pʋɔ n'a a Naaŋmɩn ɩ tɩ lɛb yi a kũu pʋɔ lãw nɩ ʋ, ʋʋ ɩ tɩ lãwnɩ ʋ zɩ̃ a tẽ-vla pʋɔ.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

1 Pɩɛr 1:8

a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,