Sɛb-sõw yielu 76:6 - A SƐB-SÕW

⁶ Bɛ fa n a soja-gãdaar bome za, bɛ gúr'ɩ a kũu gʋ̃ɔ. A zɛbr-nɩbɛ bɛ ŋa bɛ tʋ̃ɔ́ ɩ ɩb kãw za ɩ.

Sɛb-sõw yielu 76:6 ပူးပေါင်းရင်းမြစ်များ

2 Samɩɛl 10:18

ɛcɛ a Ɩsɩrayɛl nɩbɛ tɩ diw bɛ na bɛ zɔ. A Daviir nɩ a ʋ sojarɩ tɩ kʋ n a Siiri tẽw dem wie kɔbr ayopõi (700) na tɩ tawr a zɛbr-torkori a, nɩ soja-wi-zɔmnbɛ tùr-lɩz'a ayi (40 000). Bɛ tɩ ŋmɛ n a zɛbr-nɩbɛ nɩ-kpɛ̃ɛ Sovakɩ ƴãw bàalʋ ʋ kpi a be.

2 Na-mɩnɛ 19:35

A ʋlɩ tɩ̃ɩsɔw nɛ a, a Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

2 Bibie za yel-manɩ 32:21

A Sore tɩ tõ n malkɩ kãw a Asiiri tẽw nɩbɛ laɩ pʋɔ ʋ tɩ kʋ a soja-gãdaar za nɩ a sojarɩ nɩ-bɛrɛ za. Vĩ tɩ nyɔw nɩ a Asiiri tẽw nãà ʋ lɛb kul'ɩ a ʋ tẽw. Bibir kãw ʋ na tɩ kpɛ a ʋ ŋmɩn yir a, a ʋ bidɛbr tɛɛ za tɩ cɔ̀r ʋ na kʋ.

Sɛb-sõw yielu 104:7

Ɛcɛ fʋ tanɩ a na, a zɔ! A na wa wõ a fʋ saa na tanɩ a, a lɩɛb'a zɔ.

Sɛb-sõw yielu 18:15

Ʋ tɩ ɩ na a saa nyɩwrɩ pàw a ziir za. Ʋ tɩ tɛn pime bɛr a ziir za.

Sɛb-sõw yielu 80:16

Gùre a bom fʋ̃ʋ mɩŋa na sɛl a, a nɩ-bʋʋrɛ bɛ ŋa fʋ na ɩ bɛ kpɛmɛ a.

Eziptɩ tẽw yib 15:1

Lɛ n'a a Moyiir nɩ a Ɩsɩrayɛl nɩbɛ tɩ yieli a danʋ yielu ŋa a Sore ƴãw: Ɩ̃ na yiele nɩ a Sore ƴãw. Ʋ dɩ n dɛblʋ! A wie nɩ a wi-zɔmnbɛ za a, ʋ lɔb bɛ na ƴãw a kʋ̃ɔ-kpɛ̃ɛ pʋɔ.

Eziptɩ tẽw yib 15:10

Ɛcɛ fʋ̃ʋ a, Sore e, fʋ pɛbl'ɩ a fʋ pɩɛlʋ, a kʋ̃ɔ-kpɛ̃ɛ paalɩ pàw bɛ. Bɛ tɔl'a siw mɛ̃ kure a, a kʋ̃ɔnɩ na damnɛ nɩ fãw a pʋɔ.

Eziptɩ tẽw yib 15:21

A Miriyam tɩ cɛ na ƴãw bɛ à ŋá: Nyɩ yiele danɛ nɩ a Sore: ʋ dɩ n dɛblʋ, ʋ lɔb'ɩ a wie nɩ a wi-zɔmnbɛ za ƴãw a kʋ̃ɔ-kpɛ̃ɛ pʋɔ!

Ɩzayi 37:36

A Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

Zeremi 51:39

A bɛ bʋ̃-bɔbra tuo dɩrɛ bɛ na, ɩ̃ɩ cɔbrɛ cuw dɩb a bɛ ƴãw. Ɩ̃ na ƴãw na bɛ nyũ tɩ kuoli gã kpãlãkpãlã. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb ìr towtow ɛ, a mãa Sore, mãa n'ʋ yere.

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Ezekɩɛl 39:20

A ɩ̃ cuw dɩb ŋa zie a, nyɩ na 'wɔb'ɩ wie nɩ wi-zɔmnbɛ, sojarɩ nɩ zɛbr-nɩ-pɛ-bʋʋrɛ za. A mãa Sore Naaŋmɩn n'ʋ yere.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Nahum 2:13

A gbẽw-daa mɩ́ tɩ kʋ n a bome taw ŋma, wa ƴãw a gbẽw-nyãw nɩ a bili. Ʋ mɩ́ tɩ paal'ɩ a ʋ bɔwrɩ, nɩ a dʋn nɛnɛ ʋ na kʋ taw ŋma a.

Nahum 3:18

Asiiri tẽw nãà a, a nɩ-bɛrɛ fʋ na ƴãw a ten pʋɔ a, bɛ gúr'a kʋ̃ lɛb ìr ɛ, a fʋ sojarɩ nɩ-bɛrɛ bɛ cãà damnɛ ɩ. A fʋ nɩbɛ yàar'a pàw a tan, ɛ́ nɩr bɛ ka be na lɛb kaalɩ bɛ ɓã taa ɩ.

Zakari 12:4

A lɛn daar a, mãa n'ʋ yere, a mãa Sore, ɩ̃ na ɩ na pʋl-vʋ̃ɔ nyɔw a bɛ wie za, ɛ́ yãyaar tɛr a bɛ wur-zɔmnbɛ. Ɩ̃ na gù n a Zuda nɩbɛ, ɛ́ ɩ a nɩ-bʋʋr-yoru wie za a zɔ̃w.

1 Samɩɛl 26:12

A Daviir tɩ ɓáw nɩ a kafin nɩ a kʋ̃ɔ kʋɔr na tɩ be a Sawul zu-sɔw a, bɛ tɔl cen nɩ. Nɩr bɛ tɩ nyɛ̃ bom ɛ, nɩr bɛ tɩ bãw kɛ́ bom ɩ na ɩ, nɩr bɛ tɩ zaw ìr ɛ, bɛ za tɩ gúre na. A Sore tɩ ɩ na bɛ gúr kpalɩtam.