Sɛb-sõw yielu 80:8 - A SƐB-SÕW

⁸ Naaŋmɩn-kpɛnʋ-za-sob i, ɩ tɩ lɛb wa, tɛr nĩw-vla a tɩ ƴãw, ɛ́ tɩ na nyɛ̃ nɩ a faafʋ.

Sɛb-sõw yielu 80:8 ပူးပေါင်းရင်းမြစ်များ

Sɛb-sõw yielu 31:17

Tɛr niw-vla a mãa, fʋ tõ-tõ-bie, ƴãw, faa mɛ̃ a fʋ nɔ̃wfʋ zũú.

Sɛb-sõw yielu 44:2

Naaŋmɩn i, tɩ wõ n nɩ tobr, a tɩ sãà mɩnɛ manɩ kʋ̀ tɩ a tome fʋ na tõ a bɛ daar a koro koro za a.

Sɛb-sõw yielu 60:3

Naaŋmɩn i, fʋ jɛ tɩ na bɛr, fʋ dam tɩ na nyaw taa. Fʋ tɩ nyɛ̃ nɩ suur, ɛcɛ lɛb maalɩ tɩ ƴãw!

Sɛb-sõw yielu 78:55

Ʋ tɩ diw nɩ nɩ-bʋʋrɛ a bɛ niŋé bɛ ìr, ɛ́ ʋ põ a Kanãa tẽw kʋ̀ bɛ, ŋa mɩ́ tɛr ʋ zie. Ʋ tɩ ɩ n a Ɩsɩrayɛl dɔwlʋ dɔwlʋ nɩbɛ kpɩɛr a bɛ pɛnɛ-sɛwr pʋɔ.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 2:21

Ɛcɛ, mãa a, ɩ̃ tɩ sɛl fʋ na mɛ̃ divɛ̃ tɩ-bʋʋrɛ na vɩɛl vɩɛl a, mɛ̃ tɩ-mɩŋa a. Ŋmɩŋmɩn n'a fʋ wa lɩɛbɩ divɛ̃ tɩ-yɛrɛ, a wɔmɛ na bɛ vɩɛl towtow a?

Ezekɩɛl 15:6

Nyɛ̃, à ŋá n'a a mãa Sore Naaŋmɩn yere: Bɛ mɩ́ kaa na ír a divɛ̃ tɩɛ dàa lɔb ƴãw a vũumí ɛ́ bɛr a tɩ-yũo dàa. Lɛ mɩ̀ n'a ɩ̃ na nyɩw a bɛlɩ dem na kpɩɛr a Zerizalɛm a bɛr.

Ezekɩɛl 17:6

A tɩɛ ŋa tɩ vo na, ʋ tɩ lɩɛb'ɩ divɛ̃ tɩ-vla vla na zɔrɛ gbɛ́ɛ a tẽsɔw a. A ʋ wuli tɩ kɛrɛ na tuur a sɩla lowr ɛ́ a ʋ nyɩgɛ bule a ʋ pɩgɛ pile. A divɛ̃ tɩɛ ŋa tɩ vore nɩ wul-paalɛ kʋralɛ.

Ezekɩɛl 19:10

«A nyɩ mã tɩ ŋmɛ̃ na mɛ̃ divɛ̃ tɩɛ bɛ na sɛl kʋ̃ɔ nʋɔr a. Ʋ tɩ wɔnɛ nɩ wɔ̃-yaga ɛ́ tɩ tɛr va-yaga, ʋ na tɩ páwr kʋ̃ɔ yaga a ƴãw.

Nɩ-toni 7:45

A tɩ sãàkʋm-kore lʋɔrɩ nɩ a pɛn-sɛw ŋa kʋ̀ taa. A lɛn daar a Zozue na wa tɩ de bɛ a niwn a, bɛ tɩ cãà na tɛr a pɛn-sɛw ŋa. A Zozue n'ʋ tɩ tɛr bɛ tɩ kpɛ n a tẽw ʋl pʋɔ, a Naaŋmɩn na diw a tẽ-biir, ɛ́ a Ɩsɩrayɛl nɩbɛ zɛb de a. A pɛn-sɛw ŋa tɩ be n a be tɩ ta a Daviir daar.

Zozue 13:6

lãwnɩ a tan vuo ʋl na be a Libã nɩ a Misirefɔtɩ-Mayim cará a. Sɩdɔ̃ tẽw dem nɛbɛ kpɩɛr a be. A Ɩsɩrayɛl nɩbɛ na cere na, ɩ̃ɩ diwr a voru á ŋá nɩbɛ bɛrɛ a bɛ niŋé. Fʋ na ŋmɛ n gbãw põ a ziir kʋ̀ a Ɩsɩrayɛl nɩbɛ, mɛ̃ a lɛ ɩ̃ na yel kʋ̀ b a.