Sɛb-sõw yielu 9:10 - A SƐB-SÕW

¹⁰ A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Sɛb-sõw yielu 9:10 ပူးပေါင်းရင်းမြစ်များ

2 Samɩɛl 22:3

A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faa daar a, Zɛbr-kur-pãgala na mɩ́ piw mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

Sɛb-sõw yielu 37:28

bʋ̃ʋ n'ʋ vɛ̃, a Sore nɔnɛ na kɛ́ bɛ ɩrɛ mɛ̃ a lɛ-na-tu-sɔr-a, ɛ́ bɛ zawrɛ a ʋ nɩbɛ na sàw de ʋ a bɛrɛ ɩ. Ʋ gùre bɛ nɩ kʋralɛ, ɛcɛ bɛ na ír'ɩ a nɩ-faar bʋʋrɛ bʋʋrɛ bɛr.

Sɛb-sõw yielu 37:39

A Sore zie n'a a nɩ-mɩn faafʋ yire, ʋlɛ n'ɩ a bɛ zɛbr-yir-kpɛ̃w a kpɩɛrʋ daar.

Sɛb-sõw yielu 5:11

Naaŋmɩn i, yel kɛ́ bɛ sãw na, a bɛ libelibe, a wa n a bɛ loba. Diw bɛ bɛr a bɛ ɩ-faar za ƴãw, bɛ na ɩ nɩsaal-gaarɩ a fʋ zie a ƴãw.

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Sɛb-sõw yielu 91:14

A Naaŋmɩn yere na: «Ʋ na tu m a, ɩ̃ na faa ʋ na. Ɩ̃ na gùre ʋ na, ʋ na bãw a ɩ̃ yúor a ƴãw.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 45:19

Ɩ̃ bɛ sɔwlɩ ƴɛ̀r a tẽw zie kãw na liw a ɩ. Ɩ̃ bɛ yel a Zakɔb bʋʋrɛ: Nyɩ bɔbr mɛ̃ zi-vuo pʋɔ ɩ. A mãa Sore a, ɩ̃ yere nɩ bom na tu mɩnʋ a, ɩ̃ yere nɩ bom na ɩ sɩza a.»

Zeremi 29:13

Nyɩ na bɔ m'a, ɛ́ nyɩ na nyɛ̃ m'a. A mãa, a Sore, ɩ̃ yere na: nyɩmɛ wa bɔbr mɛ̃ nɩ a nyɩ pʋɔ za a, ɩ̃ na bɛr'a nyɩ nyɛ̃ m. Ɩ̃ na lɛb'a maalɩ a nyɩ yele ƴãw, ɩ̃ na lɛb'a tɛr nyɩ a ten al za nɩ a ziir al ɩ̃ na diw nyɩ yaarɩ a wa ɓã taa. Ɩ̃ na ɩ na nyɩ lɛb wa a ka, a zie ŋa nyɩ na tɩ be ɩ̃ɩ ɩ bɛ diw nyɩ cen nɩ a.” À à ŋá n'a a Sore yere.

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

1 Zã 2:3

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.