Sɛb-sõw yielu 81:8 - A SƐB-SÕW

⁸ Fʋ na tɩ be a kpɩɛrʋ pʋɔ ŋmɩɛr cɛlsɩ a, ɩ̃ faa fʋ na. Ɩ̃ tɩ sɔwl'a be a saa pʋɔ ɛ́ sɔw fʋ. Ɩ̃ tɩ ɩ b'a kaa a Meriba kʋ̃ɔnɩ pɛr. Tɛw-àrʋ

Sɛb-sõw yielu 81:8 ပူးပေါင်းရင်းမြစ်များ

Sɛb-sõw yielu 50:7

— Ɩ̃ nɩbɛ ɛ, nyɩ bɛrɛ wone, ɩ̃ na ƴɛ̀r'a, Ɩsɩrayɛl i, ɩ̃ na dɩ n a fʋ sãwna dãsɩɛ, mãa n'ɩ a Naaŋmɩn, a fʋ Naaŋmɩn.

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 17:7

Bɛ tɩ por'ɩ a zie nɛ yúor kɛ́ Masa nɩ Meriba, a pɛr lɛ kɛ́ “Ɩ-kaafʋ” nɩ “Nɔhaarʋ”. A Ɩsɩrayɛl nɩbɛ na tɩ bɔ a Moyiir nɔhaarʋ a ƴãw, nɩ bɛ na tɩ ɩ a Sore kaa sowri: «A Sore be n a tɩ sɔgɔ, bɩɩ ʋ bɛ ka be mɔ̃?»

Eziptɩ tẽw yib 19:16

A deyere daarɩ́ biɓaara a, a saa tɩ tanɛ na, ɛ́ nyɩwrɛ, ɛ́ zʋ̀ʋr-sɛbla tɩ pàw a tãw. Ɩɩl mɩ̀ tɩ pɛblɛ nɩ kpɛ̃w kpɛ̃w za. Dɛ̃bɩ̃ɛ tɩ nyɔw nɩ a nɩbɛ a pɛnɛ-sɛwr pʋɔ, bɛ màwr.

Ɩzayi 1:19

Nyɩmɛ wa sàw bɛrɛ wone a, nyɩ na dɩrɛ nɩ a tẽw bʋ̃-nʋʋr.

Sɔr-nɛ́ɛ 20:13

A Meriba kʋ̃ɔ yele n'ɩ à à ŋá —a pɛr lɛ kɛ́ Nɔhaarʋ kʋ̃ɔ—. Bʋ̃ʋ n'ʋ vɛ̃, a Ɩsɩrayɛl nɩbɛ tɩ bɔ n a Sore nɔhaarʋ a be, ɛcɛ a tɩ ɩ na a Sore wul a ʋ sonu.

Zã 3:11

Yel-mɩŋa sɩza sɩza, ɩ̃ yere na kʋ̀rɛ fʋ: bom tɩ na bãw a ƴɛ̀rʋ n'a tɩ ƴɛ̀rɛ, bom tɩ na nyɛ̃ a dãsɩɛ n'a tɩ dɩrɛ, ɛ́ nyɩ bɛ sàw dier a tɩ dãsɩɛ ɩ.

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Wulu-ayi-sob 32:46

ʋ yel bɛ na: «A ƴɛ̀rʋ ɩ̃ na ƴɛ̀r kʋ̀ nyɩ a dɩ̃a a, nyɩ de a a ɩ ƴɛ̀r-sɩza. A nãà wa dɩ n a dãsɩɛ nyɔw nyɩ. Nyɩ wul a a nyɩ bʋʋrɛ, ɛ́ yel kʋ̀ bɛ kɛ́ bɛ sàwr a wulu ŋa ƴɛ̀rʋ za.

Wulu-ayi-sob 5:27

A na ɩ à ŋá a, a fʋ̃ʋ Moyiir'ʋ na mɩ́ taw pɩɛlɩ a Sore tɩ Naaŋmɩn wõ a ʋ ƴɛ̀rʋ za. Fʋ na mɩ́ lɛb'a yel a kʋ̀ tɩ a pùorí, ɛ́ tɩ na mɩ́ bɛr a wõ ɛ́ tuur a.»

1 Zã 5:9

Tɩ mɩ́ sàw nɩ a nɩsaalbɛ dãsɩɛ, ɛcɛ a Naaŋmɩn dãsɩɛ ɩ n kpɛ̃ɛ zuo a nɩsaalbɛ dem. Ɛ́ a dãsɩɛ ŋa n'ʋ ʋ dɩ a ʋ Bie ƴãw.