Sɛb-sõw yielu 85:6 - A SƐB-SÕW

⁶ A na ŋmɛ̃ lɛ a, fʋ na nyɛ̃ nɩ tɩ nɩ suur kʋralɛ bɩɩ? A fʋ suur na be n be yome yome za bɩɩ?

Sɛb-sõw yielu 85:6 ပူးပေါင်းရင်းမြစ်များ

Sɛb-sõw yielu 138:7

Kpɩɛrʋ wa tɛr mɛ̃ yaga za a, fʋ mɩ́ ɩ na k'ɩ̃ vʋʋrɛ, a ɩ̃ dɔ̃ dem saa mɩ́ nyɛ̃ suur a. Fʋ mɩ́ dɔl'ɩ a fʋ nũu faa mɛ̃ nɩ a fʋ fãw.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 53:6

Bɛlɛ n'ɩ bɛ ŋan dɛ̃bɩ̃ɛ nyɔw, bɛ màwr, ɛ́ dɛ̃bɩ̃ɛ yel bɛ ka be ɩ. Bʋ̃ʋ n'ʋ vɛ̃, a bɛlɩ dem na wa ŋmãa jil fʋ a zɛbr ƴãw a, Naaŋmɩn yaar'ɩ a bɛ kɔbɛ pàw a ziir. Fʋ ƴãw bɛ nɩ vĩ, Naaŋmɩn na zawrɩ bɛ bɛr a ƴãw.

Sɛb-sõw yielu 71:20

Fʋ ɩ na k'ɩ̃ nyɛ̃ kpɩɛrʋ nɩ yel-faar yaga. Ɛcɛ fʋ na wa na lɛb wa kʋ̀ m a nyɔ-vʋʋrʋ, wa ɩ k'ɩ̃ lɛb yi a yàa-bɔw pʋɔ.

Sɛb-sõw yielu 74:1

Asafʋ yielu na wule yã a. Naaŋmɩn i, bʋ̃ʋ n'ʋ so fʋ zawrɩ tɩ bɛr a baarɩ? Bʋ̃ʋ n'ʋ so fʋ cãà nyɛ̃ nɩ tɩ suur, tɩɩm na ɩ a fʋ zaw píir a?

Sɛb-sõw yielu 77:8

A Sore nɔ̃w jɛ tɩ na bɛr a baarɩ bɩɩ? Ʋ bɛ lɛb cãà bɔbr tɩ towtow bɩɩ?

Sɛb-sõw yielu 80:18

Ír a fʋ nũu dɔwlɩ a nãà na zɩ̃ a fʋ dʋrʋ lowr a zu, a nɩr ŋa fʋ na ɩ k'ʋ kpɛmɛ a.

Sɛb-sõw yielu 90:14

A zie mɩ́ wa vɩɛrɛ wa báarɛ a, fʋ̃ʋ mɩ́ paalɩ tɩ nɩ a fʋ nɔ̃wfʋ, ɛ́ tɩ na mɩ́ yiele na ŋmɩɛr'ɩ nʋ̃ɔ̀ cɛlsɩ a tɩ nyɔ-vʋʋrʋ daar za.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Zeremi 3:5

«Ʋ na tɛr'ɩ a ʋ suur kʋralɛ bɩɩ? Ʋ kʋ̃ bɛr a baarɩ ɛ?» À ŋá n'a fʋ mɩ́ yere ɛ́ cãà maalɛ a faa a, ɛ́ mɩ́ bãw ʋ maalɩ vla za!

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

A naaŋmɩn-ƴèr-manɛ Oze sɛbɛ 6:2

ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

Habakukɩ 3:2

Sore e, Sore e, ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃. Tõ a tome á ŋá taabɛ a tɩ cãafʋ daar, ɩ a nɩsaalbɛ bãw a. Alɛ saa sɛw kɛ́ fʋ nyɛ̃ suur a, cãà tɛr su-ɓaarʋ a tɩ zie.