Sɛb-sõw yielu 97:2 - A SƐB-SÕW

² Zũzuw-sɛbla pili na pàw ʋ. Mɩnʋ nɩ yel-na-tu-sɔr-a, alɛ n'a ʋ dɩrɛ nɩ a naalʋ.

Sɛb-sõw yielu 97:2 ပူးပေါင်းရင်းမြစ်များ

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

A Zɔb sɛbɛ 23:14

Ʋlɩ bom nɛ ʋ na mɩ́ yel a ɩ̃ ƴãw a, ʋ mɩ́ ɩ ʋ na, mɛ̃ a lɛ ʋ na mɩ́ ɩ a yele al za a ʋ pʋ-tɩɛrʋ na tɩɛrɩ bin a.

A Zɔb sɛbɛ 26:9

Ʋlɛ n'ʋ mɩ́ nyɔw zũzuwr taw pàw a ʋ naalʋ-dà-kɔw.

Sɛb-sõw yielu 77:19

A fʋ saa na mɩ́ tɩ tanɛ wabapapa a, a saa-nyɩwrʋ mɩ́ tɩ caal'ɩ a tẽ-daa, a tẽw damnɛ ɛ́ màwr.

Sɛb-sõw yielu 89:14

A fʋ kpãkpãw kpɛmɛ nɩ yaga, a fʋ nũu kpɛmɛ na, a fʋ dʋrʋ nũu zɛw na.

Sɛb-sõw yielu 89:15

A mɩnʋ nɩ a yel-na-tu-sɔr-a, alɛ n'a fʋ dɩrɛ nɩ a naalʋ. Nɔ̃wfʋ nɩ yel-mɩŋa mɩ́ de b'ɩ niwn.

Sɛb-sõw yielu 99:4

Nãà fãw n'ɩ ʋ na nɔnɛ a yel-na-tu-sɔr-a. Fʋ̃ʋ n'ʋ bin a lɛ a na sɛw k'aa yele tuur a. A yel-na-tu-sɔr nɩ a mɩnʋ a, fʋ̃ʋ n'ʋ ƴãw a a Zakɔb bʋʋrɛ pʋɔ.

Eziptɩ tẽw yib 19:9

Lɛ n'a a Sore tɩ yel a Moyiir: «Ɩ̃ na wa n a fʋ zie zʋ̀ʋr-sɛbla pʋɔ, a nɩbɛ tʋ̃ɔ́ wone ɩ̃ na ƴɛ̀rɛ a fʋ zie a, ɛ́ mɩ̀ mɩ́ sàw de b kʋralɛ.» A Moyiir tɩ lɛb'a yel a lɛ a nɩbɛ na sɔw a kʋ̀ a Sore.

Eziptɩ tẽw yib 20:21

A Ɩsɩrayɛl nɩbɛ tɩ àr'a zãá, ɛ́ a Moyiir taw pɩɛlɩ a zũzuw-sɛbla, a be a Naaŋmɩn na tɩ be a.

Zʋkpaɩ 16:12

A na-mɩnɛ bɛ nɔnɛ a faa maalʋ towtow ɛ. Bʋ̃ʋ n'ʋ vɛ̃, a mɩnʋ pʋɔ n'a a naalʋ-dɩb mɩ́ tɛr fãw.

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Ʋrɔm 11:33

Nyɛ̃ a Naaŋmɩn naalʋ na bɛ vʋʋr a! Nyɛ̃ a ʋ yã-bãwfʋ nɩ a ʋ yele bãwfʋ na zulme a! Nyɛ̃ a ʋ ƴɛ̀rʋ-dɩb na bɛ tɛr bãwfʋ, ɛ́ a ʋ sɛ́ɛ bɛ tɛr bɩ́ɛrʋ a!