Sɛb-sõw yielu 92:3 - A SƐB-SÕW

³ Nyɛ̃ a fʋ nɔ̃wfʋ manʋ a biɓaara, nɩ a fʋ na ŋmɛ̃ fʋ ŋmɛ̃a a manʋ a tɩ̃ɩsɔw na tɛr nʋ̃ɔ̀ a,

Sɛb-sõw yielu 92:3 ပူးပေါင်းရင်းမြစ်များ

1 Bibie za yel-manɩ 13:8

A Daviir nɩ a Ɩsɩrayɛl nɩbɛ za tɩ ƴawr'a nɩ a bɛ fãw za a Naaŋmɩn niŋé, yiele ŋmɩɛr'ɩ korijom, pɛ́nɛ̀, gãgaɩ, sɛ̃sɛgɛ, pɛblɛ nɩ wɩɩr.

1 Bibie za yel-manɩ 15:16

A Daviir tɩ yel'ɩ a levitɩ mɩnɛ nɩ-bɛrɛ kɛ́ bɛ kaa ír a bɛlɩ dem na na ɩ a yiel-yielbɛ a bɛ pʋɔ a. Yielu bʋ̃-ŋmɩɛrɩ á ŋá n'a bɛ na mɩ́ ŋmɩɛr kpɛ̃w kpɛ̃w za wul a bɛ nʋ̃ɔ̀: pɛ̀nɛ́, korijom, sɛ̃sɛgɛ.

1 Bibie za yel-manɩ 23:30

A fɛr'a kɛ́ bɛ mɩ́ be be biɓaarɛ nɩ zaanʋɔrɛ za danɛ a Sore ɛ́ íre a ʋ yúor.

1 Bibie za yel-manɩ 25:6

A nɩbɛ bɛ ŋa za mɩ́ tɩ yiele nɩ a Sore Ŋmɩn-yir-kpɛ̃ɛ pʋɔ, ɛ́ a bɛ sãà de bɛ a niwn. Sɛ̃sɛgɛ, pɛ̀nɛ́ nɩ korijom'a bɛ mɩ́ tɩ tɛr yiele nɩ. A nãà ƴãw tɩ n'a bɛ tone à à ŋá, ɛ́ Asafʋ, Yedutun nɩ Heman de bɛ a niwn.

2 Bibie za yel-manɩ 20:28

Pɛ̀nɛ́, korijom nɩ wɩɩr'a bɛ tɩ pɛblɩ tɩ kpɛ n a Zerizalɛm tɩ ta n a Sore Ŋmɩn-yir-kpɛ̃ɛ́.

2 Bibie za yel-manɩ 23:5

a ziir ayi dem na be n a nãà yir, ɛ́ a ziir ata dem be a Yir-pɛr dɩ̃dɔrɩ́. A nɩbɛ za na be n a Ŋmɩn-yir-kpɛ̃ɛ davʋrɩ pʋɔ.

2 Bibie za yel-manɩ 29:25

A nãà tɩ ƴãw na bɛ ƴãw a levitɩ mɩnɛ a Sore yir-kpɛ̃ɛ pʋɔ, bɛ tɛr sɛ̃sɛgɛ, pɛ̀nɛ́ nɩ korijom, mɛ̃ a lɛ a Daviir nɩ a nãà ƴɛ̀r-manbɛ Gadɩ nɩ Natan na tɩ yel a. A Sore n'ʋ tɩ sɩrɩ ƴãw a ʋ ƴɛ̀r-manbɛ yel a lɛ.

Neemi 12:27

A Zerizalɛm dacĩ-kpɛ̃ɛ na tɩ lɛb mɛ baar'a, bɛ tɩ ƴãw na a levitɩ mɩnɛ yi a ziir al za bɛ na kpɩɛr a, wa a Zerizalɛm. Bɛ tɩ maal'ɩ cuw na ɩrɛ nʋ̃ɔ̀ yaga a, tɛr'ɩ danʋ yielu bɛ na ŋmɩɛr sɛ̃sɛgɛ, korijom, nɩ pɛ̀nɛ́ ƴãwn a.

Sɛb-sõw yielu 149:3

Bɛ íre a ʋ yúor ƴawr'ɩ! Bɛ ŋmɩɛr a kʋɔr nɩ a korijom yiele nɩ a ʋ ƴãw!

Sɛb-sõw yielu 33:2

Nyɩ ŋmɩɛr a korijom puore nɩ ʋ barka, nyɩ ŋmɩɛr a fomie pie pɛ̀nɛ́ íre nɩ a ʋ yúor.

Sɛb-sõw yielu 42:9

A Sore, ʋ sàw tu n mɛ̃ a ʋ nɔ̃wfʋ a bibi-ɓil za, ɛ́ a tɩ̃ɩsɔw a, ɩ̃ na yiele na danɛ nɩ ʋ, ɩ̃ na puore nɩ a Naaŋmɩn na n'ʋ so ɩ̃ vʋʋrɛ a.

Sɛb-sõw yielu 57:8

Ɩ̃ bɛr'ɩ dɛ̃bɩ̃ɛ, Naaŋmɩn i, ɩ̃ bɛr'ɩ dɛ̃bɩ̃ɛ, ɩ̃ na yiele na, ɩ̃ na yiele na danɛ nɩ fʋ.

Sɛb-sõw yielu 68:25

Naaŋmɩn i, bɛ nyɛ̃ nɩ a nɩbɛ na cɔrɩ tu b a, a nɩbɛ na cɔrɩ tu b a fʋ Yir-sõw pʋɔ a, ɩ̃ Naaŋmɩn nɩ ɩ̃ nãà a!

Sɛb-sõw yielu 9:16

A nɩ-bʋʋr-yoru lo n a bɔw-zulu bɛ na tuw a pʋɔ, a bɛ gbɛ́ɛ mɩl'ɩ a mɩ̃ɛ bɛ na sɔwlɩ a.

1 Samɩɛl 10:5

Al pùorí, fʋ na ta n a Naaŋmɩn tãgɛ̃́, a be a Filisɩtɛ̃ mɩnɛ sojarɩ na be a. A be a, fʋ̃ʋ wa kpɩɛr a tẽw pʋɔ a, fʋ na tuor'ɩ naaŋmɩn-ƴɛ̀r-manbɛ na yi a maalʋ-zie siwr a: pɛ̀n-ŋmɩɛrbɛ de bɛ nɩ niwn lãwnɩ gãga-ŋmɩɛrbɛ, nɩ weli-pɛblbɛ nɩ korijom-ŋmɩɛrbɛ. Naaŋmɩn-ƴɛ̀r-manɛ ƴã-cɩrʋ na tɛr'ɩ bɛ za.